छ्या स्‍ये च्‍युताते बात 2:2 - जिरेल

² च्‍यि सासीन ख्‍योकोनगी खिन ओताते गाङे काम ङाला छ्या ओत। ख्‍योकोनगी स्‍याप स्‍याप खाईन काम खाबाते थेमे दुक्‍पा ओङजीनोङ सेम मेसेता खाईन देताते ङाला छ्या ओत। थेमे थेरू मेलेबा काम खित्‍कान्‍ते मिओनला ख्‍योकोनगी मन परे माक्‍याबातेङ ङाला छ्या ओत। खोपरोङ येशू ख्रीष्‍टकी खटे खाबाते मि ईन सिन सिरकान्‍तेबाला ख्‍योकोनगी थेबा पक्‍काराङ थोक्‍ते मि ईन्‍दाकाना मेन्‍दाका सिन विचार खाईन ताकीन थेबा थोक्‍ते मि मेन सिन छ्या स्‍येला दुक। थेबानी खोपरोङगी ईन साबा च्‍योक्‍ते मि ईनराङ मेन।

छ्या स्‍ये च्‍युताते बात 2:2 Iomraidhean Croise

मत्ती 7:23

थेबेकी थोक थोक खाबाते ईन्‍सीनोङ ङाचेन थेबाला ‘ख्‍योकोननी परमेश्‍वरगी खि साबाते मेङेन्‍कान्‍ते मि ईन। ख्‍योकोन ङे मि मेन, दुरू मादेत, दुरूकी ग्‍युक,’ सिओ।

यूहन्‍ना 6:6

ईन्‍दालाचेन थेकी फिलिपकी चुक सिरच्‍या ईन्‍दाका सिन थे सेम ताप्‍लाकामा थोक सिन ठिबा ओतान। दि मिओनला दोकराङ खाला साप तेरामीन सिन थेकी गोमाका विचार खाईन सिन्‍दा ओतान।

गलाती 1:7

गा लाङच्‍येते बात ईन सिन थरिङोला कोई कोईकी ख्‍योकोनला लोप्‍कीन ओताते बातनी गा लाङच्‍येते बात ईनराङ मेन। होथोक्‍ते बात लाप्‍ला थेबेकीनी ख्‍योकोनला अलमल्‍ल लोङगीन दुक। दोक खाला थेबेकी ख्रीष्‍टते गा लाङच्‍येते बात खुदुक ज्‍वा छोल्‍गीन दुक।

एफिसी 4:14

दोक ओङनामेकीचेन ङुरूङ पाको गाला मेताते मिकी च्‍योक मिक्‍किओ। पाको गाला मेताते मिकीचेन परमेश्‍वर बात ईन सिन सुइँदेकी मेन्‍दे बात लाप्‍सीन थे ङेन्‍ग्‍यो। लोक्‍ला ज्‍येनज्‍यीगी होथोक्‍ते ज्‍येनराङ बात लाप्‍सीन थेङ ङेन्‍ग्‍यो। होथोक्‍ते बात लोप्‍कान्‍ते मिओन ज्‍येनला छक्‍के खिताला आउदी च्‍याङबो ओङगो। थेबेकी चुक खाला ओङगीका पाको गाला मेताते मिओन मिकला छारो ग्‍याप्‍ला खोपरोङ लाःक्‍तु लिन्‍ग्‍यो।

१ थिस्‍सलोनिकी 1:3

धन्‍यवाद सिरजीनराङ ख्‍योकोनगी येशू ख्रीष्‍टला विश्‍वास खाईन लेमु काम खिताला स्‍यूबाते थेमे ज्‍येनला ङिङज्‍ये खिन झन झन लेमु खाबाते बातकी लाईदु ङुरूङ आबा परमेश्‍वरला धन्‍यवाद सिओ। थे लाईदुकामा मेन, था ङीमाई ङुरूङ प्रभु येशू ख्रीष्‍ट ग्‍युरला ओङगो सिन आश खाईन गुकीन देता ओतेकी जस्‍तो दुक्‍पा ओङसीनोङ ख्‍योकोन सेम मेसेता खाईन देता ओताते बातकी लाईदुङ ङ्योकोन थेला धन्‍यवाद सिओ।

१ थिस्‍सलोनिकी 5:21

खाङ कामताङ बात लेमु ईन्‍दे, खाङ मेलेबा ईन्‍दे सिन लेमु खाला छ्या स्‍येबा खि। जुन कामताङ बात खिता लेमु दुक थे खि,

२ तिमोथी 2:19

तर परमेश्‍वर सत्‍यते बातचेन नोमुङ माराम्‍च्‍या खाईन तिङाते खाम्‍बे जग च्‍योकराङ ईन। थे बात नोमुङ खुदुक मोन्‍डोओ। खइँदा खाम्‍बा च्‍यि लाईदु जोबाते ईन्‍दे सिन खाम्‍बे दोज्‍यीकला कोरगीन टिबाते बात च्‍योक खाईन परमेश्‍वर सत्‍यते बातला दोक दोक सिन टिबा ओत। चुक सासीन “थे खोरोङ मि सु सु ईन्‍दे सिन प्रभु परमेश्‍वरगी लेमु खाला छ्या स्‍येक्‍यो,” थेमे “प्रभु परमेश्‍वर मि ईन सिन सिरकान गाङेकी मेलेबा काम खिता तोङा फाप्‍क्‍यो,” सिन टिबा ओत।

हिब्रू 6:10

ख्‍योकोनगी परमेश्‍वरला थोई ङिङज्‍ये खिते सिन परमेश्‍वर सन्‍तान ज्‍येनतेबाला ङिङज्‍ये खाईन लेमु खाबाते थेमे थोरूमोङ थोकराङ खिन ओताते बातकी छ्य्‌वापेई लेमु खाला छ्या स्‍येबा थुप्‍कीदुक। ख्‍योकोनगी थोक खाबाते परमेश्‍वरला गाङे छ्या ओत। थेकी दि बात थाराङ टोक मेज्‍येदो।

१ यूहन्‍ना 4:1

ङिङज्‍येते फिजावे, सुइँदेकी ङाला दि बात परमेश्‍वर आत्‍मेकी सिर च्‍युताते ईन सिन सिरजीनमेईराङ थोक्‍ते मि गाङे बात पत्ते माकेत। बरू थेबेकी साबाते बात परमेश्‍वर आत्‍मेकी सिर च्‍युताते ईन्‍दाकाना मेन्‍दाका सिन लेमु खाला छ्या स्‍येबा खि। च्‍यिला सासीन परमेश्‍वर बात खित्‍कान्‍ते मि ईन सिन मेन्‍दे बात लोप्‍कान्‍ते मिओन सा लुङबा खाङ ठाम्‍गीन सिन्‍दा ओत।

छ्या स्‍ये च्‍युताते बात 2:5

ख्‍योकोनगी नामनामेई ङाला थोक खिता ताङाते ईन्‍दे सिन ठेम्‍बा खि। थेमे थोक खिता ताङाते लेमु मेन्‍दाक्‍वा सिन छ्या स्‍येला लोक्‍ला गोमा च्‍योकराङ खि। दोक माक्‍यासुङ सासीन ङा थेपा वाला च्‍याला थे बत्ती पारला ज्‍य्‌वाच्‍येते सामदानला थेरू मोज्‍योओ, ङा थे सामदान थेरूकी थेन्‍ग्‍यो।

छ्या स्‍ये च्‍युताते बात 2:6

बातज्‍यीकचेन ख्‍योकोनगी लेमु खाला दुक। निकोलाइटन सिराते पाटी मिओनगी खित्‍च्‍येते कामचेन ङाला च्‍योकराङ ख्‍योकोनलाङ बान्‍दा गा मालाङदुक।

छ्या स्‍ये च्‍युताते बात 2:9

च्‍यि सासीन ख्‍योकोनला ज्‍येनगी दुक्‍पा बिन्‍दाते बात ङाला छ्या ओत। थेमे ख्‍योकोनला दाङच्‍या ख्‍योप्‍च्‍या मेत सिनोङ ङाला छ्या ओत। ईन्‍सीनोङ ख्‍योकोन छ्याःङ मेताते मि मेन। खोपरोङ यहूदी ईन सिन सिरकान तर लेमुते काम मिक्‍किकान्‍ते मिओनगी ईन्‍दा मेन्‍दे दोष लै खाईन ख्‍योकोन विरोध खाबाते बात ङाला छ्या ओत। थेबाचेन शैतानताङ डिक्‍कान्‍ते मि ईन।

छ्या स्‍ये च्‍युताते बात 3:1

सार्डिस सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन परमेश्‍वर आत्‍मा दुईनबो ङ्योम्‍बु ओताते थेमे लाःक्‍तु कार्मा दुईन ओताते ङा सिन ओत। च्‍यि सासीन थेपा ख्‍योकोनगी च्‍यि च्‍यि खाबा ओते सिन गाङे बात ङाला छ्या ओत। मिओनगी ख्‍योकोनला परमेश्‍वरताङ डिक्‍कान्‍ते आउदी लेमु मि ईन खिदुक। दोक ईन्‍सीनोङ ख्‍योकोन थोक्‍ते मि मेन, ख्‍योकोननी परमेश्‍वर लाईदु स्‍याप छेतराङ गाल्‍ला दुक।

छ्या स्‍ये च्‍युताते बात 3:15

ख्‍योकोनगी च्‍यि च्‍यि खिन ओते सिन गाङे ङाला छ्या ओत। ख्‍योकोन ना ठङगे मिन्‍दुक ना ठोम्‍मु मिन्‍दुक। दोक ओङासोक बरू ख्‍योकोन कि ठङगे कि ठोम्‍मु ओता ईन्‍सीन लेमु ओङच्‍या ओतान।

छ्या स्‍ये च्‍युताते बात 3:8

ख्‍योकोनगी खिन ओताते गाङे काम ङाला छ्या ओत। खेराङगी छ्ये छ्ये काम खिता माथुप्‍सीनोङ ख्‍योकोनगी ङे साबा च्‍योकराङ खिन देत्‍सुङ। खेराङ ङे मि मेन सिन ख्‍योकोनगी नोमुङ मासासुङ। ङे ख्‍योकोन दोन्‍दु गोज्‍यीक पेत्‍कीन ज्‍याक्‍पा ओत। दि गो सुङगीङ च्‍येता मुथुबो।