छ्या स्‍ये च्‍युताते बात 2:18 - जिरेल

¹⁸ थिआटीरा सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन मे च्‍येला च्‍योक खाला चम्‍के खित्‍च्‍याज्‍यीक मिकताङ आरनला लुगीन खारे खाबाते पित्तल च्‍योक खाला टल्‍के खित्‍च्‍याज्‍यीक काम्‍बा ओताते परमेश्‍वर फुज्‍युङ ङा सिन ओत।

छ्या स्‍ये च्‍युताते बात 2:18 Iomraidhean Croise

मत्ती 17:5

थेकी बात खिन खिनलाराङ आउदी कार्मुज्‍यीक मुक्‍पा वाकीन थेबा गाङेला उप्‍सुङ। थेमे थे मुक्‍पे नाङदुकीराङ “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत। दिकी साबाते बात ङेन,” सिन सिरा थेबेकी थोसुङ।

मत्ती 27:54

येशू स्‍यिजीनसाक थेला स्‍युङाला देत्‍कान्‍ते मिल्‍टेरी क्‍याप्‍टेनताङ मिल्‍टेरीओनगी सेदेर्मु गालाते थेमे थेरू ओङाते ज्‍येन ज्‍येनोङ बात थोङगीन आते खिन “दिनी साँच्‍चीराङ परमेश्‍वर फुज्‍युङराङ दुका,” सिन सिदुक।

मत्ती 3:17

थेमे स्‍वर्गनेईराङ “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत,” सिन परमेश्‍वरगी साबाते बातज्‍यीक ज्‍येनतेबेकीङ थोसुङ।

लूका 1:35

थे दूतकी “था खुई परमेश्‍वर आत्‍मा ङेत्‍ला गाङे भन्‍दा छ्येते परमेश्‍वर शक्तिकी खित्‍सादु फुज्‍यीमा खुरग्‍यो। थोगी खुई केबाते थे फिजाला सेमला पाप सिराते छ्याःङ मेताते थेमे परमेश्‍वर फुज्‍युङ ईन सिन सिओ।

यूहन्‍ना 1:14

थे बात सिरातेचेन मि जुनी लाकीन केकीन ङ्योकोनताङराङ देता ओतान। थोक खाला ङ्योम्‍बुराङ देत्‍जीन परमेश्‍वर आउदी खाला दया खित्‍कान्‍ते ईन, थे सत्‍यते ईन सिन थेकी ङ्योकोनला लेमु खाईन तेन्‍गीन बिन्‍दा ओतान। थेला आबातेकी देमा ताङा ओतान। थेते दोक्‍पोईकामा ओताते फुज्‍युङ ईन्‍देकी थेत्ताङ छ्येज्‍यीक शक्ति ओताते ङ्योकोनगी थोङा ङेत्‍सुङ।

यूहन्‍ना 1:49

थेमे नथानेलगी “गुरू, खोनी परमेश्‍वर फुज्‍युङराङ ईन, खो इस्राएलीओनला राज्‍य खिताला ओङगो साबाते गेल्‍बो ईन,” सिन सिदुक।

यूहन्‍ना 10:36

ङाला आबेकीराङ छाने खाईन दुरू ताङाते ईन। थोगी ङे ङा परमेश्‍वर फुज्‍युङ ईन सिन सिरजीन परमेश्‍वर विरोध खासुङ सिन ख्‍योकोन चुक खाला सिते?

यूहन्‍ना 3:16

चुक सासीन परमेश्‍वरगी दि सा लुङबे मिओनला आउदी ङिङज्‍ये खाईन थे खोरोङते दोक्‍पोईकामा ओताते फुज्‍युङोङ देमा ताङसुङ। थोगी परमेश्‍वर फुज्‍युङला विश्‍वास खित्‍कान्‍ते मिचेन सुङ नरककुण्‍डमा स्‍यूक्‍पा माफाबो, थेबा गाङेकी नोमुङ मिसिन्‍च्‍येते जुनी ङेत्‍क्‍यो।

यूहन्‍ना 3:18

थोगी परमेश्‍वर फुज्‍युङगी पापकी सजायदुकी डेल्‍ग्‍यो सिन थेला विश्‍वास खित्‍कान्‍ते मिला परमेश्‍वरगी सजाय मेतेरो। थेला विश्‍वास मिक्‍किकानगीचेन गाङेकी परमेश्‍वर सजाय ङेत्‍च्‍या ओङा ओत। परमेश्‍वरते दोक्‍पोईकामा ओताते फुज्‍युङला विश्‍वास माक्‍याबेकीराङ थेबेकी सजाय ङेत्‍च्‍या ओङाते ईन।

यूहन्‍ना 5:25

दि बात ङेन। च्‍यि सासीन था समयज्‍यीक ओङगो। सिइ सासीन थे समयचेन थरिङोलाराङ ईन। परमेश्‍वर छ्य्‌वापेई ठाल्‍गीन थे लाईदु स्‍याप छेतराङ गालाते मिओनगी था परमेश्‍वर फुज्‍युङ ङोरो थोक्‍यो। थे ङोरो थोला थेकी साबाते ङेन्‍कान्‍ते मिओनगीचेन नोमुङ मिसिन्‍च्‍येते जुनी ङेत्‍क्‍यो।

शक्ति काम 16:14

थेबे नाङ परमेश्‍वरला माने खित्‍कान्‍ते लिडिया सिराज्‍यीगोङ ओताक्‍वा। थे थिआटीरा सिराते सारगी मि ओतान। थे मोर्मुते रंग ग्‍यापाते आउदी दामीते खोलाक बेपार खित्‍कान्‍ते मि ओतान। प्रभु येशूकी थे फेम्‍मे मिला पावलगी साबाते बातओन लेमु खाला ङेन्‍च्‍ये सेम बिन्‍देकी थेकी लेमु खाईन थे बात ङेन्‍सुङ।

शक्ति काम 8:36

थेबा ङिबो थोक खाला लामला डुइन डुइनला छ्यु ओत्‍सादु ख्‍योल्‍सुङ। थेमे थे मिकी “लो तो, दुरू छ्यु ओताक्‍वा। ङाला छ्युला लुक्‍ला बप्‍तिस्‍मा नाङ, ना दोक खिताला थोरूमोङ ङे खइँदा खिता फाप्‍कीते?” सिन सिरजीन

रोमी 1:4

थेमे स्‍यिसादुकी सोम्‍बो लोक्‍पा ओतेकी थे पक्‍काराङ परमेश्‍वर फुज्‍युङ ईन, थेत्ताङ छ्येज्‍यीक शक्ति ओत सिन परमेश्‍वर आत्‍मेकी गाङेला छ्या स्‍ये च्‍युता ओत। ङुरूङगी प्रभु सिरच्‍येते येशू ख्रीष्‍ट होथेराङ ईन।

रोमी 8:32

परमेश्‍वरगी थे खोरोङ फुज्‍युङला चुक दुक्‍पा ओङगीते सिन छ्या स्‍येकीन स्‍येकीनोङ ङुरूङ गाङे पापकी सजाय भोगे खाला स्‍याप्‍ला थेला देमा ताङा ओतान। थेकी थोक खाईन थे खोरोङ फुज्‍युङ समेतनी ताङा ओतान सासीन च्‍यि ङुरूङला ज्‍येनतोकोङ जेसुकै मेतेरोतरो?

छ्या स्‍ये च्‍युताते बात 1:11

थेकीचेन “खुई च्‍यि च्‍यि थोङगीका थे गाङे बात स्‍यिउला टिला च्‍याला एफिसस, स्‍मर्ना, पर्गामम, थिआटीरा, सार्डिस, फिलाडेल्‍फियाताङ लाओडिसिया होदि सार दुईनकारदु जम्‍मा ओङकान्‍ते येशू ख्रीष्‍ट मिओनला थोङ,” सिन सिदुक।

छ्या स्‍ये च्‍युताते बात 2:1

एफिसस सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन सामे लाक्‍पे नाङ कार्मा दुईन ओताते थेमे बत्ती पारला ज्‍य्‌वाच्‍येते सेरगी सामदान दुईनगी किल्‍दु ख्‍याम्‍कान्‍ते ङा सिन ओत।

छ्या स्‍ये च्‍युताते बात 2:24

थेमे थिआटीरादु देत्‍कान्‍ते ज्‍येनगी च्‍योक मिक्‍किकान ख्‍योकोनलाचेन ङा खेराङगी खिन ओताते लाक्‍तु ज्‍येन ल्‍हाक्‍पा दुक्‍पा मेतेरो। ख्‍योकोनचेन ज्‍येन च्‍योकराङ जिजेबेलगी साबाते बात मेङेन्‍कान्‍ते थेमे कोई कोई मिकी साबाच्‍योक शैतानगी कोई कोई मिलाकामा छ्या स्‍ये ज्‍युत्‍च्‍येते बात मेङेन्‍कान्‍ते मि ईन।