छ्या स्ये च्युताते बात 2:14 - जिरेल14 थोक ईन्सीनोङ ङे ख्योकोनला सिरा फाप्च्येते बातज्यीक बात ङि ओत। च्यि सासीन ख्योकोन नाङ लाला लाला बालामगी लापाते बात ङेन्कान दुक। बालामगीचेन बालाक गेल्बोला ल्हाला पूजा खाबाते सोसीन ओङगो, रन्डीबाजी थेमे होदि च्योक्ते खिता मेङच्येते काम खासीनोङ ओङगो सिन लाप्कीन बिन्गीन इस्राएलीओनला थोक खित च्युता ओतान। Faic an caibideil |
छ्या स्ये च्युताते बात 2:14
30 Iomraidhean Croise
थे बातओन च्यि ईन्दे सासीन ख्योकोनगी ल्हाला पूजा खाबाते छ्याःङ मासा, ठागोङ मासा। ठाक मेदेन्दा खाईन सेताते छ्याःङगीतेङ स्या मासा। थेमे रन्डीबाजी थेमे होदि च्योक्ते खिता मेङच्येते काम माकेत। ङ्योकोनगी माकेत साबाते दि कामओन ख्योकोनगी माक्यासीन लेमु ओङगो। लो ख्योकोन गाङेला साबा च्योक ओङस्यीत,” सिन टिबा ओतान।
येशूला विश्वास खित्कान्ते ज्येन ज्येन जातकी मिकी चुक खिता फाप्कीते सिन ङ्योकोनगी गोमाकाराङ साकीन सिन्दा ओत। थेबाला ङ्योकोनगी ल्हाला पूजा खाबाते छ्याःङ मासा, ठागोङ मासा, ठाक मेदेन्दा खाईन सेताते छ्याःङगीतेङ स्या मासा। थेमे रन्डीबाजी थेमे होदि च्योक्ते खिता मेङच्येते काम माकेत सिन टिकीन ताङा ओत,” सिन सिदुक।
च्यिला सासीन थेबेकी खोपरोङला दोषी मेन सिरच्येते परमेश्वर काम ईन सिन थेला विश्वास माक्यासुङ। थोक खिता साटोला बरू थेबेकीचेन परमेश्वर नियम ङेन्ला धर्म कर्म खालाराङ थे दोन्दु थोक्ते मि ओङा चाल्सुङ। थेबेकी थोक खाबेकी खित्सादु येशू ख्रीष्टचेन थेबे लाईदु नार्दोक ग्याप्ला रिल्च्येते दो च्योकराङ ओङसुङ।
दोक ईन्सीनोङ ङे ख्योकोनला सिरा फाप्च्येते बातज्यीक ओत। चुक सासीन ख्योकोनगी जिजेबेलगी साबाते बात ङेन्गीदुक। थेकी थे मोरोङला परमेश्वर बात खित्कान्ते फेम्मे मि ईन साला ङे काम खित्कान ख्योकोनला मेन्दा मेन्दा बात लाप्ला रन्डीबाजी थेमे होदि च्योक्ते खिता मेङच्येते काम खित च्युत्ला थेमे ल्हाला पूजा खाबाते सार च्युत्ला लुइदुक।
तर ङे मि ईन सिरा ज्यीबा खित्कान्तेबा, ङाला विश्वास मिक्किकान्तेबा, मेलेबा मेलेबा काम खित्कान्तेबा, मि सेत्कान्तेबा, रन्डीबाजी थेमे होदि च्योक्ते खिता मेङच्येते काम खित्कान्तेबा, स्युत्च्या फुत्च्याताङ मन्तर तन्तर खित्कान्तेबा, ल्हा लुला माने खित्कान्तेबा थेमे ढाँर खित्कान्तेबाचेन गाङेराङ गन्धकताङ मे बाराते ज्यीबा लाङच्याज्यीक मे धुनीमा स्यूक्पा फाप्क्यो। था तिरी ज्यीबा लाङच्याज्यीक मे धुनीमा स्यूक्च्येते सिरातेचेन होदिराङ ईन,” सिन सिदुक।
थे सारगी फिनामाचेन फेत्कान्ते कि च्योकराङ मेलेबा खित्कान्ते मिओन, स्युत्च्या फुत्च्याताङ मन्तर तन्तर खित्कान्ते मिओन, रन्डीबाजी थेमे होदि च्योक्ते खिता मेङच्येते काम खित्कान्ते मिओन, मि सेत्कान्तेबा, ल्हा लुला माने खित्कान्तेबा थेमे ढाँर खिताला छ्याःङ च्योक मिक्किकान्ते मिओनकामा देत्क्यो।
Sanasan