छ्या स्‍ये च्‍युताते बात 2:13 - जिरेल

¹³ च्‍यि सासीन ख्‍योकोनचेन शैतान सिंहासन ओताते सारदु देता ओत सिन ङाला छ्या ओत। दोक ईन्‍सीनोङ ख्‍योकोनगी ङाला माताङसुङ, ङाला विश्‍वास खिनराङ देत्‍सुङ। ङा सु ईन्‍दे, ङे च्‍यि खिते सिन सिनराङ देत्‍कान्‍ते एन्‍टिपासला थे सारदुराङ सेत्‍जीनोङ ख्‍योकोनगी ङाला विश्‍वास खिता माताङसुङ।

छ्या स्‍ये च्‍युताते बात 2:13 Iomraidhean Croise

मत्ती 10:23

थोक खाला मिओनगी ख्‍योकोनला सारज्‍यीक्‍तु दुक्‍पा तेरजीन थेरू मादेत, ज्‍येनज्‍यीक सारनापा फ्रोला ग्‍युक। ङा दि बात सिओ, ख्‍योकोनगी दाक्‍पोन इस्राएल लुङबे सार सारगी मिला स्‍वर्गे राज्‍य बात लाप्‍कीन मासिन्‍दालाराङ परमेश्‍वर ओत्‍सादुई वाबाते मि ङा दुरू ग्‍युरला ओङगो।

मत्ती 24:9

ख्‍योकोनला दुक्‍पा तेरस्‍यीत थेमे सेत्‍स्‍यीत सिन थेजीन ज्‍येनगी ख्‍योकोनला जिन च्‍युत्‍ला छ्ये छ्ये मि लाःक्‍तु सोम्‍पे खिओ। ङे मि ईन्‍देकीराङ गाङे लुङबा लुङबाला मिओनगी ख्‍योकोनला मिगी थोङसार्मु खिओ।

मत्ती 4:10

येशूकी “खो दुरूकी ग्‍युक शैतान। परमेश्‍वर बातला ‘प्रभु परमेश्‍वरला माने खिओ सिन से खि। थेमे थेलाकामा माने खिता फाप्‍क्‍यो,’ सिन साबा ओत,” सिन ङारसुङ।

लूका 21:17

ङे मि ईन्‍देकीराङ मि गाङेकी ख्‍योकोनला मिगी थोङसार्मु खिओ।

शक्ति काम 22:20

थेमे खुई बात लोप्‍कान्‍ते स्‍तिफनसला दोईकी ग्‍याप्‍ला सेत्‍जीन ङाङ थोक खित्‍कान्‍तेबाताङ खुशी ओतान। थेला थोक खाला सेत्‍कान्‍ते मिओनते लाक्‍तु खोन्‍दाते खोलाकतेबा ङेराङ स्‍युबाप। गोमा ङे थोक थोक खाबाते दुरू मिओनला गाङे छ्याराङ ओत,’ सिन साबाप।

शक्ति काम 9:14

खोल्‍ला प्रभु सिन प्रार्थना खित्‍कान गाङेला जुम्‍ला खेराला छ्ये छ्ये पूजारी अधिकार ङेत्‍कीन थे दुरू वाला दुक्‍लो,” सिन सिदुक।

१ थिस्‍सलोनिकी 5:21

खाङ कामताङ बात लेमु ईन्‍दे, खाङ मेलेबा ईन्‍दे सिन लेमु खाला छ्या स्‍येबा खि। जुन कामताङ बात खिता लेमु दुक थे खि,

१ तिमोथी 5:8

दाक्‍पोन मिला थे लाक्‍तुङ दाक्‍पोन खाम्‍बे मिला माताकान्‍ते मिकीचेन येशू ख्रीष्‍टला विश्‍वास खित्‍जीन ङेन्‍दाते बात ङेन्‍दा ताङाते ईन। थोक्‍ते मिचेन येशू ख्रीष्‍टला विश्‍वास खाबा मेताते मि भन्‍दाङ मेलेबा ईन।

२ तिमोथी 1:13

थेमे था ङा खोल्‍ला चुक खि सिते सासीन ङे खोल्‍ला च्‍यि बात चुक सिन लाप्‍कीन बिन्‍दा ओताने थे थेराङ ङेन्‍दा फाप्‍च्‍येते बात ईन सिन टोक मेज्‍येता खाला ज्‍येनतेबाला होथे बातराङ लोप्‍कीन देत। थोक खाला लोप्‍जीन येशू ख्रीष्‍टताङ जीउज्‍यीकराङ ओङाते खुई थेला विश्‍वास खिन देता मातोङ थेमे ज्‍येनला ङिङज्‍ये खिन देताङ मातोङ।

२ तिमोथी 2:12

थेमे जस्‍तो ओङजीनोङ सेम मेसेता खाईन दुक्‍पा भोगे खिन देत्‍सीन ङुरूङगीङ थेत्ताङराङ राज्‍य खिता ङेत्‍क्‍यो। ङुरूङगी थे मि मेन सिन थेला विश्‍वास खिता ताङसीन थेकीङ तिरी ङुरूङला थे खोरोङ मि मेन सिन सिओ।

हिब्रू 10:23

ङुरूङचेन परमेश्‍वर खिओ साबा च्‍योकराङ खित्‍कान्‍ते ईन्‍देकी थेकी दाक्‍पोनला तेरग्‍यो साबाते जति गाङे ङेत्‍क्‍यो सिन सिओ। थोगी थेकी थोक खिओ सिन आश खाईन गुकीन देताते ङेत्‍क्‍योतराङ सिन ङुरूङ छ्याःङ शंका मिक्‍किता खाला देता फाप्‍क्‍यो।

हिब्रू 3:6

ख्रीष्‍टकीङ थे खोरोङ काम लेमु खाईन खाबा ओतान। तर थेचेन मोशा च्‍योक्‍ते मेन। मोशा सुइँदे खाम्‍बादु काम खित्‍कान्‍ते मि च्‍योक ओतान सासीन ख्रीष्‍टचेन होथे खाम्‍बे धनी फुज्‍युङ च्‍योकराङ ईन। थेमे ङुरूङचेन थे खाम्‍बे मि ईन। थोक ईन्‍सीनोङ जस्‍तो ओङजीनोङ ज्‍यीबा मिक्‍किता खाईन थेमे सेम मेसेता खाईन परमेश्‍वरगी था तिरी दाक्‍पोनला तेरग्‍यो साबाते गाङे ङेत्‍क्‍यो सिन थेला विश्‍वास खिन देत्‍सीनकामा ङुरूङ थे खाम्‍बे मि ईन।

याकूब 2:7

थेमे ख्‍योकोनगी मान खित्‍च्‍येते प्रभु येशू ख्रीष्‍टला मनपरी सिन विरोध खित्‍कान्‍तेबाङ होथेबाराङनी ईन। ख्‍योकोनचेन येशू ख्रीष्‍ट मिओनराङ ईन।

छ्या स्‍ये च्‍युताते बात 11:3

थेमे ङा सु ईन्‍दे, ङे च्‍यि खिते सिन बात खित्‍कान्‍ते मेरा ङिला ङा शक्ति बिन्‍ला ङे बात खिताला तोङगो। थेबेकी पीर लाबे बेलाला च्‍योकराङ खाला भाङ्‌रे खोलाक खोन्‍ला ङीमा सय च्‍युन्‍ङीताङ खाल सुमसाक ङे सिर च्‍युताते बात खिओ,” सिन ङाराङला साबाते बात थोसुङ।

छ्या स्‍ये च्‍युताते बात 12:11

ङुरूङ लाईदु स्‍यिजीन लुई रीउ जीउदुकी थेन्‍दाते ठागी खित्‍सादु थेमे थे लुई रीउ सु ईन्‍दे, थेकी च्‍यि खिते सिन थे बात ज्‍येनला लापेकी खित्‍सादु ङुरूङ आज्‍यो न्‍वाकी थोक खाला खोपरोङला दोष लै खित्‍कान्‍तेला ग्‍याल्‍सुङ। सेता छोल्‍जीन थेबेकी खोपरोङ ज्‍यानगी मायाङ खाबा मेतान।

छ्या स्‍ये च्‍युताते बात 13:2

थे जन्‍तु दोक ताजीन चितुवा च्‍योकस्‍यिक ओतान। थेते ठेक्‍पा थोमगीते च्‍योक्‍तेन्‍दे थेमे खाचेन सिंहेते च्‍योक खाबाई ओतान। थे डुगी थे खोरोङ अधिकार जति थे जन्‍तुला बिन्‍गीन थे खोरोङ सिंहासन लाक्‍तु देत च्‍युत्‍सुङ। दोक खाईन थे डुगी थे जन्‍तुला राज्‍य खित च्‍युत्‍सुङ।

छ्या स्‍ये च्‍युताते बात 14:12

परमेश्‍वरगी कोताते खिन येशूला विश्‍वास खिन देत्‍कान्‍ते परमेश्‍वर सन्‍तानओनगी जस्‍तो दुक्‍पा ओङसीनोङ सेम मेसेता खाला थोक्‍ते दुक्‍पा खपे खिन देता फाप्‍क्‍यो।

छ्या स्‍ये च्‍युताते बात 17:14

थेबा गाङेराङ ङ्योम्‍बुराङ डिक्‍ला लुई रीउताङ लडाइँ खिओ। लडाइँ खित्‍जीन लुई रीउकी थेबाला ग्‍याल्‍ग्‍यो। च्‍यिला सासीन लुई रीउचेन गाङे छ्येतेबेतेङ छ्येते थेमे गेल्‍बोओनतेङ गेल्‍बो ईन। परमेश्‍वरगी थे खोरोङ दोन्‍दु स्‍योक सिन काताङाते मिओनचेन लुई रीउताङ ङ्योम्‍बु देत्‍क्‍यो। थेबाचेन परमेश्‍वरगी छाने खाबाते थेमे जस्‍तो ओङसीनोङ थेला विश्‍वास खिन देत्‍कान्‍ते मिओन ईन,” सिन सिदुक।

छ्या स्‍ये च्‍युताते बात 17:6

थे फेम्‍मे मिचेन परमेश्‍वर सन्‍तानओनला सेत्‍कीन थेबे ठाक थुकीन जा ओतान। थेबाचेन जति दुक्‍पा ओङजीनोङ येशू ख्रीष्‍ट सु ईन्‍दे, थेकी च्‍यि खिते सिन लोप्‍कीनराङ देत्‍कान्‍ते मि ओतान। थे फेम्‍मे मिला थोङजीन ङाला आउदी अचम्‍ब लासुङ।

छ्या स्‍ये च्‍युताते बात 2:2

च्‍यि सासीन ख्‍योकोनगी खिन ओताते गाङे काम ङाला छ्या ओत। ख्‍योकोनगी स्‍याप स्‍याप खाईन काम खाबाते थेमे दुक्‍पा ओङजीनोङ सेम मेसेता खाईन देताते ङाला छ्या ओत। थेमे थेरू मेलेबा काम खित्‍कान्‍ते मिओनला ख्‍योकोनगी मन परे माक्‍याबातेङ ङाला छ्या ओत। खोपरोङ येशू ख्रीष्‍टकी खटे खाबाते मि ईन सिन सिरकान्‍तेबाला ख्‍योकोनगी थेबा पक्‍काराङ थोक्‍ते मि ईन्‍दाकाना मेन्‍दाका सिन विचार खाईन ताकीन थेबा थोक्‍ते मि मेन सिन छ्या स्‍येला दुक। थेबानी खोपरोङगी ईन साबा च्‍योक्‍ते मि ईनराङ मेन।

छ्या स्‍ये च्‍युताते बात 3:11

था ङा होत्ताराङ ओङगीन ओत। खेराङगी थोरूमसाक खिन ओताच्‍योक लेमु खिनराङ देत। दोक खिनराङ देत्‍सीन ख्‍योकोनला ङे तेरच्‍येते श्रीपेज सुङगीङ ठ्वाला खेरा मुथुबो।

छ्या स्‍ये च्‍युताते बात 3:3

ख्‍योकोनला गोमाका च्‍यि सिन लापा ओताने थेमे खेराङगी चुक लेमु खाईन ङेन्‍दा ओताने थे बात सम्‍झे खि। थेमे लोक्‍ला गोमा च्‍योकराङ खि। दोक माक्‍यासीन ङा ख्‍योकोन ओत्‍सादु चोर च्‍योक थाहाराङ मेङेता खाला ओङगो। ङा नाम ओङगीते सिन ख्‍योकोनगी छ्याःङ छ्या मेस्‍येओ।