छ्या स्‍ये च्‍युताते बात 2:10 - जिरेल

¹⁰ ख्‍योकोनला आइ परे खिता खाबाते दुक्‍पा थोङला ख्‍योकोन ज्‍यीबा माकेत। ना ख्‍योकोनगी ङाला विश्‍वास खिता तोङगीता सिन ताप्‍ला शैतानगी ख्‍योकोन नाङ दोक्‍पोई ङिला जेलला लु ज्‍युत्‍क्‍यो। थोक खासीनोङ ङीमा च्‍युताम्‍बाकामा ख्‍योकोनला दुक्‍पा ओङगो। स्‍यापराङ फाप्‍सीनोङ ख्‍योकोनगी ङाला विश्‍वास खिता मातोङ। थेमे ङा ख्‍योकोनला इनाम तेरग्‍यो, थेचेन नोमुङ मिसिन्‍च्‍येते जुनी ईन।

छ्या स्‍ये च्‍युताते बात 2:10 Iomraidhean Croise

मत्ती 10:22

ङे मि ईन्‍देकीराङ मि गाङेकी ख्‍योकोनला मिगी थोङसार्मु खिओ। थोक थोक दुक्‍पा ओङजीनोङ सेम मेसेता खाला ङाला विश्‍वास खिन देत्‍कान्‍ते मिलाचेन परमेश्‍वरगी गाङे दुक्‍पादुकी डेल्‍ग्‍यो।

मत्ती 10:28

दोक खित्‍जीन ख्‍योकोनला सेता छोल्‍कान्‍ते मिओनताङ ज्‍यीबा माकेत। थेबेकीनी ख्‍योकोन ज्‍यानकामा लिन्‍दा थुप्‍क्‍यो, आत्‍मालाचेन छ्याःङ खिता मुथुबो। बरू परमेश्‍वरताङचेन ज्‍यीबा खि। च्‍यिला सासीन थेकीनी सेता थुप्‍च्‍येतेकामा मेन, सेत्‍ला मिला नरककुण्‍डमाङ लुबा थुप्‍क्‍यो।

मत्ती 24:13

थोक थोक दुक्‍पा ओङजीनोङ सेम मेसेता खाला ङाला विश्‍वास खिन देत्‍कान्‍ते मिलाचेन परमेश्‍वरगी गाङे दुक्‍पादुकी डेल्‍ग्‍यो।

मर्कूस 13:13

ङे मि ईन्‍देकीराङ मि गाङेकी ख्‍योकोनला मिगी थोङसार्मु खिओ। थोक थोक दुक्‍पा ओङजीनोङ सेम मेसेता खाला ङाला विश्‍वास खिन देत्‍कान्‍ते मिलाचेन परमेश्‍वरगी गाङे दुक्‍पादुकी डेल्‍ग्‍यो।

मर्कूस 8:35

च्‍यि सासीन तिरी बो माताबा खाला सुइँदेकी दाक्‍पोन ज्‍यानगी माया खिदुक सासीन थेकी नोमुङ मिसिन्‍च्‍येते जुनी मेङेदो। दाक्‍पोन फाइदा माताबा खाला ङे लाईदु थेमे गा लाङच्‍येते बात लोपे लाईदु दाक्‍पोन ज्‍यानगी मायाङ मारे खित्‍कान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो।

लूका 21:12

थोक थोक ओङा भन्‍दा गोमा मिओनगी ख्‍योकोनला जुम्‍ला आउदी दुक्‍पा तेरग्‍यो। थेबेकी ख्‍योकोनला मिटिङ खित्‍च्‍येते खाम्‍बादु ओताते अड्डे मि दोन्‍दु केल्‍ग्‍यो। थेमे जेलदुङ लु ज्‍युत्‍क्‍यो। दोस्‍यिककामा मेन, ख्‍योकोनला गेल्‍बोओनताङ रोमी गेल्‍बो हाकिमओन दोन्‍दुङ केल्‍ग्‍यो। ङे मि ईन्‍देकीराङ ख्‍योकोनला दोक दोक खिओ।

यूहन्‍ना 12:25

बात दोक ईन्‍देकी तिरी बो माताबा खाला सुइँदेकी दाक्‍पोन ज्‍यानगी माया खिदुक सासीन थेकी नोमुङ मिसिन्‍च्‍येते जुनी मेङेदो। दाक्‍पोन फाइदा माताबा खाला दि जुनीला दाक्‍पोन ज्‍यानगी मायाङ मारे खित्‍कान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो।

यूहन्‍ना 13:2

थे छोमु ग्‍वासे येशू थे खोरोङ चेलातेबाताङ साप साप्‍ला स्‍यूबा ओतान। थेमे शैतानगीचेन येशूला चुक खाला धोका तेरा फाप्‍कीते सिन शिमोन फुज्‍युङ यहूदा इस्‍करियोत सेमगी नाङ लाप्‍कीन बिन्‍गीन सिन्‍दा ओतान।

यूहन्‍ना 13:27

यहूदा इस्‍करियोतकी थे स्‍योबेन टुक्रा लिन्‍दाज्‍यीकताङ शैतान थे सेमगी नाङ स्‍यूसुङ। थेमे येशूकी थेला “खोरोङगी च्‍यि खिता फाप्‍च्‍या ओते थे होत्ता खि,” सिन सासुङ।

शक्ति काम 20:24

थोक दुक्‍पा ओङजीन स्‍याराङ फाप्‍सीनोङ ङाला छ्याःङ ज्‍यीबा मेत। ङाराङ सोन सोनसाक ङे खिता फाप्‍च्‍येते कामचेन परमेश्‍वरगी मिओनला दया खिओ सिरच्‍येते गा लाङच्‍येते बात गाङेला लोप्‍च्‍येते ईन। थोक खाला प्रभु येशूकी खि साबाते काम ङे पूरो खिताराङ फाप्‍क्‍यो।

शक्ति काम 21:13

ङ्योकोनगी थोक खित्‍जीन थेकी “ख्‍योकोन च्‍यिला दोक खाला ङुइन ङाला पीर लोङगीते? प्रभु येशू लाईदु ङानी यरूशलेमपा सुइँदेकी ठाइता सिननी च्‍यि थे लाईदु स्‍या फाप्‍सीनोङ नाइँ मिसिरो,” सिन सिदुक।

१ कोरिन्‍थी 9:25

खेलकूदला भाग लिन्‍कान्‍ते मि जसकीङ ग्‍याल्‍ला पुरूस्‍कार ङेता थुप्‍स्‍यीत सिन खोपरोङ जीउला ङार्माताङ थाङ मेछ्येत्‍च्‍या ज्‍वाप्‍ला ङीमे ठाङमा दुक्‍पा खाला तालिम खित्‍च्‍येते खिओ। थेबेकी ङेत्‍च्‍येते पुरूस्‍कारचेन ङीमाई छ्याःङ काम लै मिक्‍किच्‍या डुइओ। तर ङुरूङगी ङेत्‍च्‍येते इनामचेन नोमुङ होथोक खाला काम लै मिक्‍किच्‍या मोन्‍डोओ।

एफिसी 2:2

थेजीन ख्‍योकोन चालचलनताङ बानी बिवारा दि सा लुङबे मि ज्‍येनतेबेते च्‍योकराङ ओतान। ख्‍योकोनचेन दागार, ङीमा, कार्मा नामने ओताते जति गाङे थेमे ल्‍हा लुई गेल्‍बो शैतान अधीनला देत्‍ला थेकी खि साबा साबाच्‍योक खिन ओतान। परमेश्‍वरगी माकेत साबा साबा खित्‍कान्‍ते मिओनलाचेन थोरूमोङ शैतानगीराङ राज्‍य खिन ओत।

एफिसी 6:12

च्‍यि सासीन ङुरूङ जीङा फाप्‍च्‍येते मित्ताङ मेन। ङुरूङनी दि सा नाम खाङ ओताते ल्‍हा लु, ल्‍हन्‍डीक स्‍यिन्‍डीप थेमे होदिबा च्‍योकराङ शैतानताङ डिक्‍ला दि कलि जुगला राज्‍य खित्‍कान गाङेताङ जीङच्‍येते ईन।

याकूब 1:12

थेमे दुक्‍पा ओङजीन खपे खिन देत्‍कान्‍ते मि भाग्‍यमानी ईन। च्‍यिला सासीन थोक्‍ते दुक्‍पा खपे खाईन सिन्‍नामेकी थोक्‍ते मिला परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते इनाम तेरग्‍यो। थे इनामचेन नोमुङ मिसिन्‍च्‍येते जुनी ईन।

१ पत्रुस 5:4

दोक खासीन था येशू ख्रीष्‍ट ग्‍युरला ओङजीन थेकी ख्‍योकोनला इनाम सिन छ्येज्‍यीक मान तेरग्‍यो। थेकी थोक खानामेई ख्‍योकोन सधैँ मान ङेत्‍ला देता ङेत्‍क्‍यो। येशू ख्रीष्‍टचेन ज्‍येन गोठाला गाङेला कोत्‍कान्‍ते छ्येते गोठाला च्‍योक्‍ते ईन।

१ पत्रुस 5:8

थेमे दाक्‍पोन सेम काबूला स्‍योक। खेराङला मेलेबा खिता छोल्‍कान्‍ते शैतानगी छ्याःङ मेलेबा खिता मुथुप्‍स्‍यीत सिन च्‍याङबो खाला देत। थेचेन जहिलेङ ख्‍योकोन सुला थेप्‍ला ङ्ये ज्‍युता ङेदोङा सिन जे थेप्‍कीदुक खाप खाप्‍ला साप सिन ङारगीन ख्‍याम्‍बाते सिंह च्‍योक खाला युगीनराङ देत्‍क्‍यो।

छ्या स्‍ये च्‍युताते बात 13:14

थे गोमे जन्‍तुला छ्ये ज्‍वाप्‍ला दोक्‍ते अचम्‍बते काम खाला तेन्‍च्‍येते शक्ति बिन्‍दा ओतेकी दि सादुकी थेन्‍दाते जन्‍तुकी होथोक्‍ते काम खाईन सा लुङबे मि गाङेला छक्‍के खासुङ। थेकी मि गाङेला होथे गोमे जन्‍तुला मान खिता फाप्‍क्‍यो सिन थे जन्‍तु मूर्ति जोर च्‍युत्‍सुङ। थे जन्‍तुचेन स्‍यिच्‍या खाईन तरवारगी तुप्‍कीन मा थोता ओत्‍सीनोङ सोन्‍दा ओतान।

छ्या स्‍ये च्‍युताते बात 13:2

थे जन्‍तु दोक ताजीन चितुवा च्‍योकस्‍यिक ओतान। थेते ठेक्‍पा थोमगीते च्‍योक्‍तेन्‍दे थेमे खाचेन सिंहेते च्‍योक खाबाई ओतान। थे डुगी थे खोरोङ अधिकार जति थे जन्‍तुला बिन्‍गीन थे खोरोङ सिंहासन लाक्‍तु देत च्‍युत्‍सुङ। दोक खाईन थे डुगी थे जन्‍तुला राज्‍य खित च्‍युत्‍सुङ।

छ्या स्‍ये च्‍युताते बात 13:7

थेला परमेश्‍वर सन्‍तानओनताङ जीला थेबाला ग्‍याल्‍च्‍येते अधिकार परमेश्‍वरगी बिन्‍दा ओतान। थेमे थेकी थर थरगीते, जात जातकीते, खुदुक खुदुक भाषेते थेमे लुङबा लुङबे मिला राज्‍य खिता ङेता ओतान।

छ्या स्‍ये च्‍युताते बात 17:14

थेबा गाङेराङ ङ्योम्‍बुराङ डिक्‍ला लुई रीउताङ लडाइँ खिओ। लडाइँ खित्‍जीन लुई रीउकी थेबाला ग्‍याल्‍ग्‍यो। च्‍यिला सासीन लुई रीउचेन गाङे छ्येतेबेतेङ छ्येते थेमे गेल्‍बोओनतेङ गेल्‍बो ईन। परमेश्‍वरगी थे खोरोङ दोन्‍दु स्‍योक सिन काताङाते मिओनचेन लुई रीउताङ ङ्योम्‍बु देत्‍क्‍यो। थेबाचेन परमेश्‍वरगी छाने खाबाते थेमे जस्‍तो ओङसीनोङ थेला विश्‍वास खिन देत्‍कान्‍ते मिओन ईन,” सिन सिदुक।

छ्या स्‍ये च्‍युताते बात 2:13

च्‍यि सासीन ख्‍योकोनचेन शैतान सिंहासन ओताते सारदु देता ओत सिन ङाला छ्या ओत। दोक ईन्‍सीनोङ ख्‍योकोनगी ङाला माताङसुङ, ङाला विश्‍वास खिनराङ देत्‍सुङ। ङा सु ईन्‍दे, ङे च्‍यि खिते सिन सिनराङ देत्‍कान्‍ते एन्‍टिपासला थे सारदुराङ सेत्‍जीनोङ ख्‍योकोनगी ङाला विश्‍वास खिता माताङसुङ।

छ्या स्‍ये च्‍युताते बात 2:9

च्‍यि सासीन ख्‍योकोनला ज्‍येनगी दुक्‍पा बिन्‍दाते बात ङाला छ्या ओत। थेमे ख्‍योकोनला दाङच्‍या ख्‍योप्‍च्‍या मेत सिनोङ ङाला छ्या ओत। ईन्‍सीनोङ ख्‍योकोन छ्याःङ मेताते मि मेन। खोपरोङ यहूदी ईन सिन सिरकान तर लेमुते काम मिक्‍किकान्‍ते मिओनगी ईन्‍दा मेन्‍दे दोष लै खाईन ख्‍योकोन विरोध खाबाते बात ङाला छ्या ओत। थेबाचेन शैतानताङ डिक्‍कान्‍ते मि ईन।