छ्या स्ये च्युताते बात 19:20 - जिरेल20 तर थे जन्तुताङ थे छ्य्वापेकी आउदी अचम्बतेन्दे काम खाला तेन्कान्ते जन्तु ङिकारला जुम्गीन ठासुङ। थे ज्येनते जन्तुचेन डुगी सिर च्युताते बात खित्कान्ते ईन। अचम्बतेन्दे काम खाईनराङ थे जन्तुकी थे गोमे जन्तु मिनगी छाप देक ज्युत्कान्ते मिओनताङ थे मूर्तिला माने खित्कान्तेबाला छक्के खाबा ओतान। जुम्गीन ठानामेई थेबा ङिकारला सोम्बोराङ गन्धकताङ मे बाराते ज्यीबा लाङच्याज्यीक मे धुनीमा क्युरसुङ। Faic an caibideil |
छ्या स्ये च्युताते बात 19:20
30 Iomraidhean Croise
थेमे ईन्सीन थोक खाला मिओनला छक्के खित्कान्ते शैतानला गन्धकताङ मे बाराते ज्यीबा लाङच्याज्यीक मे धुनीमा क्युरसुङ। थे जन्तु थेमे डुगी सिर च्युताते बात खित्कान्ते जन्तुलाङ गोमाका थेमाराङ क्युरा ओतान। था थेबा सुमबोकी ङीन नुप नोमुङ ङा स्वा मेङेता खाला खपेराङ खिता मुथुप्च्येते दुक्पा भोगे खिनराङ देता फाप्क्यो।
तर ङे मि ईन सिरा ज्यीबा खित्कान्तेबा, ङाला विश्वास मिक्किकान्तेबा, मेलेबा मेलेबा काम खित्कान्तेबा, मि सेत्कान्तेबा, रन्डीबाजी थेमे होदि च्योक्ते खिता मेङच्येते काम खित्कान्तेबा, स्युत्च्या फुत्च्याताङ मन्तर तन्तर खित्कान्तेबा, ल्हा लुला माने खित्कान्तेबा थेमे ढाँर खित्कान्तेबाचेन गाङेराङ गन्धकताङ मे बाराते ज्यीबा लाङच्याज्यीक मे धुनीमा स्यूक्पा फाप्क्यो। था तिरी ज्यीबा लाङच्याज्यीक मे धुनीमा स्यूक्च्येते सिरातेचेन होदिराङ ईन,” सिन सिदुक।
थे सारगी फिनामाचेन फेत्कान्ते कि च्योकराङ मेलेबा खित्कान्ते मिओन, स्युत्च्या फुत्च्याताङ मन्तर तन्तर खित्कान्ते मिओन, रन्डीबाजी थेमे होदि च्योक्ते खिता मेङच्येते काम खित्कान्ते मिओन, मि सेत्कान्तेबा, ल्हा लुला माने खित्कान्तेबा थेमे ढाँर खिताला छ्याःङ च्योक मिक्किकान्ते मिओनकामा देत्क्यो।
ङे थे घोडाओनताङ थे लाक्तु जेबा ओताते फौजला थोङसुङ। थे घोडाओनताङ थे लाक जेबा ओताते फौजकी ठाङनापा खोन्दाते च्याकी पाताचेन मे च्योकराङ मोर्मु, नीर च्योकराङ नीलो थेमे गन्धक च्योकराङ सेर्मु रंगीते थोङगीन ओतान। थे घोडाओन गोःचेन सिंहेते च्योकराङ ओतान। थेमे थे घोडाओन खानामेई मे ज्वाला, थुता थेमे गन्धक बारला थेन्गीन ओतान।
Sanasan