छ्या स्‍ये च्‍युताते बात 19:11 - जिरेल

¹¹ थोक थोक ओङगीन सिन्‍नामेकी ङे स्‍वर्ग गाङे ओङे फेता ओता थोङसुङ। थेरू घोडा कार्मुज्‍यीक ओतान। थेमे थे घोडे लाक जेक्‍कान्‍ते मिनचेन खिओ साबा च्‍योकराङ खित्‍कान्‍तेताङ नोमुङ ढाँर मिक्‍किकान्‍ते ईन। थेकी सुङलाङ काका पाका मिक्‍किता खाला न्‍याय खित्‍च्‍येते थेमे लडाइँ खित्‍च्‍येते खित्‍च्‍याक्‍वा।

छ्या स्‍ये च्‍युताते बात 19:11 Iomraidhean Croise

यूहन्‍ना 1:51

याङराङ येशूकी “दि बात ङेन। च्‍यि सासीन स्‍वर्गे गो फेत्‍कीन सिन्‍दा ओत। था थेनेकी परमेश्‍वर दूतओन परमेश्‍वर ओत्‍सादुई वाबाते मि ङा ओत्‍सामा ओङगीन डुइन खाबाते ख्‍योकोनगी खेराङ मिगीराङ थोङगो,” सिन सिदुक।

यूहन्‍ना 14:6

थोक सिरजीन येशूकी “आबा ओत्‍साने डोच्‍येते लाम ङाराङ ईन। सत्‍यते परमेश्‍वरला छ्या स्‍ये ज्‍युत्‍कान्‍तेङ ङाराङ ईन। थेमे मिओनला नोमुङ मिसिन्‍च्‍येते जुनी तेरकान्‍तेङ ङाराङ ईन। ङे छ्य्‌वापेई मेन्‍दाला सुङ आबा ओत्‍साने ड्वा मुथुबो।

छ्या स्‍ये च्‍युताते बात 11:19

थेरूई स्‍वर्गने ओताते परमेश्‍वर मन्‍दिर गो फेत्‍सुङ। थेमे गोमा परमेश्‍वर इस्राएलीओनताङ ङ्योम्‍बु ओत सिन सम्‍झे खिताला जोबाते जमान बाकसोङ थे नाङ थोङसुङ। थेमे थेरू चिलाम खासुङ, नामज्‍योक बुराङ साच्‍याज्‍यीक ङोरो थोसुङ, नाम गाराङताङ गुरूङ खासुङ, ज्‍यीबा लाङच्‍याई सेदेर्मु गाल्‍सुङ थेमे जोदा जोदातेन्‍दे सरेङ ग्‍याप्‍सुङ।

छ्या स्‍ये च्‍युताते बात 19:19

दि तिरी ङे थे जन्‍तुताङ दि सा लुङबे गेल्‍बोओन खोपरोङ खोपरोङ मिल्‍टेरी टीकीन थे घोडा कार्मुते लाक जेक्‍कान्‍ते थेमे थे फौजताङ लडाइँ खिताला जम्‍मा ओङाते थोङसुङ।

छ्या स्‍ये च्‍युताते बात 19:21

थेमे थेरू बाँकी देताते जति ज्‍येन गाङेलाचेन थे घोडा कार्मुते लाक जेबाते खानामेकी थेन्‍दाते तरवारगी तुप्‍कीन सेत्‍सुङ। दोक ओङगीन सिन्‍नामेई छ्योज्‍युङमा गाङेकी डाडासाक थेबे स्‍या सोसुङ।

छ्या स्‍ये च्‍युताते बात 3:14

लाओडिसिया सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन साँचोते बातकामा खित्‍कान्‍ते थेमे परमेश्‍वर सु ईन्‍दे सिन थेमे थेकी खित्‍च्‍येते कामगी बात लेमु खाला लाप्‍ला तेरकान्‍ते आमेन सिराते ङा सिन ओत। परमेश्‍वरगी सा नाम थेमे ओताते जति गाङे ङे छ्य्‌वापेकीराङ जोबाते ईन।

छ्या स्‍ये च्‍युताते बात 3:7

फिलाडेल्‍फिया सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन सेमला पाप सिराते छ्याःङ मेताते, खिओ साबा च्‍योकराङ खित्‍कान्‍ते ङा सिन ओत। ङात्ताङ गेल्‍बो दाऊद सारगी गो बेत्‍च्‍येते साँचो ओत। ङे पेताते गो सुङगीङ च्‍येता मुथुबो थेमे ङे च्‍येताते सुङगीङ बेताङ मुथुबो।

छ्या स्‍ये च्‍युताते बात 4:1

थेमे दि तिरी ताजीन ङे स्‍वर्गे गो फेता ओताते थोङसुङ। थेमे गोमा ङाराङताङ बात खित्‍कान्‍तेकी बिकुल ङोरो च्‍योकराङ खाईन याङराङ ङाला दोक सिन बात खाबाते ङे थोसुङ। थेकी ङाला “लो देने स्‍योक। था ङा खोल्‍ला दि तिरी ओङा फाप्‍च्‍येते बातओन तेन्‍दामीन,” सिन सिदुक।

छ्या स्‍ये च्‍युताते बात 6:2

थेमे ताजीन ङे घोडा कार्मुज्‍यीक थेरू ओङा थोङसुङ। थे घोडे लाक जेबा ओतातेकी लाःक्‍तु दा ज्‍यु खुरा ओतान। थेमे थेला श्रीपेजज्‍यीक बिन्‍सुङ। थे गाङेला ग्‍याल्‍कान्‍ते ईन्‍देकी थेकी गाङेपा गाङेला ग्‍याल्‍सुङ।