छ्या स्‍ये च्‍युताते बात 19:10 - जिरेल

¹⁰ थेकी थोक सानामेई से खिताप सिन ङा थे दूतकी काम्‍बादु गुर्बु खिता खाबा ओतान। तर थेकी ङाला “खुई ङाला दोक खाला परमेश्‍वरला च्‍योक खाला से माकेत। येशू सु ईन्‍दे, थेकी च्‍यि खिते सिन लोप्‍कान्‍ते खोत्ताङ खुई आज्‍यो न्‍वाओन च्‍योकराङ ङाङ परमेश्‍वर काम खित्‍कान्‍तेकामा ईन। थोगी परमेश्‍वरलाकामा छ्ये जो। येशू सु ईन्‍दे, थेकी च्‍यि खिते सिन लोप्‍च्‍येतेचेन परमेश्‍वर आत्‍मे छ्य्‌वापेई खित्‍च्‍येते ईन,” सिन सिदुक।

छ्या स्‍ये च्‍युताते बात 19:10 Iomraidhean Croise

मत्ती 4:10

येशूकी “खो दुरूकी ग्‍युक शैतान। परमेश्‍वर बातला ‘प्रभु परमेश्‍वरला माने खिओ सिन से खि। थेमे थेलाकामा माने खिता फाप्‍क्‍यो,’ सिन साबा ओत,” सिन ङारसुङ।

मर्कूस 5:22

थेमे मिटिङ खित्‍च्‍येते खाम्‍बेते छ्येते मिओन नाङ याइरस सिराते मिङ थेरू लेप्‍सुङ। वाकीन येशूला काम्‍बाला से खाईन

मर्कूस 7:25

थे ख्‍योलाते बात छ्या स्‍येबाईताङ फेम्‍मे मिज्‍यीगी थे खादु वाकीन काम्‍बाला से खासुङ। थेते फुमुतेला ल्‍हन्‍डीक खोबा ओतान।

लूका 1:19

थे दूतकी “ङे मिन गब्रिएल ईन। ङा परमेश्‍वर दोन्‍दु देत्‍ला थेकी कोताते काम खित्‍कान्‍ते दूतज्‍यीक ईन। ङाला परमेश्‍वरगीराङ दि लेमुते लोन खोल्‍ला लोप सिन ताङाते ईन।

लूका 24:44

थेमे थेकी थेबाला “मोशेकी टिबाते नियमला थेमे परमेश्‍वर बात खित्‍कान्‍ते मिओनगी टिबाते किताबला ङे विषयला टिबा ओत। थोकराङ खाईन भजन किताबलाङ ङे विषयला टिबा ओत। ङाला चुक चुक ओङगीते सिन टिबाते बात गाङे साबा च्‍योकराङ ओङा फाप्‍क्‍यो सिन ङे गोमा ख्‍योकोनताङ ङ्योम्‍बु ओत्‍जीनराङ साबा ओतान,” सिन सिदुक।

यूहन्‍ना 5:39

परमेश्‍वर बातला साबाच्‍योक खासीन नोमुङ मिसिन्‍च्‍येते जुनी ङेत्‍क्‍यो सिन ख्‍योकोन थे बाततेबा आउदी लेमु खाला पढे खिदुक। थे बातला ङा सु ईन्‍दे सिन लेमु खाईन टिबा ओत।

शक्ति काम 10:43

थेमे परमेश्‍वर बात खित्‍कान्‍ते मि गाङेकी गोमाकाराङ येशू ख्रीष्‍ट विषयला बात खाईन थेला विश्‍वास खित्‍कान गाङेला परमेश्‍वरगी थेबेकी खाबाते पाप गाङे माफ तेरग्‍यो। दोक खाला पाप माफ तेरच्‍येते थेकी येशू ख्रीष्‍टकी खाबाते कामगी खित्‍सादु खिओ सिरच्‍येते बात खाबा ओतान,” सिन सिदुक।

शक्ति काम 13:27

यरूशलेम मिओनताङ थेबे छ्ये छ्ये मिकी येशूला परमेश्‍वरगी ताङाते ईन सिरच्‍येते बात छ्या मास्‍येसुङ। थेमे परमेश्‍वर बात खित्‍कान्‍तेबेकी येशू विषयला टिबाते बाततेबा सन्‍चारी सन्‍चारीला पढे खासीनोङ थेबेकी थेङ छ्याःङ माखोसुङ। थेबेकीचेन येशूला सजाय तेरा फाप्‍क्‍यो साकीन थेला चुक ओङगीते सिन गोमाका परमेश्‍वर बात खित्‍कान्‍तेबेकी टिबाते बाततेबा साबा च्‍योकराङ ओङ च्‍युत्‍सुङ।

२ कोरिन्‍थी 8:7

ज्‍येनला तासीन जे कुरोङ ख्‍योकोनगी लेमु खिन दुक। च्‍यि सासीन ख्‍योकोन प्रभु येशूला लेमु खाला विश्‍वास खित्‍कान्‍ते मि ईन, ज्‍येनला परमेश्‍वर बात लेमु खाला लोप्‍च्‍येते सीपताङ शक्ति ङेताते मि थेमे परमेश्‍वरगी छ्या स्‍ये ज्‍युत्‍च्‍येते बात लेमु खाला छ्या स्‍येकान्‍ते मि ख्‍योकोन नाङ काल्‍बेई ओत। ख्‍योकोन लेमु खित्‍च्‍ये छ्य्‌वापा स्‍येत खित्‍कान्‍ते थेमे ङ्योकोनला आउदी खाला ङिङज्‍ये खित्‍कान्‍ते मिङ ईन। ख्‍योकोन दोक्‍ते मि ईन्‍देकी था ज्‍येनला मद्धत तेराला सिन पैसा जम्‍मा खित्‍च्‍येते दि लेमुते कामोङ ज्‍येनगी भन्‍दा लेमु खाईन खासीन लेमु ओङच्‍या ओतान।

एफिसी 5:15

थोगी ख्‍योकोनगी छ्याःङ छ्या मेस्‍येकान्‍ते मि च्‍योक मिक्‍किता खाला खेराङगी चुक खिता फाप्‍कीते सिन विचार खाला खिता फापा च्‍योकराङ खि।

एफिसी 5:33

परमेश्‍वर बातला साबाते थे बात ख्‍यावा फेम्‍मे विषयलाङ साबाते ईन। थोगी ख्‍योकोन गाङेकी दाक्‍पोन ज्‍यानला माया खाबा च्‍योकराङ खाला फेम्‍मेला ङिङज्‍ये खि। थेमे फेम्‍मे मिओनगीङ दाक्‍पोन ख्‍योबोला मान खि।

फिलिप्‍पी 3:3

ङुरूङका परमेश्‍वरगी छाने खाबाते जीउला खतकी चिनु जोबा ओताते मि च्‍योक्‍ते ईन। च्‍यिला सासीन परमेश्‍वरला चुक खाला माने खिता फाप्‍च्‍येते ईन्‍दे परमेश्‍वर आत्‍मे छ्य्‌वापेकी ङुरूङ थेला थोकराङ खाला माने खिओ। परमेश्‍वरला माने खिताला ङुरूङचेन दाक्‍पोन जीउला खतकी चिनु जोबा ओत थेमे ज्‍येन ज्‍येनोङ धर्म कर्म खाबा ओत सिन छ्ये मिक्‍किओ। बरू येशू ख्रीष्‍टताङ जीउज्‍यीकराङ ओङा ओतेकी गा खिओ।

१ थिस्‍सलोनिकी 5:15

सुइँदेकी सुइँदाला मेलेबा खासीन थेलाङ थोकराङ खाला स्‍येदाङ सेता मेङगो। ख्‍योकोन सुङगीङ थोक माकेत। दाक्‍पोन नाङ ईन्‍स्‍यीत, ज्‍येन मि नाङ ईन्‍स्‍यीत चुक खित्‍जीन गाङेला लेमु ओङगीका थे छ्य्‌वापाकामा स्‍येत खि।

हिब्रू 1:14

परमेश्‍वर दूतओननी गाङेराङ परमेश्‍वरगी कोता कोता खित्‍कान्‍तेबाकामा ईन। थेबा दोकस्‍यिकराङ दुक सिन मिगी थोङा मुथुबो। परमेश्‍वरगी थेबाला थे खोरोङगी पूरो खाला पापदुकी टाल्‍ला स्‍वर्गने देत ज्‍युत्‍च्‍येते मिओनला मद्धत तेराला गाङेपा ताङा ओत।

हिब्रू 12:25

थोगी ख्‍योकोनगी परमेश्‍वरगी साबाते बातला नामज्‍योक सेत। थेकी दुरू साबाते बातला नामज्‍योक मेसेत्‍कान्‍ते मिओनगीनी सजाय ङेता ओतान सासीन थेकी स्‍वर्गनेकी साबाते बात ङुरूङगी ङेन्‍दा ताङसीन च्‍यि झन ङुरूङ उम्‍के खिओतरो?

१ यूहन्‍ना 5:10

थोगी येशू परमेश्‍वर फुज्‍युङ ईन सिन थेला विश्‍वास खित्‍कान्‍ते मिकी थे परमेश्‍वर फुज्‍युङ ईन सिरच्‍येते बातला छ्याःङ शंका मिक्‍किओ। थे परमेश्‍वर फुज्‍युङ मेन सिन सिरकान्‍ते मिकीचेन परमेश्‍वरनी ढाँर खित्‍कान्‍ते ईन साबाते ईन। च्‍यिला सासीन थोक्‍ते मिकी परमेश्‍वरगी थे खोरोङ फुज्‍युङ चुक्‍ते ईन्‍दे सिन साबाते बात पत्तेराङ खाबा मेङगो।

१ यूहन्‍ना 5:21

थोगी फिजावे, ख्‍योकोनगी ल्‍हा लु सिराते माने खिताराङ मेङगो।

छ्या स्‍ये च्‍युताते बात 1:1

दि किताबला ओताते बातओनचेन परमेश्‍वरगी येशू ख्रीष्‍टला तेन्‍गीन बिन्‍दाते बात ईन। था होत्ता ओङगीन ओताते दि बातओन थे खोरोङ काम खित्‍कान्‍ते मिओनला छ्या स्‍ये ज्‍युताला परमेश्‍वरगी येशू ख्रीष्‍टला तेन्‍गीन बिन्‍दा ओतान। थेमे दि बातओन लाःपाला येशू ख्रीष्‍टकी थे खोरोङ दूतज्‍यीकला थे खोरोङ काम खित्‍कान्‍ते यूहन्‍ना ओत्‍सादु ताङा ओतान।

छ्या स्‍ये च्‍युताते बात 1:9

ङा ख्‍योकोन आज्‍यो यूहन्‍नाङ ख्‍योकोन च्‍योकराङ येशूताङ जीउज्‍यीकराङ ओङाते मि ईन। थोगी ङेङ ख्‍योकोनगी च्‍योकराङ खाईन दुक्‍पा ङेता ओत। थेमे ङाङ परमेश्‍वर राज्‍यदु ख्‍योकोनताङ ङ्योम्‍बुराङ देता ङेत्‍क्‍यो। जस्‍तो दुक्‍पा ङेत्‍सीनोङ ङाङ ख्‍योकोन च्‍योकराङ खपे खाईन देता ओत। ज्‍येनला परमेश्‍वर बात लापेकी थेमे येशू ख्रीष्‍ट सु ईन्‍दे, थेकी च्‍यि खिते सिन लापेकी खित्‍सादु ङाला समुन्‍द्रे किल्‍दु ओताते पत्‍मोस लुङबापा उरगीन ताङा ओतान।

छ्या स्‍ये च्‍युताते बात 12:11

ङुरूङ लाईदु स्‍यिजीन लुई रीउ जीउदुकी थेन्‍दाते ठागी खित्‍सादु थेमे थे लुई रीउ सु ईन्‍दे, थेकी च्‍यि खिते सिन थे बात ज्‍येनला लापेकी खित्‍सादु ङुरूङ आज्‍यो न्‍वाकी थोक खाला खोपरोङला दोष लै खित्‍कान्‍तेला ग्‍याल्‍सुङ। सेता छोल्‍जीन थेबेकी खोपरोङ ज्‍यानगी मायाङ खाबा मेतान।

छ्या स्‍ये च्‍युताते बात 12:17

थोक ओङनामेईनी थे डुक थे फेम्‍मे मित्ताङ झन आउदी खाईन स्‍येदाङ खासुङ। थेमे थे डुक थे फेम्‍मे मि सन्‍तानताङ जीला थेबाला दुक्‍पा तेराला गाल्‍सुङ। थे फेम्‍मे मि सन्‍तानचेन परमेश्‍वरगी कोताते खिन येशू सु ईन्‍दे, थेकी च्‍यि खिते सिन लोप्‍कीनराङ देत्‍कान्‍ते मिओन ईन।

छ्या स्‍ये च्‍युताते बात 14:7

थेमे थे दूतकी कस्‍स्‍ये खाला छेरा खिन “परमेश्‍वरताङ ज्‍यीबा खि। थेला मान खाला छ्ये जो। था थेकी मि गाङेते न्‍याय खित्‍च्‍येते समय ख्‍योल्‍गीन सिन्‍सुङ। दि सा नाम, समुन्‍द्र थेमे छ्युई मोनतेबा गाङे जोकान्‍ते परमेश्‍वरते जय जय ओङस्‍यीत सिन सि,” सिन सिदुक।

छ्या स्‍ये च्‍युताते बात 15:4

प्रभु, खोत्ताङ ज्‍यीबा मिक्‍किकान्‍तेताङ खोल्‍ला छ्ये मोजोकान्‍ते सु ओतेरो? सेमला पाप सिराते छ्याःङ मेताते खोकामा ईन। लुङबा लुङबे मि गाङेकी खुई दोन्‍दु वाला गुर्बु खाला से खिनकामा खोल्‍ला छ्ये जोइओ। च्‍यिला सासीन खुई खाबाते गाङे लेमुते कामतेबा गाङेकी थोङा ओत,” सिन ओतान।

छ्या स्‍ये च्‍युताते बात 19:9

थेमे थे परमेश्‍वर दूतकी ङाला “दि बात टि। लुई रीउ फाङमा साप्‍ला काताङाते मिओन भाग्‍यमानी ईन,” सिन सिदुक। थेकी लोक्‍ला “दि बातचेन साँचोते बातकामा खित्‍कान्‍ते परमेश्‍वर थे खोरोङगीराङ साबाते ईन,” सिनोङ सिदुक।

छ्या स्‍ये च्‍युताते बात 4:10

थे ङेपाक ओताते थरी स्‍यीबोकी सधैँभरि सोन्‍ला थे सिंहासन लाक देत्‍कान्‍तेते थोक खाला जय जय खित्‍जीन थे मेरा खालज्‍यीकताङ स्‍यीबो छ्ये छ्येतेबेकीचेन गुर्बु खाला थेला से खिन ओतान। थेमे थे खेराङगी खोन्‍दाते श्रीपेज थेन्‍ला च्‍याला थे सिंहासन खादु ज्‍याक्‍ला