छ्या स्‍ये च्‍युताते बात 18:3 - जिरेल

³ च्‍यिला सासीन गाङे लुङबा लुङबे मि बेबिलोनगी खि साबा च्‍योकराङ खाईन खिता मेङच्‍येते ङोचा लाङच्‍येते काम खाईन आउदी खाईन अंगूर छ्याङगी जाप च्‍योकराङ गाला ओतान। दि सा लुङबे गेल्‍बोओनगी थेत्ताङ डिगीन थेकी खिन ओता च्‍योकराङ खिता मेङच्‍येते ङोचा लाङच्‍येते काम खाबा ओतान। दि सा लुङबे बेपारीओन थेरू मोज मज्‍जा खिताला गोच्‍येते सामानओन च्‍वाकीनराङ आउदी छ्युक्‍पु गालाते ईन,” सिन ओतान।

छ्या स्‍ये च्‍युताते बात 18:3 Iomraidhean Croise

लूका 7:25

ना आउदी लेमुते खोलाक खोन्‍ला किम्‍मु खाला देत्‍कान्‍ते मि तार गाले? थोक्‍ते मिनी गेल्‍बो दरवार नाङलाका देत्‍क्‍यो सिन ख्‍योकोनला छ्याराङ ओत।

१ तिमोथी 5:11

ख्‍योबो स्‍याप्‍ते ईन्‍सीनोङ उमेर गाला मेताते फेम्‍मे मिओनतेचेन सुङगीतेङ गन्‍तीला मिन माटिक। च्‍यिला सासीन थोक्‍ते फेम्‍मे मिला तिरी ङालानी ख्‍योबो मेताला ओङराङ मेङगो सिराच्‍योक लाला लोक्‍ला दाक ख्‍योबोताङ ड्वा थुप्‍क्‍यो। थोक खासीन गन्‍तीला मिन टिक्‍जीन था ङा फाङमा मिक्‍किता खाला देत्‍ला काम खिओ सिन खोपरोङगी ख्रीष्‍टताङ खाबाते जमान खाबाच्‍योक मिक्‍किओ।

छ्या स्‍ये च्‍युताते बात 14:8

थेमे याङराङ दि तिरी ज्‍येनज्‍यीक परमेश्‍वर दूतोङ दोक सिनकामा लिच्‍युङ। थेकीचेन “था खतम गाल्‍सुङ, जोदाते सार बेबिलोन खतम गाल्‍सुङ। बेबिलोनगी लुङबा लुङबे मिला आउदी जिच्‍या खाईन अंगूर छ्याङ थुङ च्‍युता ओतान। च्‍यि सासीन बेबिलोनगी लुङबा लुङबे मिला थेकी खित्‍च्‍येते च्‍योकराङ खिता मेङच्‍येते ङोचा लाङच्‍येते काम खित च्‍युता ओतान,” सिन ओतान।

छ्या स्‍ये च्‍युताते बात 17:2

दि सा लुङबे गेल्‍बोओनगी थेत्ताङ डिगीन थेकी खिन ओता च्‍योकराङ ङोचा लाङच्‍येते काम खाबा ओतान। थेमे लुङबा लुङबे मिकीङ थे रन्‍डीकी खि साबा च्‍योकराङ खिता मेङच्‍येते ङोचा लाङच्‍येते काम खाईन छ्याङगी जाप च्‍योकराङ गाला ओतान,” सिन सिदुक।

छ्या स्‍ये च्‍युताते बात 18:19

थेमे थेबाबरी खोपरोङ गोःला थाला कोन्‍ला पीर खिन झ्‍याउँ झ्‍याउँ ङुइनकामा “आबिई, आबिई, थे जोदाते सार। थेरू जोबातेताङ ङेत्‍च्‍येते चीजओन छोङ खाईनराङ समुन्‍द्रदु पानीजहाज ओत्‍कान्‍तेबा आउदी छ्युक्‍पु गाला ओतान। थोक जोदाताङ लेमुते सार फाबा रकस्‍यिकलाराङ गाङे खतम गाल्‍सुङ,” सिन सिओ।

छ्या स्‍ये च्‍युताते बात 18:23

थोकराङ खाला था थेरू बत्ती नाम्‍दाकोङ नोमुङ मोथोङो। थेमे फाङमा खित्‍च्‍येते सिरातेङ था थेरू नोमुङ मेङगो। थेरू जोबाते चीजओन छोङकान्‍ते बेपारीओनला लुङबा लुङबे मिकीराङ छ्या स्‍येबा ओतान। थेबाचेन दि पृथ्‍वीते छ्ये छ्ये मि ओतान। थे सारगी झिलिमिली थोङगीन गाङे सा लुङबे मि छक्‍के खाबा ओतान।

छ्या स्‍ये च्‍युताते बात 18:7

जति थेकी ङा छेतते सु ईन्‍दे, ङात्ताङ छेत सम्‍पत्ति सुङताङ मेत सिन छ्ये खिन किम्‍मु खिन देता ओतान थोस्‍यिकराङ था थेला सुक देक छ्युत, था थेला नोमुङ सेम सन्‍तो खाला देत माज्‍युत। च्‍यिला सासीन थेकी थे मोरोङ सेमगी नाङ ‘ङानी गेल्‍मुका ईन, ङा नोमुङ ख्‍योबो स्‍याप्‍ते फेम्‍मे मि च्‍योक ओङा माफाबो, दुक्‍पाताङ पीर सिराते च्‍यि ईन्‍दे सिन ङे नोमुङ थोङा माफाबो,’ सिन छ्ये खिदुक।

छ्या स्‍ये च्‍युताते बात 18:9

थोक खाला थे सार छिगीन थेन्‍दाते थुता थोङला थेत्ताङ डिक्‍ला थेकी खिन ओता च्‍योकराङ खिता मेङच्‍येते ङोचा लाङच्‍येते काम खित्‍कान्‍ते दि सा लुङबे गेल्‍बोओन पीर खिन झ्‍याउँ झ्‍याउँ ङुइओ।