छ्या स्‍ये च्‍युताते बात 18:24 - जिरेल

²⁴ परमेश्‍वर बात खित्‍कान्‍ते मिओन, परमेश्‍वर सन्‍तानओन थेमे दि सा लुङबा खाङ सेताते मि गाङेला थेरूराङ सेता ओतान,” सिन सिदुक।

छ्या स्‍ये च्‍युताते बात 18:24 Iomraidhean Croise

मत्ती 23:27

ख्‍योकोन चुक्‍तेन्‍दे ईन्‍दाका। था ख्‍योकोनला आउदी मेलेबा ओङगो। रो ज्‍याक्‍पाते फुकला सागार ग्‍याप्‍नामेई फिनामानी आउदी लेमु थोङगो। तर नाङदुचेन रूल्‍गीन सिन्‍दाते मि रूबाताङ बुकामा ओङगो। ख्‍योकोनोङ सागार ग्‍यापाते होथोक्‍ते फुक च्‍योकराङ दुक।

मत्ती 23:35

ख्‍योकोनगी थोक खितेकी परमेश्‍वरगी खि साबाच्‍योक खित्‍कान्‍ते मिओन नाङ सेताते मि गाङे हर हिसाब था परमेश्‍वरगी ख्‍योकोनताङ लिन्‍ग्‍यो। हाबिलदुकी लाला परमेश्‍वर मन्‍दिर नाङदु कोठाताङ थेरू थानगी किल्‍दुराङ सेताते बरकिये फुज्‍युङ जकरिये पालोसाक हर हिसाब परमेश्‍वरगी मालाबाला मोतोङो।

शक्ति काम 7:52

परमेश्‍वर बात खित्‍कान्‍तेबे नाङ खाङलाचेन ख्‍योकोन ज्‍युज्‍यु पुर्खेकी मेलेबा खाबा मेतानेरो? थेबेकीनी परमेश्‍वरगी खि साबा च्‍योककामा खित्‍कान्‍ते तिरी दुरू ओङगो सिन परमेश्‍वर बात खित्‍कान्‍तेबा गाङेला खेदा खाईन सेता ओतान। थेमे तिरी थेबेकी ओङगो साबाते वानामेकी ख्‍योकोनगीचेन थे परमेश्‍वरगी तोङगो साबाते ईनराङ मेन सिन दुक्‍पा बिन्‍गीन सेत्‍सुङ।

१ थिस्‍सलोनिकी 2:15

ज्‍येनला दुक्‍पा तेरकान्‍ते होथे यहूदीओनगीचेन प्रभु येशूला सेता ओतान। थेमे थे गोमा परमेश्‍वर बात खित्‍कान्‍ते मिओनलाङ सेता ओतान। होथेबेकीराङ ङ्योकोनलाङ दुक्‍पा बिन्‍गीन ख्‍योकोन ओत्‍सादुई उरगीन ताङा ओतान। परमेश्‍वरला मन परे मिक्‍किच्‍येते काम खित्‍कान्‍ते थेमे मि गाङेला मिगी थोङसार्मु खित्‍कान्‍ते होथेबाराङ ईन।

छ्या स्‍ये च्‍युताते बात 11:7

थेबा ङिबोकी खिता फाप्‍च्‍येते काम खाईन सिन्‍नामेकी ताजीनराङ ज्‍यीबा लाङच्‍याज्‍यीक जन्‍तुज्‍यीक खापान खापान तीङ ओताते डालुमदुकी थेन्‍ला वाला थेबा ङिबोताङ जीङगो। थेमे जीला ग्‍याल्‍ला थेबा ङिबोला सेत्‍क्‍यो।

छ्या स्‍ये च्‍युताते बात 16:6

च्‍यिला सासीन थेबेकी खोरोङ सन्‍तान थेमे खोरोङ बात खित्‍कान्‍ते मिओनला सेतेकी खुई थेबाला ठाकराङ थुङा बिन्‍सुङ। थेबेकी खोपरोङगी ङेता फाप्‍च्‍येते सजायराङ ङेत्‍सुङ,” सिन साबाते ङे थोसुङ।

छ्या स्‍ये च्‍युताते बात 17:6

थे फेम्‍मे मिचेन परमेश्‍वर सन्‍तानओनला सेत्‍कीन थेबे ठाक थुकीन जा ओतान। थेबाचेन जति दुक्‍पा ओङजीनोङ येशू ख्रीष्‍ट सु ईन्‍दे, थेकी च्‍यि खिते सिन लोप्‍कीनराङ देत्‍कान्‍ते मि ओतान। थे फेम्‍मे मिला थोङजीन ङाला आउदी अचम्‍ब लासुङ।

छ्या स्‍ये च्‍युताते बात 19:2

सुङलाङ काका पाका मिक्‍किता खाला सु सुला च्‍यि सजाय तेरा फाप्‍च्‍येते ईन्‍दे थे सजायराङ बिन्‍ला न्‍याय खित्‍कान्‍ते थेराङ ईन। थे मोरोङगी खिन ओताते खिता मेङच्‍येते ङोचा लाङच्‍येते काम खित च्‍युत्‍ला दि सा लुङबा खाङगी मिला ङ्ये ज्‍युत्‍कान्‍ते छ्याःङ ङोचा मेताते रन्‍डीला थेकी सोई खित्‍च्‍याज्‍यीकराङ सजाय बिन्‍दा ओत। थे खोरोङ काम खित्‍कान्‍ते मिओनला सेतेकी थेकी थेला सजाय बिन्‍दा ओत,” सिन ओतान।