छ्या स्‍ये च्‍युताते बात 18:2 - जिरेल

² थेमे थेकी आउदी कस्‍स्‍ये खाला छेरा खिन “था खतम गाल्‍सुङ, थे जोदाते सार बेबिलोन खतम गाल्‍सुङ। था थेरू ओताते जति ल्‍हन्‍डीक स्‍यिन्‍डीप थेमे परमेश्‍वरला चले मिक्‍किच्‍येते छ्योज्‍युङमाओनकामा देत्‍क्‍यो।

छ्या स्‍ये च्‍युताते बात 18:2 Iomraidhean Croise

छ्या स्‍ये च्‍युताते बात 1:15

थेते काम्‍बातेबा आरनला लुगीन खारे खाईन टल्‍के खित च्‍युताते पित्तल च्‍योक थेमे ङोरोचेन छ्युई छहरे स्‍य्‌वाँरा च्‍योक ओतान।

छ्या स्‍ये च्‍युताते बात 10:3

थेरूई थे सिंह ङाराच्‍योक खाईन कस्‍स्‍ये खाईन छेरा खासुङ। थेकी थोक खित्‍जीन थे ङोरो दुईनगी गाराङताङ गुरूङ खासुङ।

छ्या स्‍ये च्‍युताते बात 11:8

थेमे थेबा ङिबो रोचेन थे जोदाते सारगी लामगी नाङला क्‍युरग्‍यो। थे सारलाचेन सदोमताङ मिश्रे लुङबा सिन मिन ज्‍याक्‍पा ओत। थे सारदुराङ थेबे प्रभु येशूलाङ स्‍यिङगी थामला टाँए खाईन सेता ओतान।

छ्या स्‍ये च्‍युताते बात 14:15

याङराङ ज्‍येनज्‍यीक परमेश्‍वर दूत परमेश्‍वर मन्‍दिर नाङनेकी थेन्‍गीन वाकीन थे मुक्‍पे लाक्‍तु देतातेला कस्‍स्‍ये खाईन छेरा खाईन “था खुई स्‍वारेककी बालीनालीतेबा ङ्वा। पृथ्‍वीदु ओताते बालीनाली गाङे छोकीन ङाक्‍च्‍ये बेला लेप्‍कीन सिन्‍सुङ,” सिन सिदुक।

छ्या स्‍ये च्‍युताते बात 14:8

थेमे याङराङ दि तिरी ज्‍येनज्‍यीक परमेश्‍वर दूतोङ दोक सिनकामा लिच्‍युङ। थेकीचेन “था खतम गाल्‍सुङ, जोदाते सार बेबिलोन खतम गाल्‍सुङ। बेबिलोनगी लुङबा लुङबे मिला आउदी जिच्‍या खाईन अंगूर छ्याङ थुङ च्‍युता ओतान। च्‍यि सासीन बेबिलोनगी लुङबा लुङबे मिला थेकी खित्‍च्‍येते च्‍योकराङ खिता मेङच्‍येते ङोचा लाङच्‍येते काम खित च्‍युता ओतान,” सिन ओतान।

छ्या स्‍ये च्‍युताते बात 16:13

थेमे ङे बाल्‍बाक च्‍योक्‍तेन्‍दे ल्‍हन्‍डीक सुम फुत्त फुत्त थेन्‍दाते थोङसुङ। थेबाचेन थे डुक थेमे थे जन्‍तु थेमे थे डुगी सिर च्‍युताते बात खित्‍कान्‍ते सादुकी थेन्‍दाते जन्‍तु खानामेकी थेन्‍दा ओतान।

छ्या स्‍ये च्‍युताते बात 16:19

थे सेदेर्मुकी खित्‍सादु थे जोदाते सार टुक्रा सुम गाल्‍सुङ। थोकराङ खाईन लुङबा लुङबे सारतेबाङ राम्‍गीन गाङे नाश गाल्‍सुङ। दि जोदाते सार बेबिलोनला परमेश्‍वरगी टोक ज्‍येता मेतान। थोगी थेकी बेबिलोनला कचौराला लुक्‍पाते अंगूर छ्याङ थुङ च्‍युत्‍सुङ। थे कचौरे छ्याङ थुङच्‍या सिरातेचेन परमेश्‍वरगी स्‍येदाङगी चूर गाल्‍ला तेरच्‍येते सजाय ईन।

छ्या स्‍ये च्‍युताते बात 17:18

थेमे खुई थोङाते थे फेम्‍मे मिचेन चाङबो काल्‍बेई छेउदु जोबाते छ्येते सार ईन। लुङबा लुङबे गेल्‍बो गाङे थे अधीनला ओत,” सिनोङ सिदुक।

छ्या स्‍ये च्‍युताते बात 17:5

थे फेम्‍मे मि टाले लाक्‍तु सजिलो खाला खोबा मुथुप्‍च्‍याज्‍यीक अर्थ ओताते मिनज्‍यीक दोक सिन टिबा ओतान। च्‍यि सासीन “दि जोदाते सार बेबिलोन ईन। दि सा लुङबा खाङ रन्‍डीबाजीताङ होदि च्‍योक्‍ते खिता मेङच्‍येते काम खित्‍कान्‍ते थेमे आउदी मेलेबा मेलेबा काम खित्‍कान्‍तेबे आमा दिराङ ईन” सिन टिबा ओतान।

छ्या स्‍ये च्‍युताते बात 18:10

थेरू थोक मेलेबा ओङा थोङला खोपरोङगीङ थे सजाय मेङेत्‍स्‍यीत सिन ज्‍यीबेकी थेबाचेन थारीलाराङ देत्‍ला “आबिई थे जोदाते सार बेबिलोन, जेसुकैकी दाङा ख्‍योपा ओताते थोक छ्येते सार। ङिङज्‍ये तो, रकस्‍यिकलाराङ चुक मेलेबाज्‍यीक सजाय ङेत्‍सुङा,” सिन सिओ।

छ्या स्‍ये च्‍युताते बात 18:21

थेमे छ्येज्‍यीक शक्ति ओताते परमेश्‍वर दूतज्‍यीगी घट्टे लाकोर छेतज्‍यीकराङ जोदाई दो जेन तेक्‍ला समुन्‍द्रे नाङमा क्‍युरगीनकामा “जोदाते सार बेबिलोनोङ दोकराङ खाला युक युला क्‍युरग्‍यो। थेरूईचेन थे सार था नोमुङ मोथोङो।

छ्या स्‍ये च्‍युताते बात 5:2

लोक्‍ला ङे छ्येज्‍यीक शक्ति ओताई परमेश्‍वर दूतज्‍यीक थोङसुङ। आउदी कस्‍स्‍ये खाला छेरा खिन थेकी “दि किताबदु ग्‍यापाते छाप लोक्‍ला दि नाङ ओताते बात सुई ता थुप्‍कीते?” सिन सासुङ।