छ्या स्‍ये च्‍युताते बात 18:19 - जिरेल

¹⁹ थेमे थेबाबरी खोपरोङ गोःला थाला कोन्‍ला पीर खिन झ्‍याउँ झ्‍याउँ ङुइनकामा “आबिई, आबिई, थे जोदाते सार। थेरू जोबातेताङ ङेत्‍च्‍येते चीजओन छोङ खाईनराङ समुन्‍द्रदु पानीजहाज ओत्‍कान्‍तेबा आउदी छ्युक्‍पु गाला ओतान। थोक जोदाताङ लेमुते सार फाबा रकस्‍यिकलाराङ गाङे खतम गाल्‍सुङ,” सिन सिओ।

छ्या स्‍ये च्‍युताते बात 18:19 Iomraidhean Croise

छ्या स्‍ये च्‍युताते बात 17:16

खुई थोङाते थे रोज्‍यो च्‍युताम्‍बाताङ थे जन्‍तु थे रन्‍डीताङ माडिक्‍ला थेला विरोध खिओ। थेबेकी थेते ओताते जति जेसुकै ठ्वाला थेला पेर्दुङबा टोले जोइओ। थेमे थेते स्‍या सोला सोकीन मासिन्‍दाते स्‍यातेबाङ मे नाङमा लुक्‍ला थेते मिन छेनराङ तोर ज्‍युत्‍क्‍यो।

छ्या स्‍ये च्‍युताते बात 18:10

थेरू थोक मेलेबा ओङा थोङला खोपरोङगीङ थे सजाय मेङेत्‍स्‍यीत सिन ज्‍यीबेकी थेबाचेन थारीलाराङ देत्‍ला “आबिई थे जोदाते सार बेबिलोन, जेसुकैकी दाङा ख्‍योपा ओताते थोक छ्येते सार। ङिङज्‍ये तो, रकस्‍यिकलाराङ चुक मेलेबाज्‍यीक सजाय ङेत्‍सुङा,” सिन सिओ।

छ्या स्‍ये च्‍युताते बात 18:3

च्‍यिला सासीन गाङे लुङबा लुङबे मि बेबिलोनगी खि साबा च्‍योकराङ खाईन खिता मेङच्‍येते ङोचा लाङच्‍येते काम खाईन आउदी खाईन अंगूर छ्याङगी जाप च्‍योकराङ गाला ओतान। दि सा लुङबे गेल्‍बोओनगी थेत्ताङ डिगीन थेकी खिन ओता च्‍योकराङ खिता मेङच्‍येते ङोचा लाङच्‍येते काम खाबा ओतान। दि सा लुङबे बेपारीओन थेरू मोज मज्‍जा खिताला गोच्‍येते सामानओन च्‍वाकीनराङ आउदी छ्युक्‍पु गालाते ईन,” सिन ओतान।

छ्या स्‍ये च्‍युताते बात 18:8

थोगी ङीमाईलाराङ थेला कालगी घेरे खिओ, थेकी आउदी खाला पीर खिता फाप्‍क्‍यो थेमे थेरू आउदी अनिकाल लाङगो। थेमे थे मेकी छिक्‍ला दाक खतम डुइओ। थेला न्‍याय खाला सजाय तेरकान्‍ते प्रभु परमेश्‍वरताङ छ्येज्‍यीक शक्ति ओत,” सिन सिरा ङे थोसुङ।