छ्या स्‍ये च्‍युताते बात 18:12 - जिरेल

¹² च्‍यि सासीन सेर, चाँदी, आउदी महँगो महँगोते युओन, मोती, आउदी लेमुते कार्मुते खोलाक, मोर्मुते रंग ग्‍यापाते आउदी दामीते खोलाक, सिलिक खोलाक, बास्‍ना चले खित्‍च्‍येते थरी थरी स्‍यिङ, हात्ती दारादुकी जोबाते सामानओन, पित्तल, च्‍याताङ सिङ्गमरमर दोईकी जोबाते स्‍यीओन सुङगीङ मोङ्योओ।

छ्या स्‍ये च्‍युताते बात 18:12 Iomraidhean Croise

छ्या स्‍ये च्‍युताते बात 17:3

थेरूई परमेश्‍वर आत्‍मेकी जुम जुम्‍बालाराङ थे परमेश्‍वर दूतकी ङाला काल्‍बा च्‍योक ठाःकताङ बालुवाकामा ओत्‍से नाङला खेरसुङ। थेरू ङे मोर्मुज्‍यीक जन्‍तु लाक्‍तु जेकीन देताते फेम्‍मे मिज्‍यीकला थोङसुङ। थे जन्‍तुते गोः दुईनताङ रोज्‍यो च्‍युताम्‍बा ओतान। थेमे थेते जीउ खाङ परमेश्‍वर विरोध खित्‍च्‍येते खुदुक खुदुक मिनकामा टिबा ओतान।

छ्या स्‍ये च्‍युताते बात 17:4

थे फेम्‍मे मिकीचेन मोर्मुते रंग ग्‍यापाते आउदी दामीते खोलाक थेमे मोर्मुते खोलाक खोन्‍दा ओतान। थेमे झिलिमिली डोच्‍या खाईन जीउ खाङ सेर, आउदी दामी दामी युईकी जोबाते गहनाताङ मोती खोन्‍दा ओतान। लाःक्‍तुचेन थेकी सेरगी कचौराज्‍यीक खुरा ओतान। थे कचौरा खाङ परमेश्‍वरगी खिताराङ मेङगो साबाते आउदी मेलेबा काम थेमे थे फेम्‍मे मिकी खाबाते रन्‍डीबाजीताङ होदि च्‍योक्‍ते खिता मेङच्‍येते कामराङ कामकामा ओतान।

छ्या स्‍ये च्‍युताते बात 18:15

थे सारदु ङेत्‍च्‍येते जेसुकै च्‍वाकीन छ्युक्‍पु गालाते बेपारीओनोङ थेकी थोक छ्येज्‍यीक सजाय ङेता थोङला पीर खिन झ्‍याउँ झ्‍याउँ ङुइनकामा खोपरोङगीङ थे सजाय मेङेत्‍स्‍यीत सिन ज्‍यीबेकी थारीलाराङ लाला देत्‍क्‍यो।