छ्या स्‍ये च्‍युताते बात 18:10 - जिरेल

¹⁰ थेरू थोक मेलेबा ओङा थोङला खोपरोङगीङ थे सजाय मेङेत्‍स्‍यीत सिन ज्‍यीबेकी थेबाचेन थारीलाराङ देत्‍ला “आबिई थे जोदाते सार बेबिलोन, जेसुकैकी दाङा ख्‍योपा ओताते थोक छ्येते सार। ङिङज्‍ये तो, रकस्‍यिकलाराङ चुक मेलेबाज्‍यीक सजाय ङेत्‍सुङा,” सिन सिओ।

छ्या स्‍ये च्‍युताते बात 18:10 Iomraidhean Croise

छ्या स्‍ये च्‍युताते बात 11:8

थेमे थेबा ङिबो रोचेन थे जोदाते सारगी लामगी नाङला क्‍युरग्‍यो। थे सारलाचेन सदोमताङ मिश्रे लुङबा सिन मिन ज्‍याक्‍पा ओत। थे सारदुराङ थेबे प्रभु येशूलाङ स्‍यिङगी थामला टाँए खाईन सेता ओतान।

छ्या स्‍ये च्‍युताते बात 14:8

थेमे याङराङ दि तिरी ज्‍येनज्‍यीक परमेश्‍वर दूतोङ दोक सिनकामा लिच्‍युङ। थेकीचेन “था खतम गाल्‍सुङ, जोदाते सार बेबिलोन खतम गाल्‍सुङ। बेबिलोनगी लुङबा लुङबे मिला आउदी जिच्‍या खाईन अंगूर छ्याङ थुङ च्‍युता ओतान। च्‍यि सासीन बेबिलोनगी लुङबा लुङबे मिला थेकी खित्‍च्‍येते च्‍योकराङ खिता मेङच्‍येते ङोचा लाङच्‍येते काम खित च्‍युता ओतान,” सिन ओतान।

छ्या स्‍ये च्‍युताते बात 16:19

थे सेदेर्मुकी खित्‍सादु थे जोदाते सार टुक्रा सुम गाल्‍सुङ। थोकराङ खाईन लुङबा लुङबे सारतेबाङ राम्‍गीन गाङे नाश गाल्‍सुङ। दि जोदाते सार बेबिलोनला परमेश्‍वरगी टोक ज्‍येता मेतान। थोगी थेकी बेबिलोनला कचौराला लुक्‍पाते अंगूर छ्याङ थुङ च्‍युत्‍सुङ। थे कचौरे छ्याङ थुङच्‍या सिरातेचेन परमेश्‍वरगी स्‍येदाङगी चूर गाल्‍ला तेरच्‍येते सजाय ईन।

छ्या स्‍ये च्‍युताते बात 17:12

थेमे खुई थोङाते रोज्‍यो च्‍युताम्‍बे अर्थचेन गेल्‍बो च्‍युताम्‍बा ईन। थेबेकी थोरूमसाक राज्‍य ङेता मेत। थेबा गाङेकी रकस्‍यिक रकस्‍यिककामा थे जन्‍तुताङ गेल्‍बो ओङला राज्‍य खिता ङेत्‍क्‍यो।

छ्या स्‍ये च्‍युताते बात 18:18

थे सार छिक्‍पाते थुता थोङला “तो, थे च्‍योक लेमुते सार ज्‍येन खाङ ओतानेरो?” सिनकामा छक्‍क परे खिओ।

छ्या स्‍ये च्‍युताते बात 18:19

थेमे थेबाबरी खोपरोङ गोःला थाला कोन्‍ला पीर खिन झ्‍याउँ झ्‍याउँ ङुइनकामा “आबिई, आबिई, थे जोदाते सार। थेरू जोबातेताङ ङेत्‍च्‍येते चीजओन छोङ खाईनराङ समुन्‍द्रदु पानीजहाज ओत्‍कान्‍तेबा आउदी छ्युक्‍पु गाला ओतान। थोक जोदाताङ लेमुते सार फाबा रकस्‍यिकलाराङ गाङे खतम गाल्‍सुङ,” सिन सिओ।

छ्या स्‍ये च्‍युताते बात 18:21

थेमे छ्येज्‍यीक शक्ति ओताते परमेश्‍वर दूतज्‍यीगी घट्टे लाकोर छेतज्‍यीकराङ जोदाई दो जेन तेक्‍ला समुन्‍द्रे नाङमा क्‍युरगीनकामा “जोदाते सार बेबिलोनोङ दोकराङ खाला युक युला क्‍युरग्‍यो। थेरूईचेन थे सार था नोमुङ मोथोङो।

छ्या स्‍ये च्‍युताते बात 18:8

थोगी ङीमाईलाराङ थेला कालगी घेरे खिओ, थेकी आउदी खाला पीर खिता फाप्‍क्‍यो थेमे थेरू आउदी अनिकाल लाङगो। थेमे थे मेकी छिक्‍ला दाक खतम डुइओ। थेला न्‍याय खाला सजाय तेरकान्‍ते प्रभु परमेश्‍वरताङ छ्येज्‍यीक शक्ति ओत,” सिन सिरा ङे थोसुङ।