छ्या स्‍ये च्‍युताते बात 17:6 - जिरेल

⁶ थे फेम्‍मे मिचेन परमेश्‍वर सन्‍तानओनला सेत्‍कीन थेबे ठाक थुकीन जा ओतान। थेबाचेन जति दुक्‍पा ओङजीनोङ येशू ख्रीष्‍ट सु ईन्‍दे, थेकी च्‍यि खिते सिन लोप्‍कीनराङ देत्‍कान्‍ते मि ओतान। थे फेम्‍मे मिला थोङजीन ङाला आउदी अचम्‍ब लासुङ।

छ्या स्‍ये च्‍युताते बात 17:6 Iomraidhean Croise

यूहन्‍ना 2:10

थेमे थे छ्येते मिकी बेउलाला काताङगीन “मिकीनी फाङमा सार वाबाते मिओनला थोङला स्‍यीम्‍बुते छ्याङ बिन्‍ला थेबेकी आदोराङ थुनामेई लन्‍देते छ्याङका तेरग्‍यो। च्‍यिन्‍दे खुईनी थोरूमसाकोङ दोक स्‍यीम्‍बुते छ्याङका ज्‍याक्‍पा ओताक्‍वा,” सिन सासुङ।

शक्ति काम 22:20

थेमे खुई बात लोप्‍कान्‍ते स्‍तिफनसला दोईकी ग्‍याप्‍ला सेत्‍जीन ङाङ थोक खित्‍कान्‍तेबाताङ खुशी ओतान। थेला थोक खाला सेत्‍कान्‍ते मिओनते लाक्‍तु खोन्‍दाते खोलाकतेबा ङेराङ स्‍युबाप। गोमा ङे थोक थोक खाबाते दुरू मिओनला गाङे छ्याराङ ओत,’ सिन साबाप।

छ्या स्‍ये च्‍युताते बात 12:11

ङुरूङ लाईदु स्‍यिजीन लुई रीउ जीउदुकी थेन्‍दाते ठागी खित्‍सादु थेमे थे लुई रीउ सु ईन्‍दे, थेकी च्‍यि खिते सिन थे बात ज्‍येनला लापेकी खित्‍सादु ङुरूङ आज्‍यो न्‍वाकी थोक खाला खोपरोङला दोष लै खित्‍कान्‍तेला ग्‍याल्‍सुङ। सेता छोल्‍जीन थेबेकी खोपरोङ ज्‍यानगी मायाङ खाबा मेतान।

छ्या स्‍ये च्‍युताते बात 13:15

थे मूर्ति जोनामेई थेला ङेपाक लुच्‍येते शक्ति होदि तिरी जन्‍तुला बिन्‍दा ओतान। थेकी ङेपाक लुक्‍नामेई थे गोमे जन्‍तु मूर्तिकी बात खिताला स्‍यूसुङ। थेमे थे खोरोङला मान खाला छ्ये मोजोओ सिरकान गाङेला सेत च्‍युत्‍सुङ।

छ्या स्‍ये च्‍युताते बात 13:7

थेला परमेश्‍वर सन्‍तानओनताङ जीला थेबाला ग्‍याल्‍च्‍येते अधिकार परमेश्‍वरगी बिन्‍दा ओतान। थेमे थेकी थर थरगीते, जात जातकीते, खुदुक खुदुक भाषेते थेमे लुङबा लुङबे मिला राज्‍य खिता ङेता ओतान।

छ्या स्‍ये च्‍युताते बात 16:6

च्‍यिला सासीन थेबेकी खोरोङ सन्‍तान थेमे खोरोङ बात खित्‍कान्‍ते मिओनला सेतेकी खुई थेबाला ठाकराङ थुङा बिन्‍सुङ। थेबेकी खोपरोङगी ङेता फाप्‍च्‍येते सजायराङ ङेत्‍सुङ,” सिन साबाते ङे थोसुङ।

छ्या स्‍ये च्‍युताते बात 2:13

च्‍यि सासीन ख्‍योकोनचेन शैतान सिंहासन ओताते सारदु देता ओत सिन ङाला छ्या ओत। दोक ईन्‍सीनोङ ख्‍योकोनगी ङाला माताङसुङ, ङाला विश्‍वास खिनराङ देत्‍सुङ। ङा सु ईन्‍दे, ङे च्‍यि खिते सिन सिनराङ देत्‍कान्‍ते एन्‍टिपासला थे सारदुराङ सेत्‍जीनोङ ख्‍योकोनगी ङाला विश्‍वास खिता माताङसुङ।