छ्या स्‍ये च्‍युताते बात 17:17 - जिरेल

¹⁷ दोक च्‍यिला ओङगीते सासीन परमेश्‍वरगी खिओ सिन साबाच्‍योक गाङे खाईन मासिनथुप थेबेकी दोक खाला दाक्‍पोन राज्‍य खित्‍च्‍येते अधिकार थे जन्‍तुला तेरग्‍यो। थेबा गाङेराङ डिक्‍ला दोकराङ खित्‍स्‍यीत सिन परमेश्‍वरगी थेबे सेम दोकराङ जोकीन बिन्‍दा ओत।

छ्या स्‍ये च्‍युताते बात 17:17 Iomraidhean Croise

लूका 22:22

परमेश्‍वर ओत्‍सादुई वाबाते मि ङानी ङाराङला ओङगो साबा ओता च्‍योकराङ खाला स्‍यापराङ फाप्‍क्‍यो। थोक ईन्‍सीनोङ ङाला धोका तेरकान्‍ते मिकी ज्‍यीबा लाङच्‍याई सजाय ङेत्‍क्‍यो,” सिन सिदुक।

लूका 22:3

थेमे येशू चेला च्‍युन्‍ङी नाङ यहूदा इस्‍करियोत सिराते सेमगी नाङ शैतान स्‍यूसुङ।

लूका 22:37

च्‍यिला सासीन परमेश्‍वर बातला गोमाका चुक सिन टिबा ओते सासीन ‘थेलाचेन मिओनगी डाँकाओनला च्‍योकराङ खिओ,’ सिन टिबा ओत। दि बात ङेन। च्‍यि सासीन ङाला चुक खिते सिन ङे विषयला परमेश्‍वर बातला टिबाते बात गाङे साबा च्‍योकराङ ओङा फाप्‍क्‍यो,” सिन सिदुक।

यूहन्‍ना 10:35

परमेश्‍वर बातला टिबाते बात फरकराङ परे मिक्‍किओ। मिओनताङ बात खित्‍जीन परमेश्‍वरगी थेबाला ‘परमेश्‍वर फुज्‍युङ फुमु ईन,’ सिन साबा ओतान।

यूहन्‍ना 13:18

दि बात ङे थाल्‍ला ख्‍योकोन गाङेला साबाते मेन। ङा ङाराङगी छाने खाबाते गाङेला छ्या स्‍येक्‍यो। परमेश्‍वर बातला ‘ङात्ताङ ङ्योम्‍बु देत्‍ला सोला थुला खित्‍कान्‍ते मिराङ ङे शत्रु ओङगो,’ सिन टिबा ओत। दि बात साबा च्‍योकराङ ओङगो।

यूहन्‍ना 13:2

थे छोमु ग्‍वासे येशू थे खोरोङ चेलातेबाताङ साप साप्‍ला स्‍यूबा ओतान। थेमे शैतानगीचेन येशूला चुक खाला धोका तेरा फाप्‍कीते सिन शिमोन फुज्‍युङ यहूदा इस्‍करियोत सेमगी नाङ लाप्‍कीन बिन्‍गीन सिन्‍दा ओतान।

यूहन्‍ना 19:24

थोगी थेबेकी “फाबा दिचेन मोरोल्‍गी, बरू सुला फाप्‍कीका सिन चिट्ठा देइ,” सिन चिट्ठा ग्‍याप्‍सुङ। थेबेकी थोक खानामेई परमेश्‍वर बातला दोक सिन टिबाते बात साबा च्‍योकराङ ओङसुङ। थेरू च्‍यि साबा ओते सासीन “थेबेकी ङे खोलाकतेबा खोपरोङ नाङ गोसुङ, खोलाकज्‍यीकलाचेन चिट्ठा ग्‍याप्‍सुङ,” सिन टिबा ओत। थे मिल्‍टेरीओनगी साँच्‍चीराङ थोकराङ खासुङ।

यूहन्‍ना 19:28

थेमे येशूकी थे खोरोङगी खिता फाप्‍च्‍येते काम जति खाईन सिन्‍दाते छ्या स्‍येकीन “ङाला कोम्‍बा लासुङ,” सिन सिदुक। थेकी थोक सानामेई परमेश्‍वर बातला टिबा ओताते बात साबा च्‍योकराङ ओङसुङ।

२ कोरिन्‍थी 8:16

परमेश्‍वरगी ङाला च्‍योकराङ खाईन तीतसलाङ चुक खाला ख्‍योकोनला लेमु खिता थुबोङा सिरच्‍येते सेम बिन्‍दा ओतेकी ङ्योकोन दि लाईदु परमेश्‍वरला धन्‍यवाद तेरग्‍यो।

छ्या स्‍ये च्‍युताते बात 10:7

पालो दुईनगी बाजि परमेश्‍वर दूतकी थे खोरोङ बिकुल फुत्‍जीनचेन परमेश्‍वरगी थे खोरोङ काम खिन थे खोरोङ बात खित्‍कान्‍ते मिओनला साबा ओताते बात था साबा च्‍योकराङ ओङगो। दि बाततेबा गोमा परमेश्‍वरगी सुङलाङ छ्या स्‍ये च्‍युता मेतान,” सिन सिदुक।

छ्या स्‍ये च्‍युताते बात 15:1

थेमे याङराङ ङे स्‍वर्गने ज्‍येनज्‍यीक छ्येज्‍यीक थेमे अचम्‍बज्‍यीक च्‍यि थोङसुङा सासीन गाङेकी आउदी मेलेबा मेलेबा रोगताङ अनिकाल लाङ ज्‍युत्‍च्‍येते थेमे ज्‍यीबा लाङच्‍या दुक्‍पा ओङ ज्‍युत्‍च्‍येते जिम्‍मा खुराते परमेश्‍वर दूत दुईनला थोङसुङ। परमेश्‍वरगी स्‍येदाङगी चूर गाल्‍ला तेरच्‍येते सजाय था होथे दुईनकामा बाँकी ओतान।

छ्या स्‍ये च्‍युताते बात 17:13

थे गेल्‍बो च्‍युताम्‍बा गाङेराङ सेमज्‍यीकराङ खाला डिक्‍ला खोपरोङते राज्‍य खित्‍च्‍येते अधिकार थे जन्‍तुलाराङ तेरग्‍यो।

छ्या स्‍ये च्‍युताते बात 19:9

थेमे थे परमेश्‍वर दूतकी ङाला “दि बात टि। लुई रीउ फाङमा साप्‍ला काताङाते मिओन भाग्‍यमानी ईन,” सिन सिदुक। थेकी लोक्‍ला “दि बातचेन साँचोते बातकामा खित्‍कान्‍ते परमेश्‍वर थे खोरोङगीराङ साबाते ईन,” सिनोङ सिदुक।

छ्या स्‍ये च्‍युताते बात 6:11

थेमे थेबा गाङेला खोन्‍दाला कार्मुते खोलाक रेरे तेरगीनकामा “खेराङ च्‍योकराङ परमेश्‍वर काम खित्‍कान्‍ते थोरूम सेता बाँकी ओताते खेराङ आज्‍यो न्‍वालाङ ख्‍योकोनला च्‍योकराङ खाईन सेत्‍कीन मासिनथुप टिक्‍पी दिन गुकीन खि,” सिन सिदुक।