छ्या स्‍ये च्‍युताते बात 17:13 - जिरेल

¹³ थे गेल्‍बो च्‍युताम्‍बा गाङेराङ सेमज्‍यीकराङ खाला डिक्‍ला खोपरोङते राज्‍य खित्‍च्‍येते अधिकार थे जन्‍तुलाराङ तेरग्‍यो।

छ्या स्‍ये च्‍युताते बात 17:13 Iomraidhean Croise

शक्ति काम 4:28

जम्‍मा ओङगीन थेबेकी परमेश्‍वर खोरोङगी गोमाका दोक दोक ओङगो सिन साबा छेतकामा खिता थुप्‍सुङ। थे भन्‍दा ल्‍हाक्‍पाचेन थेबेकी येशूला छ्याःङ खिता माथुप्‍सुङ।

फिलिप्‍पी 1:27

था जे ओङसीनोङ ख्रीष्‍टते गा लाङच्‍येते बात ङेन्‍कान्‍ते मिओनगी चुक चुक खिता फाप्‍च्‍येते ईन्‍दे ख्‍योकोनगी होथोकराङ खि। च्‍यि सासीन ख्‍योकोन गाङेराङ सेमज्‍यीकराङ खाला डिक्‍ला देत। ज्‍येनगी जे सासीनोङ जति दुक्‍पा बिन्‍सीनोङ ख्‍योकोन गाङेराङ डिक्‍ला खेराङगी ङेन्‍दाते गा लाङच्‍येते बात ङेन्‍गीनराङ देत। ङा थेपा वासीन ख्‍योकोनगी थोक खिन ओताते ङाराङगीराङ थोङगो, मासुङ सासीनोङ ख्‍योकोनगी थोक खिन दुक्‍लो सिन ङे थोबा ङेत्‍स्‍यीत।

फिलिप्‍पी 2:2

थोरूम ख्‍योकोनगी दोक दोक खासीन ङाला झन गा लाङच्‍या ओतान। चुक सासीन ख्‍योकोन गाङेराङ सेमज्‍यीकराङ खाला डिक्‍ला देत, दोक्‍पोईकी ज्‍येनज्‍यीकला ङिङज्‍ये खि, जे खित्‍जीनोङ लो ङुरूङ दोकराङ खिइ साला डिक्‍ला खित्‍च्‍येते खि।

छ्या स्‍ये च्‍युताते बात 17:14

थेबा गाङेराङ ङ्योम्‍बुराङ डिक्‍ला लुई रीउताङ लडाइँ खिओ। लडाइँ खित्‍जीन लुई रीउकी थेबाला ग्‍याल्‍ग्‍यो। च्‍यिला सासीन लुई रीउचेन गाङे छ्येतेबेतेङ छ्येते थेमे गेल्‍बोओनतेङ गेल्‍बो ईन। परमेश्‍वरगी थे खोरोङ दोन्‍दु स्‍योक सिन काताङाते मिओनचेन लुई रीउताङ ङ्योम्‍बु देत्‍क्‍यो। थेबाचेन परमेश्‍वरगी छाने खाबाते थेमे जस्‍तो ओङसीनोङ थेला विश्‍वास खिन देत्‍कान्‍ते मिओन ईन,” सिन सिदुक।

छ्या स्‍ये च्‍युताते बात 17:17

दोक च्‍यिला ओङगीते सासीन परमेश्‍वरगी खिओ सिन साबाच्‍योक गाङे खाईन मासिनथुप थेबेकी दोक खाला दाक्‍पोन राज्‍य खित्‍च्‍येते अधिकार थे जन्‍तुला तेरग्‍यो। थेबा गाङेराङ डिक्‍ला दोकराङ खित्‍स्‍यीत सिन परमेश्‍वरगी थेबे सेम दोकराङ जोकीन बिन्‍दा ओत।