छ्या स्‍ये च्‍युताते बात 16:6 - जिरेल

⁶ च्‍यिला सासीन थेबेकी खोरोङ सन्‍तान थेमे खोरोङ बात खित्‍कान्‍ते मिओनला सेतेकी खुई थेबाला ठाकराङ थुङा बिन्‍सुङ। थेबेकी खोपरोङगी ङेता फाप्‍च्‍येते सजायराङ ङेत्‍सुङ,” सिन साबाते ङे थोसुङ।

छ्या स्‍ये च्‍युताते बात 16:6 Iomraidhean Croise

मत्ती 7:2

च्‍यिला सासीन ख्‍योकोनगी ज्‍येनला फलाना दोक्‍ते थे थोक्‍ते सिन सासीन परमेश्‍वरगी ख्‍योकोनोङ होथोक्‍तेराङ ईन सिन साला ख्‍योकोन दोषी ईन सिन सिओ। ज्‍येनला ख्‍योकोनगी जस्‍तो खिदुक परमेश्‍वरगीङ ख्‍योकोनला उस्‍तोराङ खिओ।

लूका 12:48

तर खिता फाप्‍च्‍येते काम च्‍यि ईन्‍दे सिन छ्या मेस्‍येकान्‍तेकी खइँदा काम ङ्ये च्‍युत्‍सीन थोक्‍तेलाचेन मालिकतेकी ज्‍येनतेला छेतराङ मुदुङो। बातचेन दिराङ ईन। च्‍यि सासीन परमेश्‍वरगीङ जो जसला बात काल्‍बेई छ्या स्‍ये च्‍युत्‍कीन काल्‍बेई कामगी जिम्‍मा बिन्‍ला दुक थे थेकी जिम्‍मा लै खाबाच्‍योक खाईन काम खाकाना माक्‍याका सिन तिरी गाङे तेइओ। काल्‍बेई कामगी जिम्‍मा खुराते मिओनगी थेला थोजोराङ काम खाबाते तेन्‍दा फाप्‍क्‍यो।

हिब्रू 10:29

होथोक्‍ते मिकीनी थोक ज्‍यीबा लाङच्‍याई सजाय ङेत्‍क्‍यो सासीन परमेश्‍वर फुज्‍युङला काम्‍बे पुज्‍या छेदोङ गने मिक्‍किकान्‍ते, दाक्‍पोन सेम खुदुक जोच्‍येते जमान पूरो खित्‍कान्‍ते परमेश्‍वर फुज्‍युङ ठाकला छ्याःङ काम लै मिक्‍किच्‍येते च्‍योक ठाने खित्‍कान्‍ते थेमे मिओनला दया खित्‍कान्‍ते परमेश्‍वर आत्‍मे विरोध खित्‍कान्‍ते मिकी झन चुक ज्‍यीबा लाङच्‍याई सजाय ङेदोङा सिन ख्‍योकोन खेराङराङ विचार खि।

छ्या स्‍ये च्‍युताते बात 11:18

लुङबा लुङबे मि खोत्ताङ स्‍येदाङ खासुङ। थाचेन खुई स्‍येदाङगी चूर गाल्‍ला सजाय तेरच्‍येते थेमे स्‍याप्‍ते मिओन न्‍याय खित्‍च्‍येते बेला लेप्‍सुङ। था परमेश्‍वर खुई काम खिन खोरोङ बात खित्‍कान्‍ते मिओन, खोरोङ सन्‍तान थेमे ज्‍येनोङ खोल्‍ला मान खित्‍कान्‍ते छ्ये टेक्‍टे मि गाङेला खोरोङगी तेरच्‍येते इनाम तेरच्‍ये बेला लेप्‍सुङ। थेमे दि सा लुङबाला मेलेबा जोला नाश तोङकान्‍ते मिओनला सजाय बिन्‍ला सेत्‍च्‍ये बेलाङ लेप्‍सुङ,” सिन सासुङ।

छ्या स्‍ये च्‍युताते बात 13:10

चुक सासीन परमेश्‍वर सन्‍तान नाङ सुइँदा जेलला ड्वा फाप्‍च्‍या ओत्‍सीन थे पक्‍काराङ जेलला डुइओ। थेमे तरवारगी तुप्‍ला सेत्‍च्‍या दुक सासीन थेला तरवारगीराङ तुप्‍ला सेत्‍क्‍यो। दोक ओङसीनोङ परमेश्‍वर सन्‍तानओनगी सेम मेसेता खाला दुक्‍पा खपे खिन देता फाप्‍क्‍यो, येशूला विश्‍वास खिन देता तोङा मेङगो।

छ्या स्‍ये च्‍युताते बात 13:15

थे मूर्ति जोनामेई थेला ङेपाक लुच्‍येते शक्ति होदि तिरी जन्‍तुला बिन्‍दा ओतान। थेकी ङेपाक लुक्‍नामेई थे गोमे जन्‍तु मूर्तिकी बात खिताला स्‍यूसुङ। थेमे थे खोरोङला मान खाला छ्ये मोजोओ सिरकान गाङेला सेत च्‍युत्‍सुङ।

छ्या स्‍ये च्‍युताते बात 18:20

“था स्‍वर्गने ओत्‍कान्‍तेबा गाङेराङ, परमेश्‍वर सन्‍तानओन, येशू ख्रीष्‍टकी खटे खाबाते मिओन थेमे परमेश्‍वर बात खित्‍कान्‍तेबा ख्‍योकोन गाङेराङ थे सार थोक खाईन छिगीन गाला थोङजीन गा खि। च्‍यिला सासीन थेकी ख्‍योकोनला मेलेबा खाबेकीराङ परमेश्‍वरगी थेला थोक छ्येज्‍यीक सजाय बिन्‍सुङ।”

छ्या स्‍ये च्‍युताते बात 18:24

परमेश्‍वर बात खित्‍कान्‍ते मिओन, परमेश्‍वर सन्‍तानओन थेमे दि सा लुङबा खाङ सेताते मि गाङेला थेरूराङ सेता ओतान,” सिन सिदुक।

छ्या स्‍ये च्‍युताते बात 19:2

सुङलाङ काका पाका मिक्‍किता खाला सु सुला च्‍यि सजाय तेरा फाप्‍च्‍येते ईन्‍दे थे सजायराङ बिन्‍ला न्‍याय खित्‍कान्‍ते थेराङ ईन। थे मोरोङगी खिन ओताते खिता मेङच्‍येते ङोचा लाङच्‍येते काम खित च्‍युत्‍ला दि सा लुङबा खाङगी मिला ङ्ये ज्‍युत्‍कान्‍ते छ्याःङ ङोचा मेताते रन्‍डीला थेकी सोई खित्‍च्‍याज्‍यीकराङ सजाय बिन्‍दा ओत। थे खोरोङ काम खित्‍कान्‍ते मिओनला सेतेकी थेकी थेला सजाय बिन्‍दा ओत,” सिन ओतान।