छ्या स्‍ये च्‍युताते बात 16:21 - जिरेल

²¹ थेमे घट्टे लाकोर छेतराङ जोदातेताङ ज्‍यीबा लाङच्‍येतेन्‍दे सरे नामनेकी मिओन लाकनामा ङीम्‍बाला स्‍यूसुङ। थोक ज्‍यीबा लाङच्‍येतेन्‍दे सरे ग्‍यापेकी खित्‍सादु मिओनगी परमेश्‍वरला मोता खिताला स्‍यूसुङ। साँच्‍चीराङ थे सरे आउदी ज्‍यीबा लाङच्‍येतेन्‍दे ओतान।

छ्या स्‍ये च्‍युताते बात 16:21 Iomraidhean Croise

छ्या स्‍ये च्‍युताते बात 11:19

थेरूई स्‍वर्गने ओताते परमेश्‍वर मन्‍दिर गो फेत्‍सुङ। थेमे गोमा परमेश्‍वर इस्राएलीओनताङ ङ्योम्‍बु ओत सिन सम्‍झे खिताला जोबाते जमान बाकसोङ थे नाङ थोङसुङ। थेमे थेरू चिलाम खासुङ, नामज्‍योक बुराङ साच्‍याज्‍यीक ङोरो थोसुङ, नाम गाराङताङ गुरूङ खासुङ, ज्‍यीबा लाङच्‍याई सेदेर्मु गाल्‍सुङ थेमे जोदा जोदातेन्‍दे सरेङ ग्‍याप्‍सुङ।

छ्या स्‍ये च्‍युताते बात 16:11

खोपरोङला कुमुकताङ मा थेन्‍साला आउदी सुक खाबेकी खित्‍सादु दुक्‍पा ङेत्‍कीन थेबेकी स्‍वर्गने देत्‍कान्‍ते परमेश्‍वरला मोता खासुङ। ईन्‍सीनोङ खोपरोङगी खिन ओताते मेलेबा काम खिता थेबेकी ताङराङ माताङसुङ।

छ्या स्‍ये च्‍युताते बात 16:9

ङीमे रापकी थोक खाईन छिक्‍पेकी खित्‍सादु होदि दुक्‍पातेबा ओङ ज्‍युत्‍कान्‍ते परमेश्‍वर ईन सिन थे मिन तेन्‍गीन मिओनगी थेला मोता खासुङ। तर खोपरोङगी खिन ओताते मेलेबा काम खिता ताङला परमेश्‍वर छ्य्‌वापा लै खाला थेला छ्ये जोच्‍येते कामचेन थेबेकी माक्‍यासुङ।

छ्या स्‍ये च्‍युताते बात 8:7

थेमे गाङे भन्‍दा गोमे दूतकी थे खोरोङ बिकुल फुसुङ। थोक खानामेई ठाक स्‍येबाते सरेताङ मे ज्‍वाला पृथ्‍वीमा ङीम्‍बाला स्‍यूसुङ। दोक ओङेकी खित्‍सादु पृथ्‍वीदु खण्‍ड सुमला खण्‍डज्‍यीक सा थेमे स्‍यिङ दोङबोताङ ङोम्‍मुते सोतेबा गाङे छिगीन खतम गाल्‍सुङ।