छ्या स्‍ये च्‍युताते बात 16:17 - जिरेल

¹⁷ पालो दुईनगी बाजि दूतकीचेन थे खोरोङगी खुराते कचौरा नामदुराङ पुसुङ। थोक खिताईताङ परमेश्‍वर मन्‍दिर सिंहासनदुकी आउदी कस्‍स्‍ये खाईन “जे ओङा फाप्‍च्‍या ओतान था थे ओङगीन सिन्‍सुङ,” सिन सिरा ङे थोसुङ।

छ्या स्‍ये च्‍युताते बात 16:17 Iomraidhean Croise

यूहन्‍ना 19:30

थे छ्याङ ज्‍यिप्‍नामेकी येशूकी “ङे खिता फाप्‍च्‍येते था गाङे खाईन सिन्‍सुङ,” सिन सिदुक। दोस्‍यिक साकीन थे गोः खुङ कुगीन ग्‍याङ स्‍यिसुङ।

एफिसी 2:2

थेजीन ख्‍योकोन चालचलनताङ बानी बिवारा दि सा लुङबे मि ज्‍येनतेबेते च्‍योकराङ ओतान। ख्‍योकोनचेन दागार, ङीमा, कार्मा नामने ओताते जति गाङे थेमे ल्‍हा लुई गेल्‍बो शैतान अधीनला देत्‍ला थेकी खि साबा साबाच्‍योक खिन ओतान। परमेश्‍वरगी माकेत साबा साबा खित्‍कान्‍ते मिओनलाचेन थोरूमोङ शैतानगीराङ राज्‍य खिन ओत।

एफिसी 6:12

च्‍यि सासीन ङुरूङ जीङा फाप्‍च्‍येते मित्ताङ मेन। ङुरूङनी दि सा नाम खाङ ओताते ल्‍हा लु, ल्‍हन्‍डीक स्‍यिन्‍डीप थेमे होदिबा च्‍योकराङ शैतानताङ डिक्‍ला दि कलि जुगला राज्‍य खित्‍कान गाङेताङ जीङच्‍येते ईन।

छ्या स्‍ये च्‍युताते बात 11:15

थेमे पालो दुईनगी बाजि परमेश्‍वर दूतकीङ थे खोरोङ बिकुल फुसुङ। थेमे ङे स्‍वर्गने आउदी कस्‍स्‍ये खाईन “थानामेई दि सा लुङबा गाङे ङुरूङ प्रभु परमेश्‍वर थेमे थेकी छाने खाबाते ख्रीष्‍टकी राज्‍य ओङा ओत। था थेबेकी सधैँभरि राज्‍य खिनराङ देत्‍क्‍यो,” सिन साबाते ङोरो काल्‍बेई थोसुङ।

छ्या स्‍ये च्‍युताते बात 11:19

थेरूई स्‍वर्गने ओताते परमेश्‍वर मन्‍दिर गो फेत्‍सुङ। थेमे गोमा परमेश्‍वर इस्राएलीओनताङ ङ्योम्‍बु ओत सिन सम्‍झे खिताला जोबाते जमान बाकसोङ थे नाङ थोङसुङ। थेमे थेरू चिलाम खासुङ, नामज्‍योक बुराङ साच्‍याज्‍यीक ङोरो थोसुङ, नाम गाराङताङ गुरूङ खासुङ, ज्‍यीबा लाङच्‍याई सेदेर्मु गाल्‍सुङ थेमे जोदा जोदातेन्‍दे सरेङ ग्‍याप्‍सुङ।

छ्या स्‍ये च्‍युताते बात 14:15

याङराङ ज्‍येनज्‍यीक परमेश्‍वर दूत परमेश्‍वर मन्‍दिर नाङनेकी थेन्‍गीन वाकीन थे मुक्‍पे लाक्‍तु देतातेला कस्‍स्‍ये खाईन छेरा खाईन “था खुई स्‍वारेककी बालीनालीतेबा ङ्वा। पृथ्‍वीदु ओताते बालीनाली गाङे छोकीन ङाक्‍च्‍ये बेला लेप्‍कीन सिन्‍सुङ,” सिन सिदुक।

छ्या स्‍ये च्‍युताते बात 14:17

दि तिरीङ याङराङ ङे स्‍वर्गने ओताते परमेश्‍वर मन्‍दिरदुकी परमेश्‍वर दूतज्‍यीक थेन्‍दा थोङसुङ। थेकी लाःक्‍तु स्‍वारेक नोम्‍बोज्‍यीक खुरा ओतान।

छ्या स्‍ये च्‍युताते बात 16:1

थेमे ङे याङराङ परमेश्‍वर मन्‍दिरदुकी थे परमेश्‍वर दूत दुईनबोला “लो ग्‍युक, परमेश्‍वरगी स्‍येदाङगी चूर गाल्‍ला तेरच्‍येते सजायकी खाङाते थे कचौरा दुईनकाराङ खेरला पृथ्‍वीमा पु,” सिन कस्‍स्‍ये खाईन साबा थोसुङ।

छ्या स्‍ये च्‍युताते बात 21:6

लोईन थेकी “जे ओङा फाप्‍च्‍या ओतान थे था गाङे ओङगीन सिन्‍सुङ। ङा अल्‍फा थेमे ओमेगा शुरूलाराङ ओताते थेमे तिरी तिरीसाकराङ देत्‍कान्‍ते ईन। कोम्‍बा खाला ओङकान्‍ते मिला ङा छ्याःङ मिलिन्‍दा खाला छ्यु थुङा तेरग्‍यो। दि मोनगी छ्यु थुङकान्‍ते मिकी नोमुङ मिसिन्‍च्‍येते जुनी ङेत्‍क्‍यो।