छ्या स्‍ये च्‍युताते बात 14:6 - जिरेल

⁶ थेरूई याङराङ ङे नामगी चेनापा फुरगीन ओताते परमेश्‍वर दूतज्‍यीकला थोङसुङ। थेचेन दि सा लुङबा खाङ ओताते लुङबा लुङबेते, थर थरगीते, खुदुक खुदुक भाषेते थेमे जात जातकी मिला गा लाङच्‍येते बात सिराला ओङगीन ओतान। दि गा लाङच्‍येते बातचेन नोमुङ खुदुक मोन्‍डोओ, सधैँभरि थोकराङ देत्‍क्‍यो।

छ्या स्‍ये च्‍युताते बात 14:6 Iomraidhean Croise

मत्ती 10:27

थेमे ङे नुप्‍ला खेराङकामा ओत्‍जीन लोप्‍कीन ओताते बात ज्‍येनलाङ लाप्‍ला बिन। थोकराङ खाला ङे खेराङलाकामा साबाते बातओन गाङेकी छ्या स्‍येस्‍यीत सिन थोच्‍या खाला लोप।

मर्कूस 16:15

थेमे थेकी थेबाला “लो थाचेन सा लुङबा खाङ गाङेपा गाल्‍ला गाङेपे मिला गा लाङच्‍येते बात लोप।

रोमी 16:25

थेमे परमेश्‍वरगीराङ ख्‍योकोनला शक्ति तेरच्‍येते ईन्‍देकी ख्‍योकोनगी येशू ख्रीष्‍टला विश्‍वास खिन देता थुप्‍क्‍यो। परमेश्‍वरगी खित्‍सादु दोक खिन देता थुप्‍क्‍यो सिन येशू ख्रीष्‍ट सु ईन्‍दे, चुक्‍ते ईन्‍दे सिन ङे लोप्‍कीन ओताते गा लाङच्‍येते बातला साबा ओत। दि जुग शुरू ओङा भन्‍दा गोमामेईराङ परमेश्‍वरगी सुङलाङ छ्या स्‍ये च्‍युता मेताते दि गा लाङच्‍येते बात

कलस्‍सी 1:23

थोगी था ख्‍योकोनगी येशूला विश्‍वास खाईन ङेन्‍दाते बात ङेन्‍दा नोमुङ तोङा मेङगो, थे बातला खि साबा च्‍योकराङ खिन देता फाप्‍क्‍यो थेमे होथे गा लाङच्‍येते बात थोनामेई तिरी खेराङगी परमेश्‍वरगी तेरग्‍यो साबाते जति ङेत्‍क्‍यो सिन आश खाईन गुकीन देताते बातला ज्‍येनगी जे सासीनोङ छ्याःङ शंका मिक्‍किता खाला देत। होथे बात ख्‍योकोनलाकामा मेन, सा लुङबा खाङगी मिला लाप्‍कीन बिन्‍दा ओत। थेमे ङा पावललाचेन मिओनला होथे बात लोप्‍च्‍येते जिम्‍मा बिन्‍दा ओत।

२ थिस्‍सलोनिकी 2:16

ङुरूङ आबा परमेश्‍वरगी ङुरूङला ङिङज्‍ये खाईन थे खोरोङ दयेकी जहिलेङ आँट तेरगीन देत्‍ला तिरी तेरग्‍यो सिन साबातेबा गाङे पक्‍काराङ ङेत्‍क्‍यो सिन आश खाला देत ज्‍युत्‍क्‍यो। दोक खित्‍कान्‍ते परमेश्‍वरताङ ङुरूङ प्रभु येशू ख्रीष्‍ट थे खोरोङगीराङ ख्‍योकोनला आँट बिन्‍ला ख्‍योकोनगी खिन ओताते लेमुते कामताङ बात गाङे खिनराङ देत ज्‍युत्‍स्‍यीत सिन ङ्योकोन प्रार्थना खिओ।

हिब्रू 13:20

परमेश्‍वरगी खाबाते नोमुङ खुदुक मोन्‍डोच्‍येते जमान येशूकी थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु पूरो खाबा ओत। येशूचेन लुक लेमु खाला ताकान्‍ते छ्येते लुई गोठाला च्‍योक्‍ते ईन। मि सेम ढुक्‍क लोङकान्‍ते परमेश्‍वरगी ङुरूङ प्रभु येशूला स्‍यिसादुकी सोम्‍बो लोक्‍पा ओत।

१ पत्रुस 1:25

तर प्रभु परमेश्‍वर बातचेन नोमुङ फरक परे मिक्‍किओ,” सिन साला दुक। ख्‍योकोनला लाप्‍कीन बिन्‍दाते गा लाङच्‍येते बादोङ होदि परमेश्‍वर बातराङ ईन।

छ्या स्‍ये च्‍युताते बात 10:11

थे सोकीन सिन्‍नामेकी “था खुई जात जातकीते, लुङबा लुङबेते, खुदुक खुदुक भाषे मि थेमे गेल्‍बोओनला था तिरी चुक चुक ओङगीते सिन परमेश्‍वरगी सिर च्‍युताते बात सिरा फाप्‍क्‍यो,” सिन ङाराङला साबाते बात थोसुङ।

छ्या स्‍ये च्‍युताते बात 10:7

पालो दुईनगी बाजि परमेश्‍वर दूतकी थे खोरोङ बिकुल फुत्‍जीनचेन परमेश्‍वरगी थे खोरोङ काम खिन थे खोरोङ बात खित्‍कान्‍ते मिओनला साबा ओताते बात था साबा च्‍योकराङ ओङगो। दि बाततेबा गोमा परमेश्‍वरगी सुङलाङ छ्या स्‍ये च्‍युता मेतान,” सिन सिदुक।

छ्या स्‍ये च्‍युताते बात 13:7

थेला परमेश्‍वर सन्‍तानओनताङ जीला थेबाला ग्‍याल्‍च्‍येते अधिकार परमेश्‍वरगी बिन्‍दा ओतान। थेमे थेकी थर थरगीते, जात जातकीते, खुदुक खुदुक भाषेते थेमे लुङबा लुङबे मिला राज्‍य खिता ङेता ओतान।

छ्या स्‍ये च्‍युताते बात 3:10

थेमे ङे खि साबा च्‍योकराङ खाईन जस्‍तो पीरताङ दुक्‍पालाङ ख्‍योकोन सेम मेसेता खाईन देत्‍सुङ। थोगी था तिरी ना थेबेकी पाप खिता तोङगीता सिन ताप्‍ला दि सा लुङबे मिओनला आइ परे खित्‍च्‍येते मेलेबाते दुक्‍पे बेलाला ङा ख्‍योकोनला जोए खाला ज्‍य्‌वाक्‍यो।

छ्या स्‍ये च्‍युताते बात 5:9

थेमे थेबेकी “दि किताब लाला थे छापओन लोक्‍पा थुप्‍कान्‍ते खोकामा ईन। खोल्‍ला सेता ओतान। खोल्‍ला सेत्‍जीन खोरोङ जीउदुकी थेन्‍दाते ठागी खुई थर थरगीते, खुदुक खुदुक भाषेते, जात जातकीते थेमे लुङबा लुङबे मि नाङदुकी मिओनला परमेश्‍वर मि ओङाला ङ्योसुङ,

छ्या स्‍ये च्‍युताते बात 8:13

थे तिरी ताजीन ङे नामगी चेनापा खोकालीङज्‍यीक फुरगीन ओताते थोङसुङ। थेकी आउदी छेरा खाला “आबिई, आबिई, च्‍यि ज्‍यीबा लाङच्‍ये बात ईन्‍दाका आबिई। था दि तिरी बाँकी ओताते दूत सुमबोकी बिकुल फुत्‍जीन सा लुङबादु ओत्‍कान्‍ते मिओनला चुक ज्‍यीबा लाङच्‍या मेलेबा ओङोङा,” सिन ओतान।