छ्या स्‍ये च्‍युताते बात 14:4 - जिरेल

⁴ थेबेकी नोमुङ थे जन्‍तु छ्य्‌वापा लै खित्‍च्‍येते थेमे मेलेबा काम खित्‍च्‍येते माक्‍यासुङ। थेबाचेन कर्नेते फेम्‍मे फिजा च्‍योकराङ चङगेते ईन। लुई रीउ जता जता डुइदुक थेबा थे तिङ ङ्याला ख्‍याम्‍गीन देत्‍क्‍यो। मि नाङदुकी पापकी सजायदुकी टालाते होदिबाचेन परमेश्‍वरताङ लुई रीउला चढे खाबाते साम्‍बाते बाली च्‍योक्‍ते ईन।

छ्या स्‍ये च्‍युताते बात 14:4 Iomraidhean Croise

मत्ती 19:12

मिकी फाङमा मिक्‍किच्‍येते कारण खुदुक खुदुक ओङगो। च्‍यि सासीन कोईचेन केजीनमेईराङ फेम्‍मे मित्ताङ ङ्योम्‍बु देता मुथुप्‍च्‍या ओङगीन केबेकी खित्‍सादु थेबा फाङमा मिक्‍किता खाला देत्‍क्‍यो। कोईलाचेन गोमा सरसौंदोराङ ओत्‍सीनोङ तिरीकामा ज्‍येन मिकी फेम्‍मे मित्ताङ ङ्योम्‍बु देता मुथुप्‍च्‍या जोबेकी होथोक्‍तेबेकीङ फाङमाराङ मिक्‍किओ। तर कोईचेन जुनी खाङ स्‍वर्गे राज्‍य कामकामा खिता थुप्‍स्‍यीत सिनोङ फाङमा मिक्‍किता खाला देत्‍च्‍येते ईन। फाङमा मिक्‍किता खाला देत्‍च्‍येते बात थोक मिक्‍किता खाला देता थुप्‍कान्‍तेबे लाईदुकामा ईन,” सिन सिदुक।

मत्ती 25:1

परमेश्‍वर ओत्‍सादुई वाबाते मि ग्‍युरला ओङजीनचेन स्‍वर्गे राज्‍यदु दि कथाला साबा च्‍योकराङ ओङगो। चुक सासीन बाजिई ठाउँज्‍यीक्‍तु फाङमा खिते बेलाला खोपरोङ चलनला खिता फापा च्‍योकराङ खाईन कर्नेते फेम्‍मे फिजा च्‍युताम्‍बा खोपरोङ खोपरोङ बत्ती पारगीन खुरगीन बेउलाला ठेता खिताला गाल्‍दुक्‍लो।

मत्ती 8:19

थेमे थेजीनराङ थेरू धर्मे गुरूज्‍यीगी वाकीन “गुरू, ङाङ खुई चेला ओङला खो जता गाल्‍सीनोङ खोत्ताङराङ ख्‍याम्‍ग्‍यो,” सिन सिदुक।

यूहन्‍ना 10:27

ङा ङाराङ लुकओन लेमु खाला छ्या स्‍येक्‍यो। थेमे थेबेकीङ ङे ङोरो थोला ङे तिङ ङ्याला ख्‍याम्‍ग्‍यो।

यूहन्‍ना 12:26

ङाला थे खोरोङ मालिक ईन सिरकान्‍ते मिकीचेन ङे खाबा च्‍योकराङ खिता फाप्‍क्‍यो। थोक खानामेई ङा जहाँ देत्‍कीदुक थेङ ङात्ताङराङ देत्‍क्‍यो। ङे खि साबाच्‍योक खित्‍कान्‍ते मिलाचेन ङे आबेकी मान तेरग्‍यो।

यूहन्‍ना 13:37

थोक सिरजीन पत्रुसकी “प्रभु, खो डोसादु ङा थरिङराङ च्‍यिला खुई तिङ ङ्याला ड्वा मुथुप्‍ते? खुई लाईदु ङा ङाराङ ज्‍यानराङ तेरग्‍यो,” सिन सिदुक।

यूहन्‍ना 8:12

येशूकी लोईन मिओनताङ बात खिन “दि सा लुङबे मिओनला नाम्‍दाक तेरकान्‍ते स्‍वर्गे नाम्‍दाक ङाराङ ईन। ङे बात ङेन्‍ला ङे साबाच्‍योक खित्‍कान्‍ते सुङ नोमुङ मुन्‍दाकला ख्‍याम्‍बा माफाबो। थेकीचेन ङे छ्य्‌वापेकी जुनी ङेत्‍च्‍येते नाम्‍दाक ङेत्‍क्‍यो,” सिन सिदुक।

शक्ति काम 20:28

थोगी येशूला विश्‍वास खिता मोतोङा खाला था ख्‍योकोन खेराङोङ च्‍याङबो खाला देत। थेमे लेमु खाला तो सिन परमेश्‍वर आत्‍मेकी खेराङ जिम्‍माला बिन्‍दाते परमेश्‍वर मि गाङेते लेमु खाला हेर विचार खि। येशू ख्रीष्‍ट स्‍यिजीन थे जीउदुकी थेन्‍दाते ठागी थेकी थेबाला परमेश्‍वर मि ओङाला ङ्योबाते ईन सिन सम्‍झे खाला थेबाला लेमु खाला तो।

१ कोरिन्‍थी 16:15

थेमे अखैये लुङबादु ओताते मिओन नाङ गाङे भन्‍दा गोमा येशूला विश्‍वास खित्‍कान्‍ते स्‍तिफनासताङ थे खाम्‍बे मिओन ख्‍योकोनला छ्याराङ ओतासीन। थेबाचेन जहिलेङ परमेश्‍वर सन्‍तानओनला च्‍यि चुक दुका ताला थुपासम्‍म थेबाला लेमु खित्‍कान्‍ते मि ईन। आज्‍यो न्‍वावे, ङा ख्‍योकोनला च्‍यि सिन बिन्‍ती खिते सासीन

१ कोरिन्‍थी 6:20

थेकी ख्‍योकोनला आउदी काल्‍बेई मोल च्‍याल्‍गीन ङ्योबाते ईन। थोगी ख्‍योकोनगी काम बात जे खासीनोङ परमेश्‍वरला मन परे खित्‍च्‍येतेकामा खि। दोक खाला थेला मान खि।

१ कोरिन्‍थी 7:28

तर ख्‍योकोनगी फाङमा खासीन दि पाप खाबाते मेन। थोकराङ खाला फाङमा खाबा मेताते फेम्‍मे फिजेकी फाङमा खिताङ पाप मेन। ईन्‍सीनोङ फाङमा खानामेई ख्‍योकोनला काल्‍बेई दुक्‍पा ओङगो। ङाचेन ख्‍योकोन थोक्‍ते दुक्‍पाला माफाप्‍स्‍यीत सिन सेम खिओ।

२ कोरिन्‍थी 11:2

ख्‍योकोनला लेमु ओङस्‍यीत सिन परमेश्‍वरगी सधैँ तेइन देता च्‍योकराङ ङाङ ख्‍योकोनला चुक खासीन लेमु ओङगीका सिरच्‍ये छ्य्‌वापाकामा सेम खिओ। चुक सासीन थे मोरोङगी ङा खोत्ताङ फाङमा खिओ सिन साबाते मित्ताङ फाङमा खिता छोमुसाक थे फेम्‍मे फिजा कर्ने देताच्‍योक खाला ख्‍योकोनोङ ख्रीष्‍टताङकामा डिक्‍ला देत्‍स्‍यीत सिरच्‍येते ङेते आउदी सेम ओत।

एफिसी 1:14

ङुरूङगी परमेश्‍वर आत्‍मा ङेता ओतेकी परमेश्‍वरगी तिरी ङुरूङला तेरग्‍यो सिन साबा ओताते जति गाङे ङेत्‍क्‍यो सिन ङुरूङगी छ्या स्‍येक्‍यो। थेकी थे खोरोङ मि गाङेला पूरो खाला पापदुकी टाल्‍ला थे खोरोङताङ देत ज्‍युत्‍जीन थेकी ङुरूङला तेरग्‍यो सिन साबा ओताते जति गाङे ङुरूङगी ङेत्‍क्‍यो। थेकी खाबाते होदि गाङे काम ताला थे चुक अचम्‍ब खाला काम खित्‍कान्‍ते ईन्‍दे सिन ङुरूङगी थेते जय जय खिता थुप्‍स्‍यीत सिन परमेश्‍वरगी होदि गाङे काम खाबाते ईन।

एफिसी 5:27

दोस्‍यिककामा मेन, थेकी थोक खाबातेचेन ङेर्मा माच्‍युम्‍बाते, छ्याःङ खुना खोटी मेताते, ताजीनोङ आउदी लेमु थोङच्‍येते बेउली च्‍योकराङ थेबाला सेम खुदुक गालाते थेमे छ्याःङ गल्‍ती मेताते मि जोला थे खोरोङ दोन्‍दु देत ज्‍युता थुप्‍स्‍यीत सिनोङ ईन।

१ तिमोथी 4:3

थेबेकी मिओनला चुक चुक्‍ते बात लोप्‍कीते सासीन फाङमा खिता मेङगो, दि सा मेङगो थे सा मेङगो सिन लोप्‍क्‍यो। थेबेकी सा मेङगो साबाते सापतेबा गाङे मिओनगी सारस्‍यीत सिन परमेश्‍वरगीराङ जोबाते ईन। थोगी येशू ख्रीष्‍टला विश्‍वास खाला सत्‍यते बात ङेन्‍कान्‍ते मिओनगी खोपरोङ सापकी लाईदु परमेश्‍वरला धन्‍यवाद बिन्‍नामेई जुन सापोङ सोसीन ओङगो।

हिब्रू 12:23

येशू ख्रीष्‍ट मिओन ओङेकी छ्येते फुज्‍युङगी ङेत्‍च्‍येते हक ङेत्‍कान्‍ते मिओनोङ थेरूराङ ओत। स्‍वर्गदु थेबा गाङे मिन टिबा ओत। मि गाङेते न्‍याय खित्‍कान्‍ते परमेश्‍वर थेरूराङ ओत। परमेश्‍वरगी पूरो खाईन पापदुकी टाल्‍गीन थेकी खि साबा च्‍योकराङ खित्‍कान्‍ते स्‍यिइन सिन्‍दाते मिओनोङ थेरूराङ ओत।

याकूब 1:18

परमेश्‍वरगीराङ ङुरूङला सत्‍यते बात छ्या स्‍ये च्‍युत्‍कीन थे खोरोङ फुज्‍युङ फुमु जोसुङ। दोक खाईन थेकी थे खोरोङगी जोबाते गाङे नाङ ङुरूङलाचेन थेला चढे खाबाते साम्‍बाते बाली च्‍योक जोसुङ।

१ पत्रुस 2:9

बात दोक ईन्‍सीनोङ ख्‍योकोनलाचेन परमेश्‍वरगी थे खोरोङ मि ईन सिन छाने खाबा ओत। ख्‍योकोनचेन परमेश्‍वर पूजारी ईन, थेचेन गेल्‍बो ईन। ख्‍योकोन परमेश्‍वरला माने खित्‍कान्‍ते मि ईन। ख्‍योकोन परमेश्‍वर मिराङ ईन। थेकी ख्‍योकोनला पापताङ लोभदुकी टाल्‍ला थे खोरोङ नाम्‍दाकला देताला थे खोरोङ दोन्‍दु स्‍योक सिन काताङा ओत। थेकी खाबाते अचम्‍ब अचम्‍बतेन्‍दे कामगी बात ख्‍योकोनगी ज्‍येनलाङ सिरस्‍यीत सिन थेकी ख्‍योकोनला दोक खाबाते ईन।

छ्या स्‍ये च्‍युताते बात 17:14

थेबा गाङेराङ ङ्योम्‍बुराङ डिक्‍ला लुई रीउताङ लडाइँ खिओ। लडाइँ खित्‍जीन लुई रीउकी थेबाला ग्‍याल्‍ग्‍यो। च्‍यिला सासीन लुई रीउचेन गाङे छ्येतेबेतेङ छ्येते थेमे गेल्‍बोओनतेङ गेल्‍बो ईन। परमेश्‍वरगी थे खोरोङ दोन्‍दु स्‍योक सिन काताङाते मिओनचेन लुई रीउताङ ङ्योम्‍बु देत्‍क्‍यो। थेबाचेन परमेश्‍वरगी छाने खाबाते थेमे जस्‍तो ओङसीनोङ थेला विश्‍वास खिन देत्‍कान्‍ते मिओन ईन,” सिन सिदुक।

छ्या स्‍ये च्‍युताते बात 21:22

थेमे ङे थे सारगी नाङ परमेश्‍वर मन्‍दिर माथोङसुङ। च्‍यिला सासीन थे सारगी नाङ मन्‍दिरचेन गाङे भन्‍दा छ्येज्‍यीक शक्ति ओताते प्रभु परमेश्‍वर थेमे लुई रीउराङ ईन।

छ्या स्‍ये च्‍युताते बात 21:23

नाम्‍दाक ओङाला थेरू दागार ङीमा गोकीन मेतान। मिगी ताराङ मुथुप्‍च्‍या झिलिमिली नाम्‍दाकला देत्‍कान्‍ते परमेश्‍वर थेरू ओतेकी थे सारला नाम्‍दाक छ्याङे जोच्‍याक्‍वा। लुई रीउराङ थे सारदु नाम्‍दाक तेरकान्‍ते बत्ती दुका।

छ्या स्‍ये च्‍युताते बात 3:4

तर सार्डिसदु ख्‍योकोन नाङ लाला लालेकी खोपरोङ खोलाकला छ्याःङ दाग खो च्‍युता मिन्‍दुक। थेबा कार्मुते खोलाक खोन्‍ला ङात्ताङ ख्‍याम्‍बा सोई खित्‍कान्‍ते मि ईन।

छ्या स्‍ये च्‍युताते बात 5:9

थेमे थेबेकी “दि किताब लाला थे छापओन लोक्‍पा थुप्‍कान्‍ते खोकामा ईन। खोल्‍ला सेता ओतान। खोल्‍ला सेत्‍जीन खोरोङ जीउदुकी थेन्‍दाते ठागी खुई थर थरगीते, खुदुक खुदुक भाषेते, जात जातकीते थेमे लुङबा लुङबे मि नाङदुकी मिओनला परमेश्‍वर मि ओङाला ङ्योसुङ,