छ्या स्‍ये च्‍युताते बात 14:1 - जिरेल

¹ थेमे दि तिरी ताजीन ङे लुई रीउला सियोन बोमदु लाकीन देता ओता थोङसुङ। थेत्ताङ लाखज्‍यीकताङ हजार खाल ङिताङ स्‍यी मि ङ्योम्‍बु ओतान। थे मिओन टालालाचेन लुई रीउताङ थे आबे मिन टिबा ओतान।

छ्या स्‍ये च्‍युताते बात 14:1 Iomraidhean Croise

लूका 12:8

दि बात ङेन। ज्‍येनगी दोन्‍दु ङा येशूला विश्‍वास खित्‍कान्‍ते मि ईन सिन सिरकान्‍तेला परमेश्‍वर ओत्‍सादुई वाबाते मि ङाङ था तिरी परमेश्‍वर दूतओन दोन्‍दु दि ङे मि ईन सिन सिओ।

रोमी 9:33

होथे दोई बात खिन परमेश्‍वरगी थे खोरोङ बातला दोक सिन साबा ओतान। चुक सासीन “लो दि बात लेमु खाला ङेन। ङा सियोन सारदु दोज्‍यीक ज्‍य्‌वाक्‍यो। थे दोला मिओन नार्दोक देइओ। ङे थेरू ज्‍याक्‍पाते दोला मिओन ठोके खाला रिल्‍ग्‍यो। परमेश्‍वरगी सियोन सारदु ज्‍याक्‍पाते दो साबाते मिकीकामा ङुरूङला लेमु खिता थुप्‍क्‍यो सिन थेला विश्‍वास खित्‍कान्‍ते मिओनला थेकी नोमुङ ङोचा मोलोङो,” सिन साबा ओतान।

छ्या स्‍ये च्‍युताते बात 14:14

थेमे दि तिरी ताजीन ङे मुक्‍पा कार्मुज्‍यीक लाक परमेश्‍वर ओत्‍सादुई वाबाते मि च्‍योकस्‍यिक देता ओताते थोङसुङ। थेकी सेरगी श्रीपेज खोन्‍दा ओतान। थेमे लाःक्‍तुचेन आउदी नोम्‍बोज्‍यीक स्‍वारेक खुरा ओतान।

छ्या स्‍ये च्‍युताते बात 14:3

थेमे थे मिओनचेन परमेश्‍वर सिंहासन, थे ङेपाक ओताते थरी स्‍यीबो थेमे थे मेरा खालज्‍यीकताङ स्‍यीबो छ्ये छ्येतेबे दोन्‍दु देत्‍ला गोमा नोमुङ मालाबाते साम्‍बाते लुज्‍यीक लिन्‍गीन ओतान। दि सा लुङबे मिओन नाङदुकी परमेश्‍वरगी पापकी सजायदुकी टालाते होथेबेकी बाई दि लु ज्‍येन सुङगीङ लिन्‍दा थुप्‍कीन मेतान।

छ्या स्‍ये च्‍युताते बात 15:5

थेमे दि तिरी ताजीन ङे स्‍वर्गने ओताते परमेश्‍वर मन्‍दिर गो फेता थोङसुङ। दिचेन ङे च्‍यि थोङा ओताने सासीन थाङबो परमेश्‍वर इस्राएलीओनताङ ङ्योम्‍बु ओत सिन सिराला जोबाते पालगी गो फेता थोङा ओतान।

छ्या स्‍ये च्‍युताते बात 22:4

थेबा गाङेकी परमेश्‍वर छ्येत थोङगो। थेमे थेबा गाङे टालाला परमेश्‍वर मिन टिबा ओङगो।

छ्या स्‍ये च्‍युताते बात 3:12

शैतान शक्तिला ग्‍याल्‍कान्‍ते मिला ङा ङे परमेश्‍वर मन्‍दिरदु थाम जोला ज्‍य्‌वाक्‍यो। थेमे थे सधैँ थेरूराङ देत्‍क्‍यो। थे मि लाक्‍तु ङा ङे परमेश्‍वर मिन टिइओ। थोकराङ खाला ङा स्‍वर्गनेकी ङे परमेश्‍वर छ्य्‌वापेई ओङच्‍येते परमेश्‍वर सार साम्‍बाते यरूशलेम मिनताङ ङाराङ साम्‍बाते मिनोङ थे मि लाक्‍तु टिइओ।

छ्या स्‍ये च्‍युताते बात 4:1

थेमे दि तिरी ताजीन ङे स्‍वर्गे गो फेता ओताते थोङसुङ। थेमे गोमा ङाराङताङ बात खित्‍कान्‍तेकी बिकुल ङोरो च्‍योकराङ खाईन याङराङ ङाला दोक सिन बात खाबाते ङे थोसुङ। थेकी ङाला “लो देने स्‍योक। था ङा खोल्‍ला दि तिरी ओङा फाप्‍च्‍येते बातओन तेन्‍दामीन,” सिन सिदुक।

छ्या स्‍ये च्‍युताते बात 6:8

थेमे ताजीन कार्बो स्‍योरेज्‍यीक घोडा थेरू ओङा ङे थोङसुङ। थे घोडे लाक जेक्‍कान्‍ते मिनचेन स्‍यिच्‍येते काल ओतान। स्‍याप्‍ते मिओन देत्‍च्‍येते ठाउँचेन थे तिरी तिरी ओतान। दि सा लुङबा खाङ कोईला अनिकाल लाङला, कोईला तरवारगी तुप्‍ला, कोईला मेलेबा मेलेबा रोग खो च्‍युत्‍ला, कोईला री रीदाक लै खाला दि सा लुङबा खाङ ओताते बो स्‍यी मि नाङ बोज्‍यीकला सेत सिन कालताङ स्‍याप्‍ते मिओन देत्‍च्‍येते ठाउँला अधिकार बिन्‍दा ओतान।