छ्या स्‍ये च्‍युताते बात 13:6 - जिरेल

⁶ थोगी थेकी परमेश्‍वर विरोध खिताला स्‍यूसुङ। थेकी परमेश्‍वर मिन तेन्‍गीन थे देत्‍च्‍येते ठाउँला थेमे स्‍वर्गने देत्‍कान्‍तेबा गाङेला मोताला स्‍यूसुङ।

छ्या स्‍ये च्‍युताते बात 13:6 Iomraidhean Croise

मत्ती 12:34

छ्यि ख्‍योकोन ङोचा क्‍ये मेतातेबा, सेमला लेमु मेत्‍कीन मेत्‍कीन ख्‍योकोनगी चुक खाला लेमुते बात खिता थुप्‍कीका? मिकीनी दाक्‍पोन सेमदु जे दुक खालाङ थेराङ देन्‍ग्‍यो।

मत्ती 15:19

च्‍यिला सासीन मि सेम मेलेबा ओतेकीराङ मिकी मेलेबा मेलेबा विचार खित्‍च्‍येते, मि सेत्‍च्‍येते, मि ख्‍यावा फेम्‍मेताङ ङ्याल्‍च्‍येते, रन्‍डीबाजी खित्‍च्‍येते, कुच्‍येते, मेन्‍दे बातला ज्‍येनला दोष लै खित्‍च्‍येते थेमे ज्‍येनला मोत्‍च्‍येते ईन।

यूहन्‍ना 1:14

थे बात सिरातेचेन मि जुनी लाकीन केकीन ङ्योकोनताङराङ देता ओतान। थोक खाला ङ्योम्‍बुराङ देत्‍जीन परमेश्‍वर आउदी खाला दया खित्‍कान्‍ते ईन, थे सत्‍यते ईन सिन थेकी ङ्योकोनला लेमु खाईन तेन्‍गीन बिन्‍दा ओतान। थेला आबातेकी देमा ताङा ओतान। थेते दोक्‍पोईकामा ओताते फुज्‍युङ ईन्‍देकी थेत्ताङ छ्येज्‍यीक शक्ति ओताते ङ्योकोनगी थोङा ङेत्‍सुङ।

रोमी 3:13

थेबे खानामेई खालि मेलेबाते बोलीकामा थेन्‍ग्‍यो। थेबेकी ज्‍येनला छक्‍के खिताला ढाँरकामा खिओ। थेबेकी मिला खालि मेलेबाकामा सिओ। थोक खाबाते विष ओताते रूलगी त्‍वाबा च्‍योकराङ ईन।

कलस्‍सी 1:19

च्‍यिला सासीन थे खोरोङ जस्‍तो ईन फुज्‍युङोङ होथोकराङ ओङाते थेला लेमु लाबा ओतान। थे खोरोङगी दोक खिता चालेकीराङ थोक ओङाते ईन।

कलस्‍सी 2:9

परमेश्‍वर जस्‍तो ईन ख्रीष्‍टोङ होथोकराङ ईन, मि जुनी लाबा ओत्‍सीनोङ ख्रीष्‍टताङ परमेश्‍वरला छ्याःङ फरक मेत।

हिब्रू 9:2

थे पालला ठाउँ ङिदु पर्देकी क्‍योरगीन कोठा ङि जोबा ओतान। गोमे कोठे नाङ बत्ती पारला ज्‍य्‌वाच्‍येते सामदान सिराते थेमे स्‍योबेन चढे खित्‍च्‍येते टेबल ओतान। दि कोठालाचेन परमेश्‍वरला चढे खित्‍च्‍येतेबा चढे खित्‍च्‍येते चङगेते ठाउँ सिन ओतान।

हिब्रू 9:24

च्‍यिला सासीन ख्रीष्‍ट गाल्‍गीन स्‍यूबाते ठाउँचेन स्‍वर्गने ओतातेते नक्‍कल खाईन परमेश्‍वर देताला सिन मिओनगी जोबाते पाल च्‍योक्‍ते मेन। ख्रीष्‍टनी स्‍वर्गने परमेश्‍वर दोन्‍दुराङ गाला ओत। थे दोन्‍दुराङ देत्‍ला थरिङोला थेकी ङुरूङ लाईदु परमेश्‍वरताङ बात खिओ।

छ्या स्‍ये च्‍युताते बात 11:12

थेमे स्‍वर्गनेई आउदी कस्‍स्‍ये खाईन “देने स्‍योक,” सिन साबाते थेबा ङिबोकी थोसुङ। थेमे थेबा ङिकाराङ मुक्‍पे नाङ खाईन दाक स्‍वर्गने गाल्‍सुङ। थोक ओङाते थेबे शत्रु गाङेकी थोङसुङ।

छ्या स्‍ये च्‍युताते बात 12:12

थोगी था स्‍वर्गदु ओतातेबरी गाङेराङ आउदी खाला गा खि। तर सा लुङबाताङ समुन्‍द्रदु ओताते जति गाङेलाचेन ज्‍यीबा लाङच्‍ये बात ईन। च्‍यिला सासीन थे खोरोङगी जेसुकै खिता ङेत्‍च्‍येते समय था टिक्‍पीस्‍यिककामा ओत सिन छ्या स्‍येकीन शैतान आउदी खोक्‍पो खाईन स्‍येदाङ खाईन ख्‍योकोन ओत्‍सामा गाला ओत,” सिन ओतान।

छ्या स्‍ये च्‍युताते बात 15:5

थेमे दि तिरी ताजीन ङे स्‍वर्गने ओताते परमेश्‍वर मन्‍दिर गो फेता थोङसुङ। दिचेन ङे च्‍यि थोङा ओताने सासीन थाङबो परमेश्‍वर इस्राएलीओनताङ ङ्योम्‍बु ओत सिन सिराला जोबाते पालगी गो फेता थोङा ओतान।

छ्या स्‍ये च्‍युताते बात 18:20

“था स्‍वर्गने ओत्‍कान्‍तेबा गाङेराङ, परमेश्‍वर सन्‍तानओन, येशू ख्रीष्‍टकी खटे खाबाते मिओन थेमे परमेश्‍वर बात खित्‍कान्‍तेबा ख्‍योकोन गाङेराङ थे सार थोक खाईन छिगीन गाला थोङजीन गा खि। च्‍यिला सासीन थेकी ख्‍योकोनला मेलेबा खाबेकीराङ परमेश्‍वरगी थेला थोक छ्येज्‍यीक सजाय बिन्‍सुङ।”

छ्या स्‍ये च्‍युताते बात 21:3

थेमे सिंहासनदुकी आउदी कस्‍स्‍ये खाईन “थानामेईचेन सधैँ लाईदु परमेश्‍वर थे खोरोङ मिओनताङ देत्‍क्‍यो। थेमे थेबा परमेश्‍वर मि ओङगो। परमेश्‍वर थेबाताङ ङ्योम्‍बु देत्‍ला थेचेन थेबे परमेश्‍वर ओङगो।

छ्या स्‍ये च्‍युताते बात 4:1

थेमे दि तिरी ताजीन ङे स्‍वर्गे गो फेता ओताते थोङसुङ। थेमे गोमा ङाराङताङ बात खित्‍कान्‍तेकी बिकुल ङोरो च्‍योकराङ खाईन याङराङ ङाला दोक सिन बात खाबाते ङे थोसुङ। थेकी ङाला “लो देने स्‍योक। था ङा खोल्‍ला दि तिरी ओङा फाप्‍च्‍येते बातओन तेन्‍दामीन,” सिन सिदुक।

छ्या स्‍ये च्‍युताते बात 4:4

थेमे थे सिंहासन फेरोला खालज्‍यीकताङ स्‍यी ज्‍येनोङ सिंहासन ओतान। थे ज्‍येन ज्‍येन सिंहासन लाक्‍तुचेन मेरा खालज्‍यीकताङ स्‍यी छ्ये छ्येतेबा देता ओतान। थेबेकी खोलाक कार्मुतेन्‍दे थेमे सेरगी श्रीपेज खोन्‍दा ओतान।

छ्या स्‍ये च्‍युताते बात 5:13

लोईन ङे स्‍वर्गने ओतातेबरी, सा लुङबादु ओतातेबरी, स्‍यिइन सिन्‍दाते मिओन थेमे समुन्‍द्रे नाङ गाङेपा ओताते ङेपाक ओताते जति गाङेकी दोक सिन लु लाबाते थोसुङ। थेबाचेन “सिंहासन लाक्‍तु देत्‍कान्‍ते थेमे लुई रीउला ङ्योकोन छ्ये जोला मान खिन देत्‍क्‍यो। थेबेते सधैँभरि जय जय ओङस्‍यीत। थेबा ङिबोकी गाङेपा गाङेला राज्‍य खिनराङ देत्‍स्‍यीत,” सिन लु लिन्‍गीन ओतान।

छ्या स्‍ये च्‍युताते बात 7:15

थोगीराङ दिबा ङीन नुप परमेश्‍वर मन्‍दिर नाङ परमेश्‍वर सिंहासन दोन्‍दु देत्‍ला थेला छ्ये जोइनराङ देत्‍कीदुक। सिंहासन लाक देत्‍कान्‍ते थेबाताङ ङ्योम्‍बुराङ देत्‍ला थेकी थेबाला लेमु खाला तेइओ।

छ्या स्‍ये च्‍युताते बात 7:9

थेमे दि तिरी ताजीन ङे थे सिंहासनताङ थे लुई रीउ दोन्‍दु ङोला ङ्वा मुथुप्‍च्‍या मुन्‍तीसरी मि थोङसुङ। थेबेकी खोलाक कार्मुतेन्‍दे खोन्‍दा ओतान। थेमे लाःक्‍तु खजूर दोङबो हाँगा खुरा ओतान। दिबाचेन लुङबा लुङबेते, थर थरगीते, जात जातकीते थेमे खुदुक खुदुक भाषे मि ओतान।