छ्या स्‍ये च्‍युताते बात 13:2 - जिरेल

² थे जन्‍तु दोक ताजीन चितुवा च्‍योकस्‍यिक ओतान। थेते ठेक्‍पा थोमगीते च्‍योक्‍तेन्‍दे थेमे खाचेन सिंहेते च्‍योक खाबाई ओतान। थे डुगी थे खोरोङ अधिकार जति थे जन्‍तुला बिन्‍गीन थे खोरोङ सिंहासन लाक्‍तु देत च्‍युत्‍सुङ। दोक खाईन थे डुगी थे जन्‍तुला राज्‍य खित च्‍युत्‍सुङ।

छ्या स्‍ये च्‍युताते बात 13:2 Iomraidhean Croise

२ तिमोथी 4:17

दोक दोक ओङजीनोङ प्रभु येशू ख्रीष्‍टचेन ङात्ताङ ङ्योम्‍बुराङ देत्‍कीन थेकी ङाला शक्ति बिन्‍सुङ। थोगी ङे ज्‍येन ज्‍येन जातकी मि गाङेकी थोस्‍यीत सिन गा लाङच्‍येते बात लेमु खाईन लाप्‍कीन बिन्‍दाप। दोस्‍यिककामा मेन, थेकी ङाला सिंहे खादुकीङ जोए खासुङ।

१ पत्रुस 5:8

थेमे दाक्‍पोन सेम काबूला स्‍योक। खेराङला मेलेबा खिता छोल्‍कान्‍ते शैतानगी छ्याःङ मेलेबा खिता मुथुप्‍स्‍यीत सिन च्‍याङबो खाला देत। थेचेन जहिलेङ ख्‍योकोन सुला थेप्‍ला ङ्ये ज्‍युता ङेदोङा सिन जे थेप्‍कीदुक खाप खाप्‍ला साप सिन ङारगीन ख्‍याम्‍बाते सिंह च्‍योक खाला युगीनराङ देत्‍क्‍यो।

छ्या स्‍ये च्‍युताते बात 12:13

थेमे थे डुगी थे खोरोङला स्‍वर्गनेकी पृथ्‍वीमा युकीन क्‍युरसुङ सिन छ्या स्‍येकीन थे ख्‍योओ फिजा केकान्‍ते फिजे आमाला दुक्‍पा तेराप सिन उराला स्‍यूसुङ।

छ्या स्‍ये च्‍युताते बात 12:15

थेमे थे फेम्‍मे मिला उरला खेरस्‍यीत सिन थे रूलगी खानामेकी ज्‍यीबा लाङच्‍याई छ्युई भल तेन्‍सुङ।

छ्या स्‍ये च्‍युताते बात 12:9

दोक खाईन थे जोदाते डुकला स्‍वर्गनेकी पृथ्‍वीमा ङिल्‍गीन ताङसुङ। थेचेन गोमामेई ओताते रूल ईन। थे मिन शैतान दैंता ईन। खालि मेलेबा कामकामा खाला सा लुङबा खाङगी मिला छक्‍के खित्‍कान्‍ते थेराङ ईन। थेत्ताङ थे दूत गाङेला स्‍वर्गनेकी पृथ्‍वीमा युकीन क्‍युरसुङ।

छ्या स्‍ये च्‍युताते बात 13:12

दि जन्‍तुकीचेन गोमा समुन्‍द्रे नाङदुकी थेन्‍दाते जन्‍तु छ्य्‌वापेई अधिकार ङेत्‍सुङ। अधिकार ङेत्‍नामेई दि जन्‍तुकी दि सा लुङबा खाङगी मिला गोमा समुन्‍द्रदुकी थेन्‍गीन वाबाते गोःला स्‍यिच्‍याराङ खाईन मा थोत्‍कीन ठाक्‍पाते जन्‍तुला मान खाला छ्ये जोर च्‍युत्‍सुङ।

छ्या स्‍ये च्‍युताते बात 13:4

थे डुगी थे खोरोङ अधिकार जति गाङे थे जन्‍तुला बिन्‍गीन राज्‍य खित च्‍युतेकी खित्‍सादु मिओनगी थे डुकला मान खिन छ्ये जोसुङ। थे मिओनगी “दि छेत छ्येते सु ओते? थेमे सुई दिला जीला ग्‍याला थुप्‍कीते?” सिन थे जन्‍तुलाङ मान खाईन छ्ये जोसुङ।

छ्या स्‍ये च्‍युताते बात 16:10

पालो ङे बाजि दूतकीचेन थे खोरोङगी खुराते कचौरा थे जन्‍तु सिंहासन लाकनामाराङ पुसुङ। थेमे थे जन्‍तु राज्‍य खाङ गाङेपा मुन्‍दाक जिङी गाल्‍सुङ। मिबरीचेन खपे खिता मुथुप्‍च्‍या दुक्‍पेकी खित्‍सादु सा थाक्‍पाला स्‍यूसुङ।

छ्या स्‍ये च्‍युताते बात 17:12

थेमे खुई थोङाते रोज्‍यो च्‍युताम्‍बे अर्थचेन गेल्‍बो च्‍युताम्‍बा ईन। थेबेकी थोरूमसाक राज्‍य ङेता मेत। थेबा गाङेकी रकस्‍यिक रकस्‍यिककामा थे जन्‍तुताङ गेल्‍बो ओङला राज्‍य खिता ङेत्‍क्‍यो।

छ्या स्‍ये च्‍युताते बात 19:20

तर थे जन्‍तुताङ थे छ्य्‌वापेकी आउदी अचम्‍बतेन्‍दे काम खाला तेन्‍कान्‍ते जन्‍तु ङिकारला जुम्‍गीन ठासुङ। थे ज्‍येनते जन्‍तुचेन डुगी सिर च्‍युताते बात खित्‍कान्‍ते ईन। अचम्‍बतेन्‍दे काम खाईनराङ थे जन्‍तुकी थे गोमे जन्‍तु मिनगी छाप देक ज्‍युत्‍कान्‍ते मिओनताङ थे मूर्तिला माने खित्‍कान्‍तेबाला छक्‍के खाबा ओतान। जुम्‍गीन ठानामेई थेबा ङिकारला सोम्‍बोराङ गन्‍धकताङ मे बाराते ज्‍यीबा लाङच्‍याज्‍यीक मे धुनीमा क्‍युरसुङ।

छ्या स्‍ये च्‍युताते बात 2:13

च्‍यि सासीन ख्‍योकोनचेन शैतान सिंहासन ओताते सारदु देता ओत सिन ङाला छ्या ओत। दोक ईन्‍सीनोङ ख्‍योकोनगी ङाला माताङसुङ, ङाला विश्‍वास खिनराङ देत्‍सुङ। ङा सु ईन्‍दे, ङे च्‍यि खिते सिन सिनराङ देत्‍कान्‍ते एन्‍टिपासला थे सारदुराङ सेत्‍जीनोङ ख्‍योकोनगी ङाला विश्‍वास खिता माताङसुङ।

छ्या स्‍ये च्‍युताते बात 20:2

थेमे थेकी थे डुकला जुम्‍गीन च्‍याकीन लो हजारज्‍यीकसाक छ्याःङ खिता मुथुप्‍स्‍यीत सिन साङलोकी ठासुङ। थे डुकचेन गोमामेई मिओनला छक्‍के खित्‍कान्‍ते रूल ईन। थे शैतान दैंता ईन।