छ्या स्ये च्युताते बात 13:16 - जिरेल16 थोक ओङनामेई थेकी छ्ये टेक्टे, धनी गरीब, मालिकतेबा ईन्स्यीत योक्पो योङमु ईन्स्यीत, जोराङ ईन्सीनोङ मि गाङेला कि सामे लाक्पाला कि टाले लाक छाप देक च्युत्सुङ। Faic an caibideil |
छ्या स्ये च्युताते बात 13:16
26 Iomraidhean Croise
थेकी दोक लेमु खिन ओताते मि नाङ ग्रीक ईन्स्यीत कि यहूदी ईन्स्यीत, जीउला खतकी चिनु जोबाते मि ईन्स्यीत कि थे चिनु माजोबाते मि ईन्स्यीत, ज्येन ज्येन लुङबे मि ईन्स्यीत कि सिथिया सिराते मिओन ईन्स्यीत, योक्पो योङमु ईन्स्यीत कि ज्येन ईन्स्यीत गाङे थोजोराङ ईन। सु च्यि जातकीते ईन्दे, सु छ्ये टेक्टे ईन्दे सिरच्येते बात ओङा मेङगो। ख्रीष्टकामा छ्ये ईन। थे खोरोङ मि गाङे सेमगी नाङ थेराङ देत्क्यो।
होथोक्ते फेम्मे मिओनला लुला खोपरोङ छ्य्वापा लै खित ज्युत्कान्ते मिओनचेन यान्नेसताङ याम्ब्रेस च्योक्तेबा ईन। थाङबो होथेबा ङिबोकी मोशे बात माङेन्दा च्योकराङ होदिबेकीङ सत्यते बात मेङेनो। थेबा सेम लेमु ओताते मि मेन। थेबेकी खोपरोङ येशूला विश्वास खित्कान्ते मि ईन सासीनोङ परमेश्वरगी थेबा थोक्ते मि मेन सिओ।
लुङबा लुङबे मि खोत्ताङ स्येदाङ खासुङ। थाचेन खुई स्येदाङगी चूर गाल्ला सजाय तेरच्येते थेमे स्याप्ते मिओन न्याय खित्च्येते बेला लेप्सुङ। था परमेश्वर खुई काम खिन खोरोङ बात खित्कान्ते मिओन, खोरोङ सन्तान थेमे ज्येनोङ खोल्ला मान खित्कान्ते छ्ये टेक्टे मि गाङेला खोरोङगी तेरच्येते इनाम तेरच्ये बेला लेप्सुङ। थेमे दि सा लुङबाला मेलेबा जोला नाश तोङकान्ते मिओनला सजाय बिन्ला सेत्च्ये बेलाङ लेप्सुङ,” सिन सासुङ।
थे दूतओनला थोङनामेई लोक्ला ङे मे ज्वाला स्येबाज्यीक सिसा च्योकराङ टल्के खित्च्याज्यीक समुन्द्र च्योकस्यिक थोङसुङ। थेमे ङे थे समुन्द्रे छेउदुराङ लाकीन देताते मिओन थोङसुङ। थेबाचेन होथे जन्तुला ग्याल्गीन वाबा ओतान। थेबेई नोमुङ थे जन्तुताङ थे मूर्तिला माने माक्याकीन थेमे थे मि ईन सिन थे मिनगी नम्बर छाप देक माच्युत्कीन थे जन्तुताङ थे मूर्तिला ग्याला थुपा ओतान। थेबेकी परमेश्वरगी बिन्दाते वीणा सिराते बाजाओन लाःक्तु खुरा ओतान।
तर थे जन्तुताङ थे छ्य्वापेकी आउदी अचम्बतेन्दे काम खाला तेन्कान्ते जन्तु ङिकारला जुम्गीन ठासुङ। थे ज्येनते जन्तुचेन डुगी सिर च्युताते बात खित्कान्ते ईन। अचम्बतेन्दे काम खाईनराङ थे जन्तुकी थे गोमे जन्तु मिनगी छाप देक ज्युत्कान्ते मिओनताङ थे मूर्तिला माने खित्कान्तेबाला छक्के खाबा ओतान। जुम्गीन ठानामेई थेबा ङिकारला सोम्बोराङ गन्धकताङ मे बाराते ज्यीबा लाङच्याज्यीक मे धुनीमा क्युरसुङ।
थेमे ङे छ्ये टेक्टे स्याप्ते मिबरी गाङेला थे सिंहासन दोन्दु लाकीन देता ओताते थोङसुङ। थेरू किताबओन खोले खासुङ। थे तिरी ज्येनज्यीक किताब खोले खासुङ। दि तिरी किताबचेन नोमुङ मिसिन्च्येते जुनी ङेत्कान्ते मिओन मिन टिबाते किताब ओतान। मिओनगी खोपरोङ जुनी खाङ खाबाते लेमु मेलेबा गाङे काम थे किताबओनला टिबा ओतान। थेबेकी खाबाते काम ताकीनराङ थेबा गाङेते न्याय खासुङ।
थेमे दि तिरी ङे सिंहासनतेबा थेमे थे लाक्तु देत्कान्तेबाला थोङसुङ। थेबालाचेन न्याय खित्च्येते अधिकार बिन्दा ओतान। लोक्ला ङे येशू सु ईन्दे, थेकी च्यि खिते सिन ज्येनला लापेकी थेमे ज्येनला परमेश्वर बात लापेकी खित्सादु गोः तुप्कीन सेताते मिओन आत्मा थोङसुङ। थेबेकी थे जन्तु थेमे थे मूर्तिला माने खाबा मेतान। थेमे खोपरोङ टालाला कि सामे लाक्पाला थे जन्तु मिनगी छाप देक च्युता मेतान। थेबा गाङेराङ दाक सोम्बो लोक्सुङ। थेमे लो हजारज्यीकसाक ख्रीष्टताङ ङ्योम्बुराङ राज्य खासुङ।
Sanasan