छ्या स्ये च्युताते बात 13:15 - जिरेल15 थे मूर्ति जोनामेई थेला ङेपाक लुच्येते शक्ति होदि तिरी जन्तुला बिन्दा ओतान। थेकी ङेपाक लुक्नामेई थे गोमे जन्तु मूर्तिकी बात खिताला स्यूसुङ। थेमे थे खोरोङला मान खाला छ्ये मोजोओ सिरकान गाङेला सेत च्युत्सुङ। Faic an caibideil |
छ्या स्ये च्युताते बात 13:15
25 Iomraidhean Croise
थे गोमे जन्तुला छ्ये ज्वाप्ला दोक्ते अचम्बते काम खाला तेन्च्येते शक्ति बिन्दा ओतेकी दि सादुकी थेन्दाते जन्तुकी होथोक्ते काम खाईन सा लुङबे मि गाङेला छक्के खासुङ। थेकी मि गाङेला होथे गोमे जन्तुला मान खिता फाप्क्यो सिन थे जन्तु मूर्ति जोर च्युत्सुङ। थे जन्तुचेन स्यिच्या खाईन तरवारगी तुप्कीन मा थोता ओत्सीनोङ सोन्दा ओतान।
थेबा गाङेराङ ङ्योम्बुराङ डिक्ला लुई रीउताङ लडाइँ खिओ। लडाइँ खित्जीन लुई रीउकी थेबाला ग्याल्ग्यो। च्यिला सासीन लुई रीउचेन गाङे छ्येतेबेतेङ छ्येते थेमे गेल्बोओनतेङ गेल्बो ईन। परमेश्वरगी थे खोरोङ दोन्दु स्योक सिन काताङाते मिओनचेन लुई रीउताङ ङ्योम्बु देत्क्यो। थेबाचेन परमेश्वरगी छाने खाबाते थेमे जस्तो ओङसीनोङ थेला विश्वास खिन देत्कान्ते मिओन ईन,” सिन सिदुक।
तर थे जन्तुताङ थे छ्य्वापेकी आउदी अचम्बतेन्दे काम खाला तेन्कान्ते जन्तु ङिकारला जुम्गीन ठासुङ। थे ज्येनते जन्तुचेन डुगी सिर च्युताते बात खित्कान्ते ईन। अचम्बतेन्दे काम खाईनराङ थे जन्तुकी थे गोमे जन्तु मिनगी छाप देक ज्युत्कान्ते मिओनताङ थे मूर्तिला माने खित्कान्तेबाला छक्के खाबा ओतान। जुम्गीन ठानामेई थेबा ङिकारला सोम्बोराङ गन्धकताङ मे बाराते ज्यीबा लाङच्याज्यीक मे धुनीमा क्युरसुङ।
थेमे दि तिरी ङे सिंहासनतेबा थेमे थे लाक्तु देत्कान्तेबाला थोङसुङ। थेबालाचेन न्याय खित्च्येते अधिकार बिन्दा ओतान। लोक्ला ङे येशू सु ईन्दे, थेकी च्यि खिते सिन ज्येनला लापेकी थेमे ज्येनला परमेश्वर बात लापेकी खित्सादु गोः तुप्कीन सेताते मिओन आत्मा थोङसुङ। थेबेकी थे जन्तु थेमे थे मूर्तिला माने खाबा मेतान। थेमे खोपरोङ टालाला कि सामे लाक्पाला थे जन्तु मिनगी छाप देक च्युता मेतान। थेबा गाङेराङ दाक सोम्बो लोक्सुङ। थेमे लो हजारज्यीकसाक ख्रीष्टताङ ङ्योम्बुराङ राज्य खासुङ।
Sanasan