छ्या स्‍ये च्‍युताते बात 13:10 - जिरेल

¹⁰ चुक सासीन परमेश्‍वर सन्‍तान नाङ सुइँदा जेलला ड्वा फाप्‍च्‍या ओत्‍सीन थे पक्‍काराङ जेलला डुइओ। थेमे तरवारगी तुप्‍ला सेत्‍च्‍या दुक सासीन थेला तरवारगीराङ तुप्‍ला सेत्‍क्‍यो। दोक ओङसीनोङ परमेश्‍वर सन्‍तानओनगी सेम मेसेता खाला दुक्‍पा खपे खिन देता फाप्‍क्‍यो, येशूला विश्‍वास खिन देता तोङा मेङगो।

छ्या स्‍ये च्‍युताते बात 13:10 Iomraidhean Croise

मत्ती 26:52

थोक खित्‍जीन येशूकी थेला “खो दोक खाला तरवार चले माकेत, थे स्‍योक। च्‍यिला सासीन तरवार चले खित्‍कान्‍ते मिओनला तरवारगीराङ तुप्‍ला सेत्‍क्‍यो।

मत्ती 7:2

च्‍यिला सासीन ख्‍योकोनगी ज्‍येनला फलाना दोक्‍ते थे थोक्‍ते सिन सासीन परमेश्‍वरगी ख्‍योकोनोङ होथोक्‍तेराङ ईन सिन साला ख्‍योकोन दोषी ईन सिन सिओ। ज्‍येनला ख्‍योकोनगी जस्‍तो खिदुक परमेश्‍वरगीङ ख्‍योकोनला उस्‍तोराङ खिओ।

लूका 21:19

थोक थोक दुक्‍पा ओङजीनोङ सेम मेसेता खाईन ङाला विश्‍वास खिन देत्‍सीन ख्‍योकोनगी नोमुङ मिसिन्‍च्‍येते जुनी ङेत्‍क्‍यो।

कलस्‍सी 1:11

दोस्‍यिककामा मेन, जस्‍तो ओङसीनोङ सेम मेसेता खाला गा खिन जस्‍तो दुक्‍पाङ खपे खिन देताला परमेश्‍वरगी ख्‍योकोनला थे खोरोङ छ्येज्‍यीक शक्ति तेरस्‍यीत

हिब्रू 6:12

थोगी ख्‍योकोनगीङ अल्‍छी मिक्‍किता खाला चुक खिसे सासीन परमेश्‍वरला विश्‍वास खिन जस्‍तो ओङसीनोङ सेम मेसेता खाला देत्‍कान्‍ते मिओनला ताला होथेबेकी खाबा च्‍योकराङ खि। होथोक खित्‍कान्‍ते मिओनगीचेन परमेश्‍वरगी तेरग्‍यो सिन जमान खाबाते गाङे ङेत्‍क्‍यो।

छ्या स्‍ये च्‍युताते बात 1:9

ङा ख्‍योकोन आज्‍यो यूहन्‍नाङ ख्‍योकोन च्‍योकराङ येशूताङ जीउज्‍यीकराङ ओङाते मि ईन। थोगी ङेङ ख्‍योकोनगी च्‍योकराङ खाईन दुक्‍पा ङेता ओत। थेमे ङाङ परमेश्‍वर राज्‍यदु ख्‍योकोनताङ ङ्योम्‍बुराङ देता ङेत्‍क्‍यो। जस्‍तो दुक्‍पा ङेत्‍सीनोङ ङाङ ख्‍योकोन च्‍योकराङ खपे खाईन देता ओत। ज्‍येनला परमेश्‍वर बात लापेकी थेमे येशू ख्रीष्‍ट सु ईन्‍दे, थेकी च्‍यि खिते सिन लापेकी खित्‍सादु ङाला समुन्‍द्रे किल्‍दु ओताते पत्‍मोस लुङबापा उरगीन ताङा ओतान।

छ्या स्‍ये च्‍युताते बात 11:18

लुङबा लुङबे मि खोत्ताङ स्‍येदाङ खासुङ। थाचेन खुई स्‍येदाङगी चूर गाल्‍ला सजाय तेरच्‍येते थेमे स्‍याप्‍ते मिओन न्‍याय खित्‍च्‍येते बेला लेप्‍सुङ। था परमेश्‍वर खुई काम खिन खोरोङ बात खित्‍कान्‍ते मिओन, खोरोङ सन्‍तान थेमे ज्‍येनोङ खोल्‍ला मान खित्‍कान्‍ते छ्ये टेक्‍टे मि गाङेला खोरोङगी तेरच्‍येते इनाम तेरच्‍ये बेला लेप्‍सुङ। थेमे दि सा लुङबाला मेलेबा जोला नाश तोङकान्‍ते मिओनला सजाय बिन्‍ला सेत्‍च्‍ये बेलाङ लेप्‍सुङ,” सिन सासुङ।

छ्या स्‍ये च्‍युताते बात 14:12

परमेश्‍वरगी कोताते खिन येशूला विश्‍वास खिन देत्‍कान्‍ते परमेश्‍वर सन्‍तानओनगी जस्‍तो दुक्‍पा ओङसीनोङ सेम मेसेता खाला थोक्‍ते दुक्‍पा खपे खिन देता फाप्‍क्‍यो।

छ्या स्‍ये च्‍युताते बात 16:6

च्‍यिला सासीन थेबेकी खोरोङ सन्‍तान थेमे खोरोङ बात खित्‍कान्‍ते मिओनला सेतेकी खुई थेबाला ठाकराङ थुङा बिन्‍सुङ। थेबेकी खोपरोङगी ङेता फाप्‍च्‍येते सजायराङ ङेत्‍सुङ,” सिन साबाते ङे थोसुङ।

छ्या स्‍ये च्‍युताते बात 17:11

थेमे थे जन्‍तु गोमा पालोईनी ओतान, थरिङोला मेत। थेचेन गेल्‍बो गेतबो ईन। ईन्‍सीनोङ थेङ थे गेल्‍बो दुईनबो नाङराङ फाप्‍क्‍यो। थेमे थे थेन्‍गीन वानामेई सजाय ङेत्‍ला नरककुण्‍डमा ड्वा फाप्‍क्‍यो।

छ्या स्‍ये च्‍युताते बात 17:8

खुई थोङाते दि जन्‍तु गोमा पालोई ओतान, थाल्‍ला मेत। थे था तिरी खापान खापान तीङ ओताते डालुममेकी थेन्‍ला ओङगो। तर थेन्‍गीन वानामेकी थे सजाय ङेत्‍ला नरककुण्‍डमा ड्वा फाप्‍क्‍यो। दि सा नाम ज्‍वा भन्‍दा गोमामेकीराङ नोमुङ मिसिन्‍च्‍येते जुनी ङेत्‍कान्‍ते मिओन मिन टिबा ओताते किताबला खोपरोङ मिन टिबा मेताते मिबरीचेन थे जन्‍तुला थोङजीन छक्‍क परे खिओ। च्‍यिला सासीन थे जन्‍तु गोमा ओतान, थाल्‍ला मेत थेमे था ङीमाई याङराङ थे दुरू ओङगो।

छ्या स्‍ये च्‍युताते बात 2:19

च्‍यि सासीन ख्‍योकोनगी च्‍यि च्‍यि खिन ओते सिन गाङे ङाला छ्या ओत। ख्‍योकोनगी ङाला खजो ङिङज्‍ये खिते सिरच्‍येते थेमे ङाला विश्‍वास खाबाते, लेमुते काम खाबाते थेमे ख्‍योकोनगी पीर दुक्‍पा खपे खिन ओताते गाङे बात ङाला छ्या ओत। होदि कामतेबा ख्‍योकोनगी गोमा भन्‍दा थरिङोला झन झन ल्‍हाक्‍पा खिन ओताते बादोङ ङाला छ्या ओत।

छ्या स्‍ये च्‍युताते बात 2:2

च्‍यि सासीन ख्‍योकोनगी खिन ओताते गाङे काम ङाला छ्या ओत। ख्‍योकोनगी स्‍याप स्‍याप खाईन काम खाबाते थेमे दुक्‍पा ओङजीनोङ सेम मेसेता खाईन देताते ङाला छ्या ओत। थेमे थेरू मेलेबा काम खित्‍कान्‍ते मिओनला ख्‍योकोनगी मन परे माक्‍याबातेङ ङाला छ्या ओत। खोपरोङ येशू ख्रीष्‍टकी खटे खाबाते मि ईन सिन सिरकान्‍तेबाला ख्‍योकोनगी थेबा पक्‍काराङ थोक्‍ते मि ईन्‍दाकाना मेन्‍दाका सिन विचार खाईन ताकीन थेबा थोक्‍ते मि मेन सिन छ्या स्‍येला दुक। थेबानी खोपरोङगी ईन साबा च्‍योक्‍ते मि ईनराङ मेन।

छ्या स्‍ये च्‍युताते बात 3:10

थेमे ङे खि साबा च्‍योकराङ खाईन जस्‍तो पीरताङ दुक्‍पालाङ ख्‍योकोन सेम मेसेता खाईन देत्‍सुङ। थोगी था तिरी ना थेबेकी पाप खिता तोङगीता सिन ताप्‍ला दि सा लुङबे मिओनला आइ परे खित्‍च्‍येते मेलेबाते दुक्‍पे बेलाला ङा ख्‍योकोनला जोए खाला ज्‍य्‌वाक्‍यो।

छ्या स्‍ये च्‍युताते बात 3:3

ख्‍योकोनला गोमाका च्‍यि सिन लापा ओताने थेमे खेराङगी चुक लेमु खाईन ङेन्‍दा ओताने थे बात सम्‍झे खि। थेमे लोक्‍ला गोमा च्‍योकराङ खि। दोक माक्‍यासीन ङा ख्‍योकोन ओत्‍सादु चोर च्‍योक थाहाराङ मेङेता खाला ओङगो। ङा नाम ओङगीते सिन ख्‍योकोनगी छ्याःङ छ्या मेस्‍येओ।