छ्या स्ये च्युताते बात 12:9 - जिरेल9 दोक खाईन थे जोदाते डुकला स्वर्गनेकी पृथ्वीमा ङिल्गीन ताङसुङ। थेचेन गोमामेई ओताते रूल ईन। थे मिन शैतान दैंता ईन। खालि मेलेबा कामकामा खाला सा लुङबा खाङगी मिला छक्के खित्कान्ते थेराङ ईन। थेत्ताङ थे दूत गाङेला स्वर्गनेकी पृथ्वीमा युकीन क्युरसुङ। Faic an caibideil |
छ्या स्ये च्युताते बात 12:9
68 Iomraidhean Croise
लामला फाप्कीन छ्योज्युङमेकी तुकीन सोबाते सोन साबातेचेन परमेश्वर बात थोकान्तेबे नाङ थरीज्यीक मिला साबाते ईन। थोक्ते मितेचेन परमेश्वर बात ङेन्च्येते सेमराङ मेतेकी थे बात थोसीनोङ थे बात पत्ते मिक्किस्यीत थेमे परमेश्वरगी थेबाला पापदुकी मेडेल्स्यीत सिन शैतानगी थेबेकी थोबाते बात होत्ता टोक ज्येत ज्युत्क्यो।
ख्योकोनचेन खेराङ आबा शैतानताङ डिक्कान्ते मि ईन। थेमे ख्योकोन खेराङ आबेकी खित्च्येते कामकामा खिता सेम खिदुक। थेकीनी च्याक दि जुग शुरू ओङजीनमेईराङ मि सेत्च्येतेकामा खिन ओत। ईन्दाते बातला थेकी बान्दा गा मिक्किओ। साँचोते बात सिरातेचेन थेकी नोमुङ मिक्किओ। ढाँर खित्च्येतेनी थेते बानीराङ ईन्देकी थेचेन ढाँर खित्कान्ते ईन। ढाँर खित्च्येते सिराते गाङे थे छ्य्वापेईराङ ओङच्येते ईन।
थेबा पापताङ लोभदुकी ठाल्ला परमेश्वर नाम्दाकला देता ङेत्स्यीत, दोक खाला शैतान लाःक्तुकी ठोल्ला परमेश्वर छ्य्वापा लै खित्स्यीत सिन खुई थेबाला ङे बात छ्या स्येबा खाला तेरा फाप्क्यो। थेमे थेबेकी ङाला विश्वास खानामेई परमेश्वरगी थेबे पाप गाङे माफ तेरग्यो। थेमे परमेश्वरगी सेम खुदुक जोबाते मि ज्येनतेबेकी ङेत्च्येते जति गाङे थेबेकीङ ङेत्क्यो,’ सिन सिरा थोसुङ।
दोक ओङनामेकीचेन ङुरूङ पाको गाला मेताते मिकी च्योक मिक्किओ। पाको गाला मेताते मिकीचेन परमेश्वर बात ईन सिन सुइँदेकी मेन्दे बात लाप्सीन थे ङेन्ग्यो। लोक्ला ज्येनज्यीगी होथोक्ते ज्येनराङ बात लाप्सीन थेङ ङेन्ग्यो। होथोक्ते बात लोप्कान्ते मिओन ज्येनला छक्के खिताला आउदी च्याङबो ओङगो। थेबेकी चुक खाला ओङगीका पाको गाला मेताते मिओन मिकला छारो ग्याप्ला खोपरोङ लाःक्तु लिन्ग्यो।
होथोक्ते बात ङेन्ला ख्योकोन सुङ छक्के माकेत। च्यिला सासीन मि काल्बेईकी परमेश्वरगी खि साबाते ङेन्दा ताङगीन थे विरोध माक्याथुप थेमे आउदी पाप खित्कान्ते मि मावाथुपनी प्रभु येशू ग्युरला ओङच्येते दिन ओङराङ मेङगो। थे आउदी पाप खित्कान्ते मिकी छ्येज्यीक सजाय ङेत्ला नरककुण्डमा ड्वा फाप्क्यो।
थे गोमे जन्तुला छ्ये ज्वाप्ला दोक्ते अचम्बते काम खाला तेन्च्येते शक्ति बिन्दा ओतेकी दि सादुकी थेन्दाते जन्तुकी होथोक्ते काम खाईन सा लुङबे मि गाङेला छक्के खासुङ। थेकी मि गाङेला होथे गोमे जन्तुला मान खिता फाप्क्यो सिन थे जन्तु मूर्ति जोर च्युत्सुङ। थे जन्तुचेन स्यिच्या खाईन तरवारगी तुप्कीन मा थोता ओत्सीनोङ सोन्दा ओतान।
तर थे जन्तुताङ थे छ्य्वापेकी आउदी अचम्बतेन्दे काम खाला तेन्कान्ते जन्तु ङिकारला जुम्गीन ठासुङ। थे ज्येनते जन्तुचेन डुगी सिर च्युताते बात खित्कान्ते ईन। अचम्बतेन्दे काम खाईनराङ थे जन्तुकी थे गोमे जन्तु मिनगी छाप देक ज्युत्कान्ते मिओनताङ थे मूर्तिला माने खित्कान्तेबाला छक्के खाबा ओतान। जुम्गीन ठानामेई थेबा ङिकारला सोम्बोराङ गन्धकताङ मे बाराते ज्यीबा लाङच्याज्यीक मे धुनीमा क्युरसुङ।
थेमे थिआटीरादु देत्कान्ते ज्येनगी च्योक मिक्किकान ख्योकोनलाचेन ङा खेराङगी खिन ओताते लाक्तु ज्येन ल्हाक्पा दुक्पा मेतेरो। ख्योकोनचेन ज्येन च्योकराङ जिजेबेलगी साबाते बात मेङेन्कान्ते थेमे कोई कोई मिकी साबाच्योक शैतानगी कोई कोई मिलाकामा छ्या स्ये ज्युत्च्येते बात मेङेन्कान्ते मि ईन।
च्यि सासीन ख्योकोनला ज्येनगी दुक्पा बिन्दाते बात ङाला छ्या ओत। थेमे ख्योकोनला दाङच्या ख्योप्च्या मेत सिनोङ ङाला छ्या ओत। ईन्सीनोङ ख्योकोन छ्याःङ मेताते मि मेन। खोपरोङ यहूदी ईन सिन सिरकान तर लेमुते काम मिक्किकान्ते मिओनगी ईन्दा मेन्दे दोष लै खाईन ख्योकोन विरोध खाबाते बात ङाला छ्या ओत। थेबाचेन शैतानताङ डिक्कान्ते मि ईन।
थेमे ईन्सीन थोक खाला मिओनला छक्के खित्कान्ते शैतानला गन्धकताङ मे बाराते ज्यीबा लाङच्याज्यीक मे धुनीमा क्युरसुङ। थे जन्तु थेमे डुगी सिर च्युताते बात खित्कान्ते जन्तुलाङ गोमाका थेमाराङ क्युरा ओतान। था थेबा सुमबोकी ङीन नुप नोमुङ ङा स्वा मेङेता खाला खपेराङ खिता मुथुप्च्येते दुक्पा भोगे खिनराङ देता फाप्क्यो।
Sanasan