छ्या स्‍ये च्‍युताते बात 12:10 - जिरेल

¹⁰ थेमे स्‍वर्गने कस्‍स्‍ये खाला दोक दोक सिन ओता ङे थोसुङ। च्‍यि सासीन “था ईन्‍सीन ङुरूङ परमेश्‍वरगी मिओनला पूरो खाला पापदुकी टाल्‍ला स्‍वर्गने देत ज्‍युत्‍च्‍येते काम खाईन सिन्‍दा खासुङ। थेकी थे खोरोङ छ्येज्‍यीक शक्तिकी गाङेपा गाङेला राज्‍य खिताला स्‍यूसुङ। थेकी छाने खाबाते ख्रीष्‍टकीते था गाङेपा गाङेला अधिकार लै खिओ। च्‍यिला सासीन ङीन नुप परमेश्‍वर खादु वाला ङुरूङ आज्‍यो न्‍वाला थेबानी दोक दोक गल्‍ती खित्‍कान्‍ते मिका ईन सिन सिरकान्‍ते शैतानला स्‍वर्गनेई युकीन क्‍युरा ओत।

छ्या स्‍ये च्‍युताते बात 12:10 Iomraidhean Croise

मत्ती 26:64

थेमे येशूकी “ईन, ङा खुई साबाच्‍योक थेराङ ईन। था ङा ख्‍योकोन गाङेला च्‍यि सिते सासीन थानामेकीचेन ख्‍योकोनगी परमेश्‍वर ओत्‍सादुई वाबाते मि ङाला छ्येज्‍यीक शक्ति ओताते परमेश्‍वर सामे छ्य्‌वापा देताते थेमे था तिरी स्‍वर्गनेकी मुक्‍पे लाक्‍तु देत्‍ला दुरू ग्‍युरगीन वाबातेङ थोङगो,” सिन सिदुक।

मत्ती 28:18

थेमे थेबे दोन्‍दुराङ वाकीन थेकी “स्‍वर्गताङ पृथ्‍वीदु गाङेपा गाङेला राज्‍य खित्‍च्‍येते अधिकार परमेश्‍वरगी ङाला बिन्‍दा ओत।

मत्ती 6:10

सा लुङबा खाङ पूरो खाला खुई राज्‍य ओङस्‍यीत। स्‍वर्गने खाबा च्‍योकराङ दि पृथ्‍वीदुङ मि गाङेकी आबा खुई साबाते ङेन्‍ला खि साबा च्‍योकराङ खित्‍स्‍यीत।

लूका 11:2

थेमे थेकी “ख्‍योकोनगी परमेश्‍वरला प्रार्थना खित्‍जीन दोक सि। चुक सासीन ‘आबा परमेश्‍वर, मि गाङेकी खोल्‍ला मान खित्‍स्‍यीत। सा लुङबा खाङ पूरो खाला खुई राज्‍य ओङस्‍यीत।

लूका 22:31

थेमे येशूकी शिमोन पत्रुसला “शिमोन, खो च्‍याङबो खाला देत। ङे छ्य्‌वापेई डेलाला शैतानगी ख्‍योकोन गाङेला ल्‍वा छोल्‍ग्‍यो। थेकी दोक खित्‍च्‍येतेनी टाप्‍ला ठाताङ फुङमा डेल्‍च्‍येते च्‍योक ईन। ख्‍योकोनगी ङाला खित्‍च्‍येते विश्‍वास खजो पक्‍का दुका सिन ताप्‍ला परमेश्‍वरगी शैतानला थोक खासीन ओङगो सिन सिदुक।

१ कोरिन्‍थी 5:4

प्रभु येशूला छ्ये ज्‍वाप्‍ला ख्‍योकोन गाङेराङ रूबा ओते बेलाला ङाङ ख्‍योकोनताङ ङ्योम्‍बु ओताच्‍योक खाला ख्‍योकोनगी प्रभु येशू शक्ति छ्य्‌वापेकी थे मिला दोक खि।

२ कोरिन्‍थी 12:9

दोक खित्‍जीन थेकी ङाला “ङे खोल्‍ला आउदी खाईन दया खाबा ओत। दि भन्‍दा ल्‍हाक्‍पा था खोल्‍ला छ्याःङ मोगोओ। खोरोङगी छ्याःङ खिता मुथुप्‍जीनराङ खुई ङेताते ङे शक्ति चुक छ्ये ईन्‍दाका सिन खुई छ्या स्‍येक्‍यो,” सिन सिदुक। थोगी ङाराङगी छ्याःङ खिता मुथुप्‍जीन ङानी गाका खिओ। च्‍यिला सासीन थोक्‍ते बेलालाराङ ख्रीष्‍टकी ङाराङला थे खोरोङ शक्ति बिन्‍दा ओत सिन ङे छ्या स्‍येकीदुक।

तीतस 2:3

थोकराङ खाला गाम्‍मातेबाङ येशूला विश्‍वास खित्‍कान्‍ते फेम्‍मे मिओनगी खिता फापा च्‍योकराङ खित्‍कान ओङा फाप्‍क्‍यो सिन सि। थेबेकी मि मोत्‍कीन ख्‍याम्‍च्‍येते थेमे छ्याङ रक्‍सीकी जिला ख्‍याम्‍बा मेङगो सिन सि। बरू चुक चुक खिता लेमु ईन्‍दे सिन ज्‍येनला लोपा थुप्‍कान्‍तेन्‍दे ओङा फाप्‍क्‍यो सि।

१ पत्रुस 5:8

थेमे दाक्‍पोन सेम काबूला स्‍योक। खेराङला मेलेबा खिता छोल्‍कान्‍ते शैतानगी छ्याःङ मेलेबा खिता मुथुप्‍स्‍यीत सिन च्‍याङबो खाला देत। थेचेन जहिलेङ ख्‍योकोन सुला थेप्‍ला ङ्ये ज्‍युता ङेदोङा सिन जे थेप्‍कीदुक खाप खाप्‍ला साप सिन ङारगीन ख्‍याम्‍बाते सिंह च्‍योक खाला युगीनराङ देत्‍क्‍यो।

छ्या स्‍ये च्‍युताते बात 11:15

थेमे पालो दुईनगी बाजि परमेश्‍वर दूतकीङ थे खोरोङ बिकुल फुसुङ। थेमे ङे स्‍वर्गने आउदी कस्‍स्‍ये खाईन “थानामेई दि सा लुङबा गाङे ङुरूङ प्रभु परमेश्‍वर थेमे थेकी छाने खाबाते ख्रीष्‍टकी राज्‍य ओङा ओत। था थेबेकी सधैँभरि राज्‍य खिनराङ देत्‍क्‍यो,” सिन साबाते ङोरो काल्‍बेई थोसुङ।

छ्या स्‍ये च्‍युताते बात 2:26

तिरीसाक ङे साबाच्‍योक खिन देत्‍ला शैतान शक्तिला ग्‍याल्‍कान्‍ते मिला ङा लुङबा लुङबे मिला राज्‍य खित्‍च्‍येते अधिकार तेरग्‍यो। ङे आबेकी ङाला राज्‍य खित्‍च्‍येते अधिकार बिन्‍दा च्‍योकराङ खाला ङाङ थेला दोक खाला राज्‍य खित्‍च्‍येते अधिकार तेरग्‍यो। थेमे थेकी च्‍याकी डन्‍डीकी सबी गरी पुरा च्‍योकराङ खाला लुङबा लुङबे मिला आउदी कडा खाला राज्‍य खिओ।

छ्या स्‍ये च्‍युताते बात 7:10

थेमे थेबा आउदी छेरा खाला खाला “मिला पापकी सजायदुकी डेल्‍कान्‍तेचेन सिंहासन लाक देत्‍कान्‍ते ङुरूङ परमेश्‍वर थेमे लुई रीउ ईन,” सिन ओतान।