छ्या स्‍ये च्‍युताते बात 11:9 - जिरेल

⁹ थेमे ङीमा सुमताङ फेस्‍याकसाक जात जातकीते, थर थरगीते, खुदुक खुदुक भाषेते थेमे लुङबा लुङबे मि थेबा ङिबो रो ताप्‍ला ओङगो। तर सुङलाङ थेबे रो दिक मुज्‍युदो।

छ्या स्‍ये च्‍युताते बात 11:9 Iomraidhean Croise

मत्ती 7:2

च्‍यिला सासीन ख्‍योकोनगी ज्‍येनला फलाना दोक्‍ते थे थोक्‍ते सिन सासीन परमेश्‍वरगी ख्‍योकोनोङ होथोक्‍तेराङ ईन सिन साला ख्‍योकोन दोषी ईन सिन सिओ। ज्‍येनला ख्‍योकोनगी जस्‍तो खिदुक परमेश्‍वरगीङ ख्‍योकोनला उस्‍तोराङ खिओ।

छ्या स्‍ये च्‍युताते बात 10:11

थे सोकीन सिन्‍नामेकी “था खुई जात जातकीते, लुङबा लुङबेते, खुदुक खुदुक भाषे मि थेमे गेल्‍बोओनला था तिरी चुक चुक ओङगीते सिन परमेश्‍वरगी सिर च्‍युताते बात सिरा फाप्‍क्‍यो,” सिन ङाराङला साबाते बात थोसुङ।

छ्या स्‍ये च्‍युताते बात 11:11

थेमे ङीमा सुमताङ फेस्‍याक तिरी परमेश्‍वरगी ङेपाक लुगीन थेबाला सोन च्‍युत्‍सुङ। थेमे थेबा ठाङे ठाङे लासुङ। थोक खाईन थेबा लाबा थोङकान्‍ते मि गाङे ज्‍यीबेकी थरावरी गाल्‍सुङ।

छ्या स्‍ये च्‍युताते बात 13:7

थेला परमेश्‍वर सन्‍तानओनताङ जीला थेबाला ग्‍याल्‍च्‍येते अधिकार परमेश्‍वरगी बिन्‍दा ओतान। थेमे थेकी थर थरगीते, जात जातकीते, खुदुक खुदुक भाषेते थेमे लुङबा लुङबे मिला राज्‍य खिता ङेता ओतान।

छ्या स्‍ये च्‍युताते बात 17:15

लोईन थे दूतकी ङाला “खुई थोङाते थे रन्‍डी देताते चाङबोचेन जात जातकीते, थर थरगीते, लुङबा लुङबेते थेमे खुदुक खुदुक भाषे मि ईन।

छ्या स्‍ये च्‍युताते बात 5:8

थेकी थे किताब लानामेई थे ङेपाक ओताते थरी स्‍यीकारताङ थे मेरा खालज्‍यीकताङ स्‍यीबो छ्ये छ्येतेबा गाङेकी थेला गुर्बु खाईन से खासुङ। थेबा गाङे लाःक्‍तु वीणा सिराते बाजा रेरेताङ धूपकी खाङाते सेरगी कचौरा रेरे ओतान। थे धूपचेन परमेश्‍वर सन्‍तानओनगी परमेश्‍वरला खाबाते प्रार्थना ओतान।

छ्या स्‍ये च्‍युताते बात 5:9

थेमे थेबेकी “दि किताब लाला थे छापओन लोक्‍पा थुप्‍कान्‍ते खोकामा ईन। खोल्‍ला सेता ओतान। खोल्‍ला सेत्‍जीन खोरोङ जीउदुकी थेन्‍दाते ठागी खुई थर थरगीते, खुदुक खुदुक भाषेते, जात जातकीते थेमे लुङबा लुङबे मि नाङदुकी मिओनला परमेश्‍वर मि ओङाला ङ्योसुङ,