छ्या स्‍ये च्‍युताते बात 11:6 - जिरेल

⁶ परमेश्‍वरगी खोपरोङला सिर च्‍युताते बात खाईन मासिनथुप थेबा ङिबोकी छ्यार्बे थोपोईओङ थिक माच्‍युत्‍ला खडेरी थेन ज्‍युता थुप्‍क्‍यो। थेमे छ्युला ठाक डोर ज्‍युता थुप्‍क्‍यो। दोस्‍यिककामा मेन, खिता चाल्‍सुङ सासीन थेबेकीनी जुन बेलालाङ दि सा लुङबा खाङ आउदी मेलेबा मेलेबा रोगताङ अनिकाल लाङ ज्‍युत्‍क्‍यो।

छ्या स्‍ये च्‍युताते बात 11:6 Iomraidhean Croise

लूका 4:25

ङुरूङ ज्‍युज्‍यु पुर्खे पालोला ओङाते दि बातओननी ख्‍योकोनला छ्याराङ ओतासीन। च्‍यि सासीन परमेश्‍वर बात खित्‍कान्‍ते एलिये पालोला लो सुमताङ दावा ठुकसाक छ्यार्बा मेदेक्‍जीन इस्राएल लुङबा खाङ आउदी खाईन अनिकाल लाबा ओतान। ख्‍योबो स्‍याप्‍ते मिओनगी आउदी दुक्‍पा ङेता ओतान। थेजीन थेरू थोक्‍ते फेम्‍मे मि काल्‍बेई ओतान।

छ्या स्‍ये च्‍युताते बात 11:3

थेमे ङा सु ईन्‍दे, ङे च्‍यि खिते सिन बात खित्‍कान्‍ते मेरा ङिला ङा शक्ति बिन्‍ला ङे बात खिताला तोङगो। थेबेकी पीर लाबे बेलाला च्‍योकराङ खाला भाङ्‌रे खोलाक खोन्‍ला ङीमा सय च्‍युन्‍ङीताङ खाल सुमसाक ङे सिर च्‍युताते बात खिओ,” सिन ङाराङला साबाते बात थोसुङ।

छ्या स्‍ये च्‍युताते बात 16:3

थेरूई पालो ङिकी बाजि दूतकी थे खोरोङगी खुरा ओताते कचौरा खेरगीन समुन्‍द्रदु पुसुङ। थोक खानामेई समुन्‍द्रे छ्यु गाङे स्‍याप्‍ते मि ठाक च्‍योक नाक्‍पो गाल्‍सुङ। थेमे समुन्‍द्रे नाङ ओताते ङेपाक ओताते जति खराप खुरूप स्‍यिसुङ।

छ्या स्‍ये च्‍युताते बात 16:4

थोकराङ खाईन पालो सुमगी बाजि दूतकीङ थे खोरोङगी खुराते कचौरा ओताते जति चाङबोताङ छ्युई मोनगी नाङ पुसुङ। थोक खिताईताङ छ्यु जति गाङे ठाकराङ ठाक गाल्‍सुङ।

छ्या स्‍ये च्‍युताते बात 8:8

थेमे ज्‍येनते दूतकीङ थे खोरोङ बिकुल फुसुङ। थेकी बिकुल फुनामेई मे ज्‍वाला बाराई आउदी जोदाई बोम च्‍योकस्‍यिक समुन्‍द्रे नाङमा क्‍युरसुङ। थेमे खण्‍ड सुमला खण्‍डज्‍यीक समुन्‍द्रे छ्यु ठाक गाल्‍सुङ।