छ्या स्‍ये च्‍युताते बात 11:19 - जिरेल

¹⁹ थेरूई स्‍वर्गने ओताते परमेश्‍वर मन्‍दिर गो फेत्‍सुङ। थेमे गोमा परमेश्‍वर इस्राएलीओनताङ ङ्योम्‍बु ओत सिन सम्‍झे खिताला जोबाते जमान बाकसोङ थे नाङ थोङसुङ। थेमे थेरू चिलाम खासुङ, नामज्‍योक बुराङ साच्‍याज्‍यीक ङोरो थोसुङ, नाम गाराङताङ गुरूङ खासुङ, ज्‍यीबा लाङच्‍याई सेदेर्मु गाल्‍सुङ थेमे जोदा जोदातेन्‍दे सरेङ ग्‍याप्‍सुङ।

छ्या स्‍ये च्‍युताते बात 11:19 Iomraidhean Croise

छ्या स्‍ये च्‍युताते बात 11:13

थेबा थोक खाला ड्वापज्‍यीकताङ आउदी ज्‍यीबा लाङच्‍याई सेदेर्मु गाल्‍सुङ। थेमे थे जोदाते सारगीते खण्‍ड च्‍युताम्‍बे नाङ खण्‍डज्‍यीक गाङे राम्‍सुङ। हजार दुईन मिङ स्‍यिसुङ। थेरू थोक ओङजीन थाराते मि गाङेराङ आउदी खाईन ज्‍यीबा खासुङ। थेमे थेबेकी स्‍वर्गने देत्‍कान्‍ते परमेश्‍वरराङ छ्ये ईन सिन थेला छ्ये जोसुङ।

छ्या स्‍ये च्‍युताते बात 11:15

थेमे पालो दुईनगी बाजि परमेश्‍वर दूतकीङ थे खोरोङ बिकुल फुसुङ। थेमे ङे स्‍वर्गने आउदी कस्‍स्‍ये खाईन “थानामेई दि सा लुङबा गाङे ङुरूङ प्रभु परमेश्‍वर थेमे थेकी छाने खाबाते ख्रीष्‍टकी राज्‍य ओङा ओत। था थेबेकी सधैँभरि राज्‍य खिनराङ देत्‍क्‍यो,” सिन साबाते ङोरो काल्‍बेई थोसुङ।

छ्या स्‍ये च्‍युताते बात 12:1

थेमे ङे नामने खइँदा अचम्‍बे जाज्‍यीक थेन्‍दा थोङसुङ। थेचेन फेम्‍मे मिज्‍यीक ओतान। थे फेम्‍मे मि ङीमे नाङ ओतान। थेते काम्‍बे चावादु दागार ओतान। थेमे थेकी गोःकी लाक कार्मा च्‍युन्‍ङी खाबाई श्रीपेज खोन्‍दा ओतान।

छ्या स्‍ये च्‍युताते बात 16:1

थेमे ङे याङराङ परमेश्‍वर मन्‍दिरदुकी थे परमेश्‍वर दूत दुईनबोला “लो ग्‍युक, परमेश्‍वरगी स्‍येदाङगी चूर गाल्‍ला तेरच्‍येते सजायकी खाङाते थे कचौरा दुईनकाराङ खेरला पृथ्‍वीमा पु,” सिन कस्‍स्‍ये खाईन साबा थोसुङ।

छ्या स्‍ये च्‍युताते बात 16:18

थेमे थेरू चिलाम खासुङ। नामज्‍योक बुराङ साच्‍याज्‍यीक ङोरो थोसुङ। नाम गाराङताङ गुरूङ खासुङ। थेमे आउदी ज्‍यीबा लाङच्‍याज्‍यीक सेदेर्मु गाल्‍गीन गाङे सा नामराङ लीक्‍सुङ। दोक ज्‍यीबा लाङच्‍याज्‍यीक सेदेर्मुनी दि सा लुङबादु मि जोबा छुरला नोमुङ गाला मेतान।

छ्या स्‍ये च्‍युताते बात 16:21

थेमे घट्टे लाकोर छेतराङ जोदातेताङ ज्‍यीबा लाङच्‍येतेन्‍दे सरे नामनेकी मिओन लाकनामा ङीम्‍बाला स्‍यूसुङ। थोक ज्‍यीबा लाङच्‍येतेन्‍दे सरे ग्‍यापेकी खित्‍सादु मिओनगी परमेश्‍वरला मोता खिताला स्‍यूसुङ। साँच्‍चीराङ थे सरे आउदी ज्‍यीबा लाङच्‍येतेन्‍दे ओतान।

छ्या स्‍ये च्‍युताते बात 19:11

थोक थोक ओङगीन सिन्‍नामेकी ङे स्‍वर्ग गाङे ओङे फेता ओता थोङसुङ। थेरू घोडा कार्मुज्‍यीक ओतान। थेमे थे घोडे लाक जेक्‍कान्‍ते मिनचेन खिओ साबा च्‍योकराङ खित्‍कान्‍तेताङ नोमुङ ढाँर मिक्‍किकान्‍ते ईन। थेकी सुङलाङ काका पाका मिक्‍किता खाला न्‍याय खित्‍च्‍येते थेमे लडाइँ खित्‍च्‍येते खित्‍च्‍याक्‍वा।

छ्या स्‍ये च्‍युताते बात 4:1

थेमे दि तिरी ताजीन ङे स्‍वर्गे गो फेता ओताते थोङसुङ। थेमे गोमा ङाराङताङ बात खित्‍कान्‍तेकी बिकुल ङोरो च्‍योकराङ खाईन याङराङ ङाला दोक सिन बात खाबाते ङे थोसुङ। थेकी ङाला “लो देने स्‍योक। था ङा खोल्‍ला दि तिरी ओङा फाप्‍च्‍येते बातओन तेन्‍दामीन,” सिन सिदुक।

छ्या स्‍ये च्‍युताते बात 4:5

किल्‍दु ओताते सिंहासनदुकीचेन चिलाम खिन ओतान, नामज्‍योक बुराङ साच्‍याज्‍यीक ङोरो थोकीन ओतान, नामोङ गुरूङ खिन ओतान थेमे थे सिंहासन दोन्‍दुराङ मे राँको च्‍योक खाईन बाराते नाम्‍दाक दुईन ओतान। थे नाम्‍दाकचेन परमेश्‍वर आत्‍मा दुईनबो ईन।

छ्या स्‍ये च्‍युताते बात 7:15

थोगीराङ दिबा ङीन नुप परमेश्‍वर मन्‍दिर नाङ परमेश्‍वर सिंहासन दोन्‍दु देत्‍ला थेला छ्ये जोइनराङ देत्‍कीदुक। सिंहासन लाक देत्‍कान्‍ते थेबाताङ ङ्योम्‍बुराङ देत्‍ला थेकी थेबाला लेमु खाला तेइओ।

छ्या स्‍ये च्‍युताते बात 8:5

थेमे थे दूतकी होथे थानदु मे मेल्‍ताककी दोबोन्‍डा काङगीन पृथ्‍वीमा युक युकीन क्‍युरसुङ। थोक खानामेई नाम गाराङताङ गुरूङ खासुङ, नामज्‍योक बुराङ साच्‍याज्‍यीक ङोरो थोसुङ, चिलाम खासुङ थेमे सेदेर्मुङ गाल्‍सुङ।

छ्या स्‍ये च्‍युताते बात 8:7

थेमे गाङे भन्‍दा गोमे दूतकी थे खोरोङ बिकुल फुसुङ। थोक खानामेई ठाक स्‍येबाते सरेताङ मे ज्‍वाला पृथ्‍वीमा ङीम्‍बाला स्‍यूसुङ। दोक ओङेकी खित्‍सादु पृथ्‍वीदु खण्‍ड सुमला खण्‍डज्‍यीक सा थेमे स्‍यिङ दोङबोताङ ङोम्‍मुते सोतेबा गाङे छिगीन खतम गाल्‍सुङ।