छ्या स्‍ये च्‍युताते बात 11:17 - जिरेल

¹⁷ थेबेकी “गाङे भन्‍दा छ्येज्‍यीक शक्ति ओताते प्रभु परमेश्‍वर, खो गोमा ओतान, थरिङोलाङ ओत। था खुई खोरोङ छ्येज्‍यीक शक्तिकी गाङेपा गाङेला राज्‍य खिताला स्‍यूसुङ। थोगी ङ्योकोन खोल्‍ला धन्‍यवाद सिओ।

छ्या स्‍ये च्‍युताते बात 11:17 Iomraidhean Croise

मत्ती 11:25

थेमे थे बेलालाराङ गाङेकी थोच्‍या खाईन येशूकी “आबा, खो दि स्‍वर्गताङ पृथ्‍वीते मालिक ईन। ङा खुईते जय जय खिओ। च्‍यिला सासीन स्‍वर्गे राज्‍य बात खुई पढे माक्‍याबाते थेमे काल्‍बा बात छ्या मेस्‍येकान्‍ते मिओनला लेमु खाईन खो च्‍युत्‍सुङ। दि बातनी खुई आउदी बुद्धि ओतातेताङ काल्‍बेई पढे खाबाते छ्ये छ्ये मिलाङ खो च्‍युता मेतान।

लूका 10:21

थे बेलालाराङ परमेश्‍वर आत्‍मे छ्य्‌वापेई आउदी गा खिन येशूकी “आबा, खो दि स्‍वर्गताङ पृथ्‍वीते मालिक ईन। ङा खुईते जय जय खिओ। च्‍यिला सासीन परमेश्‍वर राज्‍य बात खुई पढे माक्‍याबाते थेमे काल्‍बा बात छ्या मेस्‍येकान्‍ते मिओनला लेमु खाईन खो च्‍युत्‍सुङ। दि बातनी खुई आउदी बुद्धि ओतातेताङ काल्‍बेई पढे खाबाते छ्ये छ्ये मिलाङ खो च्‍युता मेतान। आबा खोल्‍ला दोक खिताराङ लेमु लासुङ। दोक खाईन खुई खिता चालाते च्‍योकराङ ओङसुङ,” सिन सासुङ।

यूहन्‍ना 11:41

थेमे थेबेकी थे फुगी गोदु ओताते दो थेन्‍सुङ। थेमे थेकी नामने ताकीन “आबा, ङा खोल्‍ला धन्‍यवाद सिओ। खुई ङे खाबाते बिन्‍ती ङेन्‍सुङ।

२ कोरिन्‍थी 2:14

थेमे परमेश्‍वरला ङ्योकोन धन्‍यवाद तेरग्‍यो। ख्रीष्‍टताङ जीउज्‍यीकराङ ओङा ओतेकी ङेराङ जहाँदु गाल्‍सीनोङ परमेश्‍वरगी सधैँ ङ्योकोनला ख्रीष्‍ट च्‍योकराङ शत्रुला ग्‍याल्‍कान्‍ते ईन सिन तेन्‍ला तेरगीदुक। थेमे धूप पारनामेकी थे बास्‍ना फैले खाबा च्‍योकराङ खाला ङ्योकोन छ्य्‌वापेकी ख्रीष्‍ट सु ईन्‍दे, थेकी च्‍यि खिते सिरच्‍येते बात गाङेपा फैले खित ज्‍युत्‍कीदुक।

२ कोरिन्‍थी 9:15

सुङगीङ खिता मुथुप्‍च्‍येते काम खाईन ङुरूङला लेमु खाबे लाईदु परमेश्‍वरला ङुरूङ धन्‍यवाद सिइ।

१ तिमोथी 1:12

थेमे ङा ङुरूङ प्रभु येशू ख्रीष्‍टला धन्‍यवाद सिओ। च्‍यिला सासीन दिकी ङे जिम्‍मा बिन्‍दाते काम लेमु खाला खिओ सिन थेकी ङाला मिओनला गा लाङच्‍येते बात लोप्‍च्‍येते काम बिन्‍सुङ। दि काम खिताला ङाला शक्ति तेरकान्‍ते थेराङ ईन।

छ्या स्‍ये च्‍युताते बात 1:4

एशिये अञ्‍चलदु फाप्‍च्‍येते सार दुईनकारदु जम्‍मा ओङकान्‍ते येशू ख्रीष्‍ट मिओन ख्‍योकोन गाङेला ङा यूहन्‍ना दि बातओन टिगीन ओत। परमेश्‍वर थेमे थे खोरोङ सिंहासन दोन्‍दु ओताते परमेश्‍वर आत्‍मा दुईनबोताङ येशू ख्रीष्‍टकी ख्‍योकोनला दया खाला लेमु खिनराङ देत्‍स्‍यीत। परमेश्‍वर थरिङोलाङ ओत, गोमामेकीराङ ओतान थेमे सधैँभरि देत्‍कान्‍तेङ थेराङ ईन। परमेश्‍वर सु ईन्‍दे सिन थेमे थेकी खित्‍च्‍येते कामगी बात लेमु खाला लाप्‍ला तेरकान्‍ते येशू ख्रीष्‍ट ईन। स्‍याप्‍ते मिओन नाङ गाङे भन्‍दा गोमा नोमुङ मिस्‍यिच्‍या खाला सोम्‍बो लोक्‍कान्‍तेचेन थेराङ ईन। थेचेन दि लुङबा मुलुक गेल्‍बोओनतेङ गेल्‍बो ईन। येशूचेन ङुरूङला आउदी ङिङज्‍ये खित्‍कान्‍ते ईन। ङुरूङ लाईदु स्‍यिजीन थे खोरोङ जीउदुकी थेन्‍दाते ठागी खित्‍सादु थेकी ङुरूङला पापदुकी टाल्‍सुङ,

छ्या स्‍ये च्‍युताते बात 1:8

गाङे भन्‍दा छ्येज्‍यीक शक्ति ओताते प्रभु परमेश्‍वरगी “अल्‍फा थेमे ओमेगा शुरूलाराङ ओताते थेमे तिरीसाकराङ देत्‍कान्‍ते ङाराङ ईन,” सिन साबा ओत। थेचेन थरिङोलाङ ओत, गोमामेकीराङ ओतान थेमे सधैँभरि देत्‍कान्‍तेङ थेराङ ईन।

छ्या स्‍ये च्‍युताते बात 11:15

थेमे पालो दुईनगी बाजि परमेश्‍वर दूतकीङ थे खोरोङ बिकुल फुसुङ। थेमे ङे स्‍वर्गने आउदी कस्‍स्‍ये खाईन “थानामेई दि सा लुङबा गाङे ङुरूङ प्रभु परमेश्‍वर थेमे थेकी छाने खाबाते ख्रीष्‍टकी राज्‍य ओङा ओत। था थेबेकी सधैँभरि राज्‍य खिनराङ देत्‍क्‍यो,” सिन साबाते ङोरो काल्‍बेई थोसुङ।

छ्या स्‍ये च्‍युताते बात 15:3

थेमे थेबाचेन परमेश्‍वर काम खित्‍कान्‍ते मोशेकी थे खोरोङ पालोला परमेश्‍वरते जय जय खिन लाबाते लु लिन्‍गीन ओतान। थेमे दोक सिन लुई रीउला छ्ये जोच्‍येते लुङ लिन्‍गीन ओतान। चुक सासीन “गाङे भन्‍दा छ्येज्‍यीक शक्ति ओताते प्रभु परमेश्‍वर, खुई खाबाते कामओन चुक छ्ये छ्येताङ अचम्‍ब लाङच्‍या ईन्‍दाका। खो सधैँभरि सोन्‍ला राज्‍य खिन देत्‍कान्‍ते गेल्‍बो ईन। खुई खित्‍च्‍येते काम गाङे लेमुतेकामा ईन।

छ्या स्‍ये च्‍युताते बात 16:14

थे ल्‍हन्‍डीक सुमबोचेन शैतान छ्य्‌वापेकी अचम्‍ब अचम्‍बते काम खाला तेन्‍कान्‍ते ल्‍हन्‍डीक ईन। थेबा सुमबोकी गाङे भन्‍दा छ्येज्‍यीक शक्ति ओताते परमेश्‍वरगी तोके खाबाते छ्येते दिनगी छोमु परमेश्‍वरताङ लडाइँ खिताला सा लुङबा खाङ ओताते गेल्‍बोओनला ठाउँज्‍यीकराङ जम्‍मा खित्‍च्‍येते कामोङ खिओ।

छ्या स्‍ये च्‍युताते बात 16:5

दोक ओङनामेकी छ्युई लाक अधिकार खित्‍कान्‍ते छ्येते दूतकी “प्रभु परमेश्‍वर, खो गोमाराङ ओतान, थरिङोलाङ ओत। सेमला पाप सिराते छ्याःङ मेताते खोकामा ईन। खुई सुङलाङ काका पाका मिक्‍किता खाईन न्‍याय खाईन दि सजाय बिन्‍दाते ठीक ईन।

छ्या स्‍ये च्‍युताते बात 16:7

थोक साकीन सिन्‍नामेकी “ईन ईन, गाङे भन्‍दा छ्येज्‍यीक शक्ति ओताते प्रभु परमेश्‍वर, खोचेन सुङलाङ काका पाका मिक्‍किता खाला सु सुला च्‍यि सजाय तेरा फाप्‍च्‍येते ईन्‍दे थे सजायराङ बिन्‍ला न्‍याय खित्‍कान्‍ते ईन,” सिन साबातेङ थोसुङ। दि ङोरोचेन थे थानदुकी थेन्‍दा ओतान।

छ्या स्‍ये च्‍युताते बात 18:8

थोगी ङीमाईलाराङ थेला कालगी घेरे खिओ, थेकी आउदी खाला पीर खिता फाप्‍क्‍यो थेमे थेरू आउदी अनिकाल लाङगो। थेमे थे मेकी छिक्‍ला दाक खतम डुइओ। थेला न्‍याय खाला सजाय तेरकान्‍ते प्रभु परमेश्‍वरताङ छ्येज्‍यीक शक्ति ओत,” सिन सिरा ङे थोसुङ।

छ्या स्‍ये च्‍युताते बात 19:11

थोक थोक ओङगीन सिन्‍नामेकी ङे स्‍वर्ग गाङे ओङे फेता ओता थोङसुङ। थेरू घोडा कार्मुज्‍यीक ओतान। थेमे थे घोडे लाक जेक्‍कान्‍ते मिनचेन खिओ साबा च्‍योकराङ खित्‍कान्‍तेताङ नोमुङ ढाँर मिक्‍किकान्‍ते ईन। थेकी सुङलाङ काका पाका मिक्‍किता खाला न्‍याय खित्‍च्‍येते थेमे लडाइँ खित्‍च्‍येते खित्‍च्‍याक्‍वा।

छ्या स्‍ये च्‍युताते बात 19:6

दि तिरीङ ङे आउदी काल्‍बेई मिकी छेरा खाबाते ङोरो च्‍योक थोबा ओतान। थे ङोरोचेन छ्युई छहरे स्‍य्‌वाँरा च्‍योक थेमे नामज्‍योक बुराङ साच्‍या खाईन नाम गाराङताङ गुरूङ खाबाच्‍योक ओतान। थेबेकी “हल्‍लेलूयाह, गाङे भन्‍दा छ्येज्‍यीक शक्ति ओताते ङुरूङ प्रभु परमेश्‍वरगी था पूरो खाला दि सा लुङबा खाङ राज्‍य खिओ।