छ्या स्‍ये च्‍युताते बात 10:5 - जिरेल

⁵ थेमे थे समुन्‍द्रताङ सादु काम्‍बा रेरे जुकान्‍ते परमेश्‍वर दूतकी थे खोरोङ सामे लाक्‍पा स्‍वर्गने लाङसुङ।

छ्या स्‍ये च्‍युताते बात 10:5 Iomraidhean Croise

शक्ति काम 14:15

“ए ख्‍योकोनगी दोक च्‍यि खिता चाले? ङ्योकोन ल्‍हा मेन। ङ्योकोनोङ ख्‍योकोन च्‍योक्‍ते मिराङ ईन। ङ्योकोननी दुरू ख्‍योकोनला गा लाङच्‍येते बात लोपालाका वाबाते ईन। च्‍यि सासीन ख्‍योकोनगी थातासाक ल्‍हा सिन माने खाबातेबाला माने खिता माफाबो। थेबा ल्‍हा मेन। थेबाला माने खिता ताङला बरू सोम्‍बोते परमेश्‍वर छ्य्‌वापा लै खाला थेला माने खि। थेकीराङ दि सा नाम, समुन्‍द्र थेमे ओतातेबरी जति गाङे जोबाते ईन।

शक्ति काम 17:23

च्‍यिला सासीन सार खाङ युगीन डोजीन ङे ख्‍योकोन मन्‍दिरताङ ल्‍हे थान काल्‍बेई थोङसुङ। लेमु खाला ताजीन ठाउँज्‍यीक्‍तु थानज्‍यीक जोकीन थे लाक्‍तु ‘मिनराङ छ्या मास्‍येबाते ल्‍हा’ सिन टिबातेङ ङे थोङसुङ। थे ल्‍हा सु ईन्‍दे, चुक्‍ते ईन्‍दे सिन छ्या मास्‍येबालाराङ ख्‍योकोनगी थेला माने खिन दुक। ख्‍योकोनगी थोक खाईन छ्या मास्‍येबालाराङ माने खाबाते थे सु ईन्‍दे सिन था ङा लेमु खाला सिरामीन।

रोमी 1:20

चुक खाला सासीन थेला मिगी माथोङसीनोङ थेकी च्‍याक दि सा नाम जोजीनमेई जोबातेबरी जेसुकै ताला गोमामेईराङ थेत्ताङ चुक छ्येज्‍यीक शक्ति ओता ईन्‍दाका सिन थेमे थे परमेश्‍वरराङ ईन सिन मिओनगी सजिलो खाला छ्या स्‍येबा थुप्‍क्‍यो। थोगी परमेश्‍वर ओता मेता सिन ङाला छ्याःङ छ्या मेतान सिन सुङगीङ सिरा मुथुबो।

हिब्रू 6:13

अब्राहामताङ जमान खित्‍जीन थे खोरोङ भन्‍दा ज्‍येन सुङ छ्ये मेतेकी परमेश्‍वरगी थे खोरोङ मिनलाराङ दोक सिन ना क्‍याल्‍गीन जमान खाबा ओतान।

छ्या स्‍ये च्‍युताते बात 1:18

ङा सोन्‍लाराङ देत्‍क्‍यो। ङा पालोई स्‍यापनी ओतान, थाचेन ङा याङराङ नोमुङ मिस्‍यिओ। स्‍यिच्‍येते कालला ङे ग्‍याला ओत। थेमे सुइँदाला सजाय बिन्‍ला नरककुण्‍डमा लुबा फाप्‍सीन थोक खित्‍च्‍येते अधिकारोङ ङात्ताङ ओत।

छ्या स्‍ये च्‍युताते बात 10:2

थे दूतकी लाःक्‍तुचेन स्‍यिउकीते ठीलाज्‍यीक किताब टेक्‍टेज्‍यीक ओतान। थे किताबचेन खोले खाबा ओतान। थे दूतकी सामे काम्‍बा समुन्‍द्रे लाक थेमे देब्रे काम्‍बाचेन सादु चुसुङ।

छ्या स्‍ये च्‍युताते बात 14:7

थेमे थे दूतकी कस्‍स्‍ये खाला छेरा खिन “परमेश्‍वरताङ ज्‍यीबा खि। थेला मान खाला छ्ये जो। था थेकी मि गाङेते न्‍याय खित्‍च्‍येते समय ख्‍योल्‍गीन सिन्‍सुङ। दि सा नाम, समुन्‍द्र थेमे छ्युई मोनतेबा गाङे जोकान्‍ते परमेश्‍वरते जय जय ओङस्‍यीत सिन सि,” सिन सिदुक।

छ्या स्‍ये च्‍युताते बात 16:17

पालो दुईनगी बाजि दूतकीचेन थे खोरोङगी खुराते कचौरा नामदुराङ पुसुङ। थोक खिताईताङ परमेश्‍वर मन्‍दिर सिंहासनदुकी आउदी कस्‍स्‍ये खाईन “जे ओङा फाप्‍च्‍या ओतान था थे ओङगीन सिन्‍सुङ,” सिन सिरा ङे थोसुङ।

छ्या स्‍ये च्‍युताते बात 4:11

“ङ्योकोन प्रभु परमेश्‍वर, खुईते जय जय ओङस्‍यीत। खोल्‍ला मान खिता सोई खिओ, खोत्ताङ छ्येज्‍यीक शक्ति ओत। च्‍यिला सासीन सा नाम थेमे ओताते जति गाङे खुईराङ जोबाते ईन। थोगी दिबा ओङाते ईन। दिबा गाङे खुई ज्‍वा चाला च्‍योकराङ खाईन जोबाते ईन,” सिन ओतान।

छ्या स्‍ये च्‍युताते बात 4:9

थोक खाला थेबा स्‍यीकारगी थे सिंहासन लाक देत्‍कान्‍तेला थेते जय जय ओङस्‍यीत सिन ओतान। थेबेकी थेला मान खिन धन्‍यवाद तेरगीन ओतान। थे सिंहासन लाक देत्‍कान्‍तेचेन सधैँभरि देत्‍कान्‍ते ईन।