छ्या स्ये च्युताते बात 1:4 - जिरेल4-5 एशिये अञ्चलदु फाप्च्येते सार दुईनकारदु जम्मा ओङकान्ते येशू ख्रीष्ट मिओन ख्योकोन गाङेला ङा यूहन्ना दि बातओन टिगीन ओत। परमेश्वर थेमे थे खोरोङ सिंहासन दोन्दु ओताते परमेश्वर आत्मा दुईनबोताङ येशू ख्रीष्टकी ख्योकोनला दया खाला लेमु खिनराङ देत्स्यीत। परमेश्वर थरिङोलाङ ओत, गोमामेकीराङ ओतान थेमे सधैँभरि देत्कान्तेङ थेराङ ईन। परमेश्वर सु ईन्दे सिन थेमे थेकी खित्च्येते कामगी बात लेमु खाला लाप्ला तेरकान्ते येशू ख्रीष्ट ईन। स्याप्ते मिओन नाङ गाङे भन्दा गोमा नोमुङ मिस्यिच्या खाला सोम्बो लोक्कान्तेचेन थेराङ ईन। थेचेन दि लुङबा मुलुक गेल्बोओनतेङ गेल्बो ईन। येशूचेन ङुरूङला आउदी ङिङज्ये खित्कान्ते ईन। ङुरूङ लाईदु स्यिजीन थे खोरोङ जीउदुकी थेन्दाते ठागी खित्सादु थेकी ङुरूङला पापदुकी टाल्सुङ, Faic an caibideil |
छ्या स्ये च्युताते बात 1:4
41 Iomraidhean Croise
दि किताबला ओताते बातओनचेन परमेश्वरगी येशू ख्रीष्टला तेन्गीन बिन्दाते बात ईन। था होत्ता ओङगीन ओताते दि बातओन थे खोरोङ काम खित्कान्ते मिओनला छ्या स्ये ज्युताला परमेश्वरगी येशू ख्रीष्टला तेन्गीन बिन्दा ओतान। थेमे दि बातओन लाःपाला येशू ख्रीष्टकी थे खोरोङ दूतज्यीकला थे खोरोङ काम खित्कान्ते यूहन्ना ओत्सादु ताङा ओतान।
ङा ख्योकोन आज्यो यूहन्नाङ ख्योकोन च्योकराङ येशूताङ जीउज्यीकराङ ओङाते मि ईन। थोगी ङेङ ख्योकोनगी च्योकराङ खाईन दुक्पा ङेता ओत। थेमे ङाङ परमेश्वर राज्यदु ख्योकोनताङ ङ्योम्बुराङ देता ङेत्क्यो। जस्तो दुक्पा ङेत्सीनोङ ङाङ ख्योकोन च्योकराङ खपे खाईन देता ओत। ज्येनला परमेश्वर बात लापेकी थेमे येशू ख्रीष्ट सु ईन्दे, थेकी च्यि खिते सिन लापेकी खित्सादु ङाला समुन्द्रे किल्दु ओताते पत्मोस लुङबापा उरगीन ताङा ओतान।
सार्डिस सारदु जम्मा ओङकान्ते येशू ख्रीष्ट मिओनला ताकोरा खित्कान्ते परमेश्वर दूतला दोक सिन टि। दि बातचेन परमेश्वर आत्मा दुईनबो ङ्योम्बु ओताते थेमे लाःक्तु कार्मा दुईन ओताते ङा सिन ओत। च्यि सासीन थेपा ख्योकोनगी च्यि च्यि खाबा ओते सिन गाङे बात ङाला छ्या ओत। मिओनगी ख्योकोनला परमेश्वरताङ डिक्कान्ते आउदी लेमु मि ईन खिदुक। दोक ईन्सीनोङ ख्योकोन थोक्ते मि मेन, ख्योकोननी परमेश्वर लाईदु स्याप छेतराङ गाल्ला दुक।
लाओडिसिया सारदु जम्मा ओङकान्ते येशू ख्रीष्ट मिओनला ताकोरा खित्कान्ते परमेश्वर दूतला दोक सिन टि। दि बातचेन साँचोते बातकामा खित्कान्ते थेमे परमेश्वर सु ईन्दे सिन थेमे थेकी खित्च्येते कामगी बात लेमु खाला लाप्ला तेरकान्ते आमेन सिराते ङा सिन ओत। परमेश्वरगी सा नाम थेमे ओताते जति गाङे ङे छ्य्वापेकीराङ जोबाते ईन।
फिलाडेल्फिया सारदु जम्मा ओङकान्ते येशू ख्रीष्ट मिओनला ताकोरा खित्कान्ते परमेश्वर दूतला दोक सिन टि। दि बातचेन सेमला पाप सिराते छ्याःङ मेताते, खिओ साबा च्योकराङ खित्कान्ते ङा सिन ओत। ङात्ताङ गेल्बो दाऊद सारगी गो बेत्च्येते साँचो ओत। ङे पेताते गो सुङगीङ च्येता मुथुबो थेमे ङे च्येताते सुङगीङ बेताङ मुथुबो।
थेबा स्यीकारते स्योक्पा ठुक ठुक ओतान। थेमे स्योक्पाओनलाङ लाक नाङ मिकराङ मिक ओतान। थेमे थेबाचेन ङीन नुप रकस्यिकोङ खाराक्पा मेदेता खाला “गाङे भन्दा छ्येज्यीक शक्ति ओताते प्रभु परमेश्वर, खो मेलेबा सिराते छ्याःङ मिक्किकान्ते ईन। सेमला पाप सिराते छ्याःङ मेताते खोकामा ईन। खो गोमा ओतान, थरिङोलाङ ओत थेमे तिरी तिरीसाकराङ देत्कान्तेङ खोराङ ईन,” सिनराङ देत्कीन ओतान।
थेरूई ङे थे सिंहासन दोन्दु लाकीन देताते लुई रीउज्यीक थोङसुङ। थे सिंहासनताङ थे लुई रीउकी फेरोलाचेन थे ङेपाक ओताते थरी स्यीबो थेमे थे मेरा खालज्यीकताङ स्यीबो छ्ये छ्येतेबा देता ओतान। थेला थोताते मा ताजीन थे लुई रीउ सेताते च्योकराङ थोङगीन ओतान। थेते रोज्यो दुईनताङ मिक दुईन ओतान। थे मिक दुईनचेन दि सा लुङबा खाङ खुदुक खुदुक काम खिताला ताङाते परमेश्वर आत्मा दुईनबो ईन।
Sanasan