छ्या स्‍ये च्‍युताते बात 1:18 - जिरेल

¹⁸ ङा सोन्‍लाराङ देत्‍क्‍यो। ङा पालोई स्‍यापनी ओतान, थाचेन ङा याङराङ नोमुङ मिस्‍यिओ। स्‍यिच्‍येते कालला ङे ग्‍याला ओत। थेमे सुइँदाला सजाय बिन्‍ला नरककुण्‍डमा लुबा फाप्‍सीन थोक खित्‍च्‍येते अधिकारोङ ङात्ताङ ओत।

छ्या स्‍ये च्‍युताते बात 1:18 Iomraidhean Croise

मत्ती 11:23

थेमे कफर्नहुम मिवे, ङे ख्‍योकोन नाङ अचम्‍बते काम काल्‍बेई खासुङ सिन ख्‍योकोनचेन स्‍वर्गने ड्वा ङेत्‍क्‍यो सिन छ्ये खाईन देत्‍ला दुक। तर न्‍याय खिते छोमु ख्‍योकोनलानी परमेश्‍वरगी नरककुण्‍डमाका लुक्‍यो। ङे ख्‍योकोन नाङ खाईन तेन्‍दाते अचम्‍बते कामतेबा सदोम सारदु खाईन तेन्‍दा ईन्‍सीन थेरू मि परमेश्‍वर छ्य्‌वापा लै खाला परमेश्‍वरगी थे सारला थोक खाला थोरूमसाक नाशराङ तोङच्‍या मेतान।

मत्ती 16:19

थेमे गोला साँचो देक्‍पाताङ बेताच्‍योक खाला ङा खोल्‍ला स्‍वर्गे राज्‍यदु चुक बेलाला च्‍यि खित्‍च्‍ये, च्‍यि मिक्‍किच्‍ये सिरच्‍येते अधिकार तेरग्‍यो। खुई दुरू मेङगो साबाते बातला परमेश्‍वरगीङ स्‍वर्गने मेङगोतराङ सिन सिओ। थेमे खुई दुरू ओङगो साबाते बातलाचेन थेकीङ ओङगोतराङ सिन सिओ,” सिन सिदुक।

लूका 24:5

थेबाला थोङगीन ज्‍यीबेकी थे फेम्‍मे मिओन खोपरोङ छ्येत उप्‍कीन खुङ खुगीन देत्‍सुङ। थेमे थेबा ङिबोकी थेबाला “सोम्‍बो लोगीन सिन्‍दे येशूला ख्‍योकोन च्‍यिला दि स्‍याप्‍ते मि ज्‍य्‌वासादु छोल्‍गीते?

यूहन्‍ना 11:25

थेमे येशूकी थेला “मिओनला स्‍यिसादुकी सोम्‍बो लोक्‍कान्‍ते ङाराङ ईन। थेमे नोमुङ मिसिन्‍च्‍येते जुनी तेरकान्‍तेङ ङाराङ ईन। ङाला विश्‍वास खित्‍कान्‍ते मिचेन नोमुङ मिसिन्‍च्‍येते जुनी ङेतेकी स्‍यिसीनोङ लोक्‍ला सोम्‍बो लोइओ।

यूहन्‍ना 14:19

था टिक्‍पी दिन तिरीमेकी दि सा लुङबे मिओनगी ङाला थोङराङ मोथोङो। ईन्‍सीनोङ ख्‍योकोनगीचेन ङाला थोङगो। ङा सधैँभरि सोन्‍ला देतेकी खित्‍सादु ख्‍योकोनोङ सोन्‍लाराङ देत्‍क्‍यो।

रोमी 6:9

चुक खाला सासीन परमेश्‍वरगी ख्रीष्‍टला स्‍यिसादुकी सोम्‍बो लोक्‍पा ओत। थे याङराङ नोमुङ मिस्‍यिओ। था थेला कालगी छ्याःङ खिता मुथुबो।

२ कोरिन्‍थी 13:4

ईन्‍दानी मिओनगी स्‍यिङगी थामला टाँए खाला सेत्‍जीन थे छ्याःङ खिता मुथुप्‍कान्‍ते च्‍योकराङ थोङा ओतान। थोक ईन्‍सीनोङ परमेश्‍वरगी थे खोरोङ शक्तिकी थेला सोम्‍बो लोक्‍पेकी थे सोम्‍बोराङ ओत। ख्रीष्‍टताङ जीउज्‍यीकराङ ओङाते मि ङ्योकोनलाङ मिओनगी छ्याःङ खिता मुथुप्‍कान्‍ते च्‍योकराङ थोङगो। ईन्‍सीनोङ ङ्योकोनगी ख्‍योकोन नाङ खित्‍च्‍येते गाङे काम ख्रीष्‍टताङ जीउज्‍यीकराङ ओङगीन परमेश्‍वर शक्ति छ्य्‌वापेकी खित्‍च्‍येते ईन।

गलाती 2:20

चुक खाईन सासीन ख्रीष्‍टला स्‍यिङगी थामला टाँए खाला सेत्‍जीन ङाङ थेत्ताङराङ थे थामला टाँए खाईन स्‍याप्‍ते ईन। ङा थोक खाईन स्‍याप ईन्‍सीनोङ थोरूमसाक सोम्‍बोराङ ओत। ङाराङ सोम्‍बो ओत्‍सीनोङ थरिङोला ङे जे खिदुक थे ङे खित्‍च्‍येते मेन, ख्रीष्‍ट ङे सेमगी नाङ ओतेकी ङे च्‍यि च्‍यि खिका गाङे थेकीराङ खित ज्‍युत्‍च्‍येते ईन। मास्‍यिथुप था ङा परमेश्‍वर फुज्‍युङला विश्‍वास खिन देत्‍ला थेकी खित ज्‍युता चाला च्‍योककामा खिन देत्‍क्‍यो। थेकी ङाला ङिङज्‍ये खाईन ङे लाईदु थे खोरोङ ज्‍यानराङ बिन्‍गीन स्‍या ओतान।

कलस्‍सी 3:3

च्‍यिला सासीन खेराङ ख्रीष्‍टताङ स्‍यिइन सिन्‍दाते मि ईन्‍देकी ख्‍योकोन गोमाबा खाबाच्‍योक खित्‍च्‍ये छ्य्‌वापेई ठाल्‍गीन सिन्‍दा ओत। ख्‍योकोनगी ख्रीष्‍टताङ ङेताते साम्‍बाते जुनी चुक्‍ते ईन्‍दे सिन परमेश्‍वरगी थरिङोला ज्‍येनला छ्या स्‍ये च्‍युता मेत। ख्रीष्‍ट परमेश्‍वरताङ स्‍वर्गने ङ्योम्‍बु ओतेकी मिओनगी मोथोङो।

हिब्रू 1:3

परमेश्‍वर फुज्‍युङला ताला परमेश्‍वरताङ चुक छ्येज्‍यीक शक्ति ओता ईन्‍दा सिन छ्या स्‍येक्‍यो। परमेश्‍वरताङ थेला छ्याःङ फरक मेत, परमेश्‍वर जस्‍तो दुक थेङ उस्‍तोराङ ओत। दि सा नाम थेमे सा नाम खाङ ओताते जति गाङेला तेइन दि दोक ओङस्‍यीत, थे थोक ओङस्‍यीत साला ओताते जति गाङे चुक चुक ओङा फाप्‍च्‍येते ईन्‍दे थोकराङ ओङ ज्‍युत्‍कान्‍ते थेराङ ईन। मि पापदुकी ठाल्‍च्‍येते लाम जोकीन थे स्‍वर्गने छ्येज्‍यीक शक्ति ओताते परमेश्‍वर सामे छ्य्‌वापा देता ओत।

हिब्रू 12:2

दोक दोक खित्‍जीन येशूकी चुक चुक खासुङा सिन टोक मेज्‍येता खाला थेलाराङ तेइन देता फाप्‍क्‍यो। परमेश्‍वरला चुक खाला विश्‍वास खित्‍च्‍ये सिन तेन्‍ला तेरकान्‍ते थेराङ ईन। थेकी खित्‍सादुराङ ङुरूङ जुनी खाङराङ परमेश्‍वरला विश्‍वास खिन देता थुप्‍क्‍यो। स्‍यिङगी थामला टाँए खाला सेत्‍च्‍येते बात मि ङोन्‍ला आउदी मेलेबा ईन्‍सीनोङ तिरी आउदी गा खिता ङेत्‍क्‍यो सिरच्‍येते बात सेमला ज्‍यागीन मिओनगी दुक्‍पा बिन्‍दाते गाङे खपे खिन स्‍यिङगी थामला टाँए खाला स्‍याप्‍लाङ थेकी छ्याःङ ङोचा माक्‍यासुङ। थेमे थे गाल्‍गीन परमेश्‍वर देत्‍च्‍येते सिंहासन सामे छ्य्‌वापा देता ओत।

हिब्रू 7:16

दि पूजारीचेन ज्‍येन च्‍योक पूजारी सन्‍तान नाङ केकीन पूजारी ओङाते मेन। दि पूजारी स्‍याप्‍ते स्‍यापराङ मेङा खाला स्‍यिसादुकी सोम्‍बो लोक्‍ला सधैँभरि देत्‍क्‍यो। थोगीराङ थे पूजारी ओङाते ईन।

हिब्रू 7:25

थोक ईन्‍देकीराङ खोपरोङला परमेश्‍वर दोन्‍दु खेरकान्‍ते थेराङ ईन सिन थे छ्य्‌वापा लै खित्‍कान्‍तेबाला थेकी पूरो खाला पापदुकी टाल्‍ला स्‍वर्गने देत ज्‍युत्‍क्‍यो। च्‍यिला सासीन थे सधैँभरि परमेश्‍वर दोन्‍दुराङ देत्‍ला थेबे लाईदु थेत्ताङ बात खिनराङ देत्‍क्‍यो।

छ्या स्‍ये च्‍युताते बात 10:6

थेमे थेकी स्‍वर्ग, पृथ्‍वी थेमे समुन्‍द्रताङ दिबे नाङ ओताते जति गाङे जोकान्‍ते सधैँभरि सोन्‍ला देत्‍कान्‍ते परमेश्‍वर मिन लाकीन दोक सिनकामा ना क्‍याल्‍सुङ। थेकी “था ईन्‍सीन समय छाङसुङ।

छ्या स्‍ये च्‍युताते बात 15:7

थेमे थे ङेपाक ओताते थरी स्‍यीबो नाङ दोक्‍पोईकी सधैँभरि सोन्‍ला देत्‍कान्‍ते परमेश्‍वरगी स्‍येदाङगी चूर गाल्‍ला तेरच्‍येते सजायकी टाम टाम खाङाते सेरगी कचौरा रेरे थे परमेश्‍वर दूत दुईनबोला बिन्‍सुङ।

छ्या स्‍ये च्‍युताते बात 2:8

स्‍मर्ना सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन गाङे भन्‍दा गोमामेई ओताते थेमे तिरी तिरीसाकराङ देत्‍कान्‍ते, स्‍यिइन च्‍याकीन सोम्‍बो लोक्‍पा ओताते ङा सिन ओत।

छ्या स्‍ये च्‍युताते बात 20:13

समुन्‍द्रे नाङ नुप्‍कीन स्‍याप्‍ते मि गाङे थेजीन थेरू ओतान। थेमे स्‍याप्‍तेबा ज्‍येनलाङ कालगी किल्‍गीन ज्‍य्‌वाबा माथुप्‍सुङ। थोकराङ खाईन स्‍याप्‍ते मिओन देत्‍च्‍येते ठाउँदु ओताते मितेबाङ गाङे थेरू वाबा ओतान। थोक ओङनामेई खोपरोङ खोपरोङगी खाबाते काम ताकीन थे मिओन न्‍याय ओङा ओतान।

छ्या स्‍ये च्‍युताते बात 20:14

दि तिरीचेन काल थेमे स्‍याप्‍ते मिओन देत्‍च्‍येते ठाउँला ज्‍यीबा लाङच्‍याज्‍यीक मे धुनीमा क्‍युरसुङ। था तिरी ज्‍यीबा लाङच्‍याज्‍यीक मे धुनीमा स्‍यूक्‍च्‍येते सिरातेचेन होदिराङ ईन।

छ्या स्‍ये च्‍युताते बात 3:7

फिलाडेल्‍फिया सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन सेमला पाप सिराते छ्याःङ मेताते, खिओ साबा च्‍योकराङ खित्‍कान्‍ते ङा सिन ओत। ङात्ताङ गेल्‍बो दाऊद सारगी गो बेत्‍च्‍येते साँचो ओत। ङे पेताते गो सुङगीङ च्‍येता मुथुबो थेमे ङे च्‍येताते सुङगीङ बेताङ मुथुबो।

छ्या स्‍ये च्‍युताते बात 4:9

थोक खाला थेबा स्‍यीकारगी थे सिंहासन लाक देत्‍कान्‍तेला थेते जय जय ओङस्‍यीत सिन ओतान। थेबेकी थेला मान खिन धन्‍यवाद तेरगीन ओतान। थे सिंहासन लाक देत्‍कान्‍तेचेन सधैँभरि देत्‍कान्‍ते ईन।

छ्या स्‍ये च्‍युताते बात 5:14

थेमे थे ङेपाक ओताते थरी स्‍यीबोकी आमेन सिन सिरजीन थे मेरा खालज्‍यीकताङ स्‍यीबो छ्ये छ्येतेबेकीचेन गुर्बु खाला से खिन थेबा ङिबोला छ्ये जोसुङ।

छ्या स्‍ये च्‍युताते बात 6:8

थेमे ताजीन कार्बो स्‍योरेज्‍यीक घोडा थेरू ओङा ङे थोङसुङ। थे घोडे लाक जेक्‍कान्‍ते मिनचेन स्‍यिच्‍येते काल ओतान। स्‍याप्‍ते मिओन देत्‍च्‍येते ठाउँचेन थे तिरी तिरी ओतान। दि सा लुङबा खाङ कोईला अनिकाल लाङला, कोईला तरवारगी तुप्‍ला, कोईला मेलेबा मेलेबा रोग खो च्‍युत्‍ला, कोईला री रीदाक लै खाला दि सा लुङबा खाङ ओताते बो स्‍यी मि नाङ बोज्‍यीकला सेत सिन कालताङ स्‍याप्‍ते मिओन देत्‍च्‍येते ठाउँला अधिकार बिन्‍दा ओतान।

छ्या स्‍ये च्‍युताते बात 9:1

थेमे पालो ङे बाजि परमेश्‍वर दूतकी थे खोरोङ बिकुल फुसुङ। थेमे ङे नामनेकी कार्माज्‍यीक पृथ्‍वीमा ङीम्‍बाते थोङसुङ। थे कार्मालाचेन खापान खापान तीङ ओताते डालुम गो बेत्‍च्‍येते साँचो बिन्‍दा ओतान।