छ्या स्‍ये च्‍युताते बात 1:10 - जिरेल

¹⁰ थेमे थेरू ङीमाई आदेरी छोमु च्‍यि ओङसुङा सासीन परमेश्‍वर आत्‍मेकी ङाला जुम्‍सुङ। थेमे ङे ङाराङ ल्‍हाकनापा सुइँदेकी ङाराङताङ बात खिन ओताते थोसुङ। थे ङोरो आउदी कस्‍स्‍ये खाईन फुबाते बिकुल ङोरो च्‍योक ओतान।

छ्या स्‍ये च्‍युताते बात 1:10 Iomraidhean Croise

मत्ती 22:43

थेरूई थेकी “थोक ईन्‍सीन ख्रीष्‍टकी विषयला बात खित्‍जीन चुक खाईन गेल्‍बो दाऊदकी परमेश्‍वर आत्‍मे छ्य्‌वापेई गोमाकाराङ थेला प्रभु सिन साबा ओताने, ओना?

यूहन्‍ना 20:19

थेमे थे आदेरी छोमुराङ नाम स्‍योनामेई यहूदीओन छ्ये छ्ये मि ज्‍यीबेकी येशू चेलाओन गोई लास्‍यिङ ग्‍याप्‍कीन देता ओतान। थे बेलालाराङ येशू थेबा ओत्‍सादु ख्‍योल्‍गीन “ख्‍योकोनला लेमु ओङस्‍यीत,” सिन सिदुक।

यूहन्‍ना 20:26

थेमे हप्‍ताई तिरी येशू चेलाओन लोईन खाम्‍बादु ङ्योम्‍बुराङ ओतान। दि पालोलाचेन थेबाताङ थोमाङ ओतान। गोई लास्‍यिङ ग्‍यापा ओत्‍सीनोङ थे छोमुङ चेलातेबा ओत्‍सादु येशू ख्‍योल्‍सुङ। थेमे थेबाला “ख्‍योकोनला लेमु ओङस्‍यीत,” सिन सिदुक।

शक्ति काम 20:7

थेमे आदेरी छोमु ङ्योकोन गाङेराङ थेरू येशूला विश्‍वास खित्‍कान्‍ते मिओनताङ प्रभु भोज साप्‍ला खाम्‍बाज्‍यीक्‍तु जम्‍मा ओङा ओतान। थेमे पावलगी गाङेताङ बात खिताला स्‍यूसुङ। ङारो च्‍योक्‍तेराङ थे खोरोङ थेरूकी डोच्‍येते ईन्‍देकी नुप फेतसाकोङ थेकी बात खाईन सिन्‍दा मेतान।

१ कोरिन्‍थी 12:3

ख्‍योकोनगी दि बात छ्या स्‍येबा खि। च्‍यि सासीन परमेश्‍वर आत्‍मे छ्य्‌वापेई बात खित्‍कान्‍ते मि सुङगीङ येशूला मोता सराप मिक्‍किओ। थोकराङ खाला परमेश्‍वर आत्‍मे छ्य्‌वापेई बाई सुङगीङ येशूराङ छ्ये ईन, थेराङ प्रभु ईन सिन सिरा मुथुबो।

१ कोरिन्‍थी 16:2

चुक सासीन हप्‍ताई पिच्‍छे आदेरी छोमु छोमु ख्‍योकोन गाङेकी दाक्‍पोन दाक्‍पोन कमाइ ताला खेराङगी तेरा थुप्‍च्‍या थुप्‍च्‍याज्‍यीक पैसा थेबे लाईदु टाल्‍ला ठाउँज्‍यीक्‍तु जम्‍मा खाला स्‍योक। थोक खाईन जम्‍मा खाईन ज्‍याक्‍सीन ङा थेपा वानामेकी थे पैसा दुत्‍च्‍येते काम खिता माफाबो।

छ्या स्‍ये च्‍युताते बात 17:3

थेरूई परमेश्‍वर आत्‍मेकी जुम जुम्‍बालाराङ थे परमेश्‍वर दूतकी ङाला काल्‍बा च्‍योक ठाःकताङ बालुवाकामा ओत्‍से नाङला खेरसुङ। थेरू ङे मोर्मुज्‍यीक जन्‍तु लाक्‍तु जेकीन देताते फेम्‍मे मिज्‍यीकला थोङसुङ। थे जन्‍तुते गोः दुईनताङ रोज्‍यो च्‍युताम्‍बा ओतान। थेमे थेते जीउ खाङ परमेश्‍वर विरोध खित्‍च्‍येते खुदुक खुदुक मिनकामा टिबा ओतान।

छ्या स्‍ये च्‍युताते बात 21:10

थेरूई परमेश्‍वर आत्‍मेकी जुम जुम्‍बालाराङ थे दूतकी ङाला आउदी थोम्‍बोज्‍यीक बोमगी टुप्‍पो लाक्‍तु खेरगीन परमेश्‍वर देत्‍सादुई स्‍वर्गनेकी थुल्‍लाला फाप्‍कीन ओताते परमेश्‍वर सार सिरच्‍येते यरूशलेम तेन्‍गीन बिन्‍सुङ।