फिलिप्‍पी 4:5 - जिरेल

⁵ ख्‍योकोन मि गाङेताङ खा छ्येत लेमु खित्‍कान्‍ते मि ईन सिन गाङेकी छ्या स्‍येस्‍यीत। प्रभु येशू ग्‍युरला ओङच्‍ये बेला लेपा खासुङ सिन टोक माज्‍येत।

फिलिप्‍पी 4:5 Iomraidhean Croise

मत्ती 6:25

बात दोक ईन्‍देकी च्‍यि साच्‍ये, च्‍यि थुङच्‍ये थेमे च्‍यि खोन्‍च्‍ये सिन ख्‍योकोन पीर माकेत। च्‍यि मि जुनी भन्‍दाङ साप थुङा छ्ये ईनरो? ना जीउ भन्‍दाङ खोन्‍च्‍येतेका छ्ये ईन्‍दे?

मत्ती 6:34

थोगी ङारो च्‍यि ओङोङा, सा थुङा ङेदोङाना माङेदोङा सिन थरिङराङ पीर माकेत। च्‍यिला सासीन ङारो लाईदु गोच्‍येते ङारोराङ ङेत्‍क्‍यो। थरिङला थरिङ बातकामा विचार खासीन ओङगो।

लूका 21:34

थोगी ख्‍योकोनगी परमेश्‍वर ओत्‍सादुई वाबाते मि ङा ग्‍युरला ओङे छोमुसाक चुक खाला देता फाप्‍च्‍या ईन्‍दाका सिन खोबा खि। तिरी बो माताबा खाला सोला थुला छ्याङगी जिला मादेत। दि जुनी विचारकामा खाला साच्‍या थुङच्‍याताङ खोन्‍च्‍ये पीर माकेत। दोक खिन देत्‍सीन खरेउ तोर्बाकला थेप्‍लु खाला थे दिन लेपे छोमुकामा ख्‍योकोनगी छ्या स्‍येक्‍यो।

१ कोरिन्‍थी 16:22

सुइँदेकी प्रभु येशूला ङिङज्‍ये मिक्‍किदुक सासीन थोक्‍ते मिला परमेश्‍वरगी सराप तेरस्‍यीत। स्‍योक स्‍योक प्रभु येशू, खो होत्ता स्‍योक।

१ कोरिन्‍थी 6:7

थोक खाला दाक्‍पोन नाङ मिडिक्‍च्‍येते थेमे थोम्‍मु खित्‍च्‍येते ख्‍योकोनला सोई मिक्‍किच्‍येते बात ईन। मुद्धा रीला भन्‍दानी बरू ज्‍येनगी अन्‍याय खासीनोङ थेमे खेराङते खइँदा ठ्वासीनोङ खाराक्‍पाराङ देता लेमु मेनरो?

१ कोरिन्‍थी 8:13

थोगी ङा ख्‍योकोनला च्‍यि सिते सासीन ङे खइँदा सोबा थुबा थोङला सुइँदा ङाराङ आज्‍यो न्‍वाकीङ ङे खाबा च्‍योकराङ खिदुक थेमे थेबाला खोपरोङगी थोक खाबाते पाप खाबाते ईन सिराच्‍योक लाङगीदुक सासीन थेबाला थोक मेङस्‍यीत सिन ङा नोमुङ स्‍या मास्‍साओ। च्‍यिला सासीन ङा थेबाला पाप खित ज्‍युता मोछोलो।

१ कोरिन्‍थी 9:25

खेलकूदला भाग लिन्‍कान्‍ते मि जसकीङ ग्‍याल्‍ला पुरूस्‍कार ङेता थुप्‍स्‍यीत सिन खोपरोङ जीउला ङार्माताङ थाङ मेछ्येत्‍च्‍या ज्‍वाप्‍ला ङीमे ठाङमा दुक्‍पा खाला तालिम खित्‍च्‍येते खिओ। थेबेकी ङेत्‍च्‍येते पुरूस्‍कारचेन ङीमाई छ्याःङ काम लै मिक्‍किच्‍या डुइओ। तर ङुरूङगी ङेत्‍च्‍येते इनामचेन नोमुङ होथोक खाला काम लै मिक्‍किच्‍या मोन्‍डोओ।

२ कोरिन्‍थी 10:1

थेमे ज्‍येन बात कोई कोईकी ङा ख्‍योकोन दोन्‍दु ओत्‍जीनचेन बात खितालाङ ज्‍यीबा खिन ओतान, थारीला गाल्‍नामेईचेन ङाराङ ईन सिराच्‍योक खाला बात खित्‍च्‍याक्‍वा सिन ङे बात खिदुक्‍लो। था ङा पावल ख्रीष्‍टकी खाबा च्‍योकराङ ङाराङ ईन सिराच्‍योक मिक्‍किता खाला थेमे स्‍येदाङ मिक्‍किता खाला ख्‍योकोनताङ बात खितामीन।

२ थिस्‍सलोनिकी 2:2

सुइँदेकी प्रभु येशू ग्‍युरला ओङच्‍येते दिन नाम वाओङा सिन गुला देता माफाबो, थे लेप्‍कीन सिन्‍सुङ सिरजीनमेईराङ थेबे बात ङेन्‍ला दि बात पक्‍काराङ ईन्‍ताकाना च्‍यिन्‍ताका सिन ज्‍यीबेकी आते खाला अलमल्‍ल परे माकेत। थोक सिरकान्‍ते मिओनगी दि बातनी पावलबेकी परमेश्‍वर आत्‍मे छ्य्‌वापेई साबाते ईन सासीनोङ, पावलबा खोपरोङगीराङ साबाते ईन सासीनोङ कि पावलबेकी चिट्ठीला टिबाते बात ईन सासीनोङ थोक्‍ते बात ङेनराङ माङेन।

तीतस 3:2

थेबेकी मेन्‍दे बातला सुङलाङ दोष लै खिता मेङगो, गाङेताङ डिक्‍ला थुन्‍ला देता फाप्‍क्‍यो, सुङताङ स्‍येदाङ मिक्‍किता खाला गाङेताङ खा छ्येत लेमु खिता फाप्‍क्‍यो सिन सि।

हिब्रू 10:25

थेमे कोई कोईकी गाङेराङ जम्‍मा ओङसाला ड्वा ताङला दुक। दोक खिता मेङगो। प्रभु येशू ग्‍युरला ओङच्‍येते दिन था काल्‍बेई बाँकी मेत सिन ङुरूङला छ्या ओतेकी बरू ङुरूङगी गाङेराङ जम्‍मा ओङला परमेश्‍वरला विश्‍वास खिनराङ देताला दोक्‍पोईकी ज्‍येनज्‍यीकला आँट तेरा फाप्‍क्‍यो।

हिब्रू 10:37

परमेश्‍वर बातला “था थेमा ग्‍युरला ओङकान्‍ते ओङा खाईन सिन्‍सुङ। रकस्‍यिकोङ अलमल मिक्‍किता खाला था थे दाक ओङगो।

१ पत्रुस 1:11

थेबे सेमगी नाङ ओताते ख्रीष्‍टकी आत्‍मेकी ख्रीष्‍टकी देमा वाला दुक्‍पा भोगे खाला स्‍या फाप्‍च्‍येते थेमे थे दुक्‍पा भोगे खाईन सिन्‍नामेई परमेश्‍वरगी थेला छ्येज्‍यीक मान तेरच्‍येते बात थेबाला छ्या स्‍ये च्‍युत्‍नामेई था च्‍यि बेलाला चुक चुक ओङजीन परमेश्‍वरगी थोक खिताका सिन थेबेकी छ्या स्‍येबा चाला ओतान।

१ पत्रुस 4:7

थेमे था दि जुग सिन्‍च्‍ये बेला लेपा खाबा ओत। दाक्‍पोन सेम काबूला ज्‍याक्‍ला ख्‍योकोन च्‍याङबो खाला देत। दोक खासीन ख्‍योकोन परमेश्‍वरताङ प्रार्थना खिन देता थुप्‍क्‍यो।

छ्या स्‍ये च्‍युताते बात 22:20

दि गाङे बात दुरू साबा च्‍योकराङ ईन, ईन्‍दातेराङ ईन सिन सिरकान्‍तेकी “था ङा होत्ताराङ ओङगीन ओत,” सिन सिओ। आमेन, लो स्‍योक स्‍योक प्रभु येशू।

छ्या स्‍ये च्‍युताते बात 22:7

थेमे प्रभु येशूकी “था ङा होत्ताराङ ओङगीन ओत। था तिरी ओङच्‍येते परमेश्‍वरगी छ्या स्‍ये च्‍युताते दि किताब नाङ टिबाते बातओन ङेन्‍कान्‍ते मि भाग्‍यमानी ईन,” सिन सिदुक।