फिलिप्‍पी 4:3 - जिरेल

³ ङात्ताङ डिक्‍ला ङे च्‍योकराङ खाला काम खित्‍कान्‍ते ङे र्‍वा खुई थे फेम्‍मे मि ङिबोला डिक्‍पा खाला बिन। गा लाङच्‍येते बात फैले खिताला ङात्ताङ थोङला दुक्‍पा खाला खाला काम खित्‍कान्‍ते मि नाङ क्‍लेमेण्‍टताङ ज्‍येनतेबाकामा मेन, होथे फेम्‍मे मि ङिबोङ ईन। थेबा गाङे मिन नोमुङ मिसिन्‍च्‍येते जुनी ङेत्‍कान्‍ते मिओन मिन टिबाते किताबला टिबा ओत।

फिलिप्‍पी 4:3 Iomraidhean Croise

लूका 10:20

ल्‍हन्‍डीकओनगी ख्‍योकोनगी कोताते ङेन्‍दा थोङजीन गा लासुङ मेन? गा खित्‍च्‍येते बातचेन दिराङ मेन। परमेश्‍वरगी तिरी थे खोरोङताङ देता ङेत्‍कान्‍ते मिओन नाङ स्‍वर्गने ख्‍योकोन मिनोङ टिबा ओत। गा खिता फाप्‍च्‍येते बातनी दिका ईन,” सिन सिदुक।

रोमी 12:1

थेमे था आज्‍यो न्‍वावे, परमेश्‍वरगी ङुरूङला थोक आउदी खाईन ङिङज्‍ये खाबा ओतेकी ङा ख्‍योकोनला दोक खि सिन सिओ। ओर्च्‍ये ख्‍योकोनगी खेराङ जीउ परमेश्‍वरतेराङ ईन सिन साला थेकी साबा साबा च्‍योकराङ खिओ सिन थेलाराङ सोम्‍पे खि। थेला मन परे खित्‍च्‍येते भोग बिन्‍दाच्‍योक ओङस्‍यीत सिन ख्‍योकोनगी होदोक खाला खेराङ जीउ थेला सोम्‍पे खि। थे खोरोङगी साबाच्‍योक खाला थेला माने खित्‍च्‍येतेङ होदोकराङ खाला ईन।

रोमी 16:12

थेमे दुक्‍पा खाला खाला प्रभु ख्रीष्‍टकी काम खिन ओताते नुमुबा ङिबो त्रिफेनाताङ त्रिफोसाला ङेते नमस्‍ते ओत्‍लो सि। थोकराङ खाला ङिङज्‍येते नुमु परसीसलाङ ङेते नमस्‍ते ओत्‍लो सि। थेकी आउदी दुक्‍पा खाईन प्रभु ख्रीष्‍टकी काम खाबा ओतान।

रोमी 16:9

थोकराङ खाला ङ्योकोन च्‍योकराङ ख्रीष्‍टकी काम खित्‍कान्‍ते उर्बानसला ङेते नमस्‍ते सि। ङे ङिङज्‍येते र्‍वा स्‍ताकिसलाङ ङेते नमस्‍ते ओत सि।

फिलिप्‍पी 1:12

थेमे आज्‍यो न्‍वावे, ङाला जेलदु ज्‍याक्‍पातेनी लेमुका ओङसुङ। ङाला जेलदु ज्‍याक्‍नामेई झन काल्‍बेई मिकी गा लाङच्‍येते बात थोबा ओत।

फिलिप्‍पी 1:16

लेमु सेमगी लोप्‍कानगीचेन ङे अड्डादु बयान तेरजीन थेरू मिओनला गा लाङच्‍येते बात सत्‍यते ईन सिन सिराला ङा दुरू जेलदु देता फापाते ईन सिन छ्या स्‍येबा ओतेकी ङाला मद्धत खिताला थे बात लोप्‍कीदुक।

फिलिप्‍पी 1:27

था जे ओङसीनोङ ख्रीष्‍टते गा लाङच्‍येते बात ङेन्‍कान्‍ते मिओनगी चुक चुक खिता फाप्‍च्‍येते ईन्‍दे ख्‍योकोनगी होथोकराङ खि। च्‍यि सासीन ख्‍योकोन गाङेराङ सेमज्‍यीकराङ खाला डिक्‍ला देत। ज्‍येनगी जे सासीनोङ जति दुक्‍पा बिन्‍सीनोङ ख्‍योकोन गाङेराङ डिक्‍ला खेराङगी ङेन्‍दाते गा लाङच्‍येते बात ङेन्‍गीनराङ देत। ङा थेपा वासीन ख्‍योकोनगी थोक खिन ओताते ङाराङगीराङ थोङगो, मासुङ सासीनोङ ख्‍योकोनगी थोक खिन दुक्‍लो सिन ङे थोबा ङेत्‍स्‍यीत।

फिलिप्‍पी 1:5

ङा च्‍यिला थेला धन्‍यवाद तेरगीते सासीन खेराङगी गा लाङच्‍येते बात ङेन्‍दा छुरनामेई दि बात ज्‍येनगीङ छ्या स्‍येबा फाप्‍क्‍यो सिन ख्‍योकोनगी ङात्ताङ डिगीन दि बात फैले खित्‍च्‍येते काम खासुङ। थोक खिता ख्‍योकोनगी थोरूमसाक ताङा मिन्‍दुक।

फिलिप्‍पी 1:7

ख्‍योकोन विषयला खाबाते दि बात ङे थाराङ खाबाते मेन। ङा ङीन नुप ख्‍योकोनला सम्‍झे खिनराङ देत्‍क्‍यो। ङा दुरू जेलदु देता ओत्‍सीनोङ थेमे ङाराङगी लोप्‍च्‍येते बात सत्‍यते ईन सिन बेला बेलाला अड्डादु बयान तेरा फाप्‍सीनोङ परमेश्‍वर दयेकी खित्‍सादुराङ ङे दोक दोक खिता थुपा ओत। ङाला दया खित्‍कान्‍ते परमेश्‍वरगी ख्‍योकोन गाङेलाङ ङाला च्‍योकराङ खाला दया खिन ओत।

फिलिप्‍पी 4:2

थेमे इयोदियाताङ सिन्‍तकेला ङा च्‍यि सिते सासीन ओर्च्‍ये, खेराङ ङिकाराङ प्रभु येशू मि ईन सिन सम्‍झे खाला लोक्‍ला डिक्‍ला थुन्‍ला देत।

कलस्‍सी 1:7

गा लाङच्‍येते बात ख्‍योकोनला इपाफ्रासकी लापाते ईन सिन ङ्योकोनगी सिरा माफाप्‍तासीन। इपाफ्रासला ङ्योकोन ङिङज्‍ये खिओ। दिङ ङ्योकोन च्‍योकराङ ख्रीष्‍टकी काम खित्‍कान्‍ते मि ईन। ङ्योकोन साटोला दिकी खिता फापा च्‍योकराङ खाला ख्‍योकोन नाङ ख्रीष्‍टकी काम खिन दुक।

छ्या स्‍ये च्‍युताते बात 13:8

थेमे दि सा लुङबे मि गाङेकी थे जन्‍तुला मान खाला छ्ये जोइओ। खालि दि सा नाम ज्‍वा भन्‍दा गोमाराङ नोमुङ मिसिन्‍च्‍येते जुनी ङेत्‍कान्‍ते मिओन मिन टिबाते किताब नाङ खोपरोङ मिन ओताते मिओनगीकामा थे जन्‍तुला मान खाला छ्ये मोजोओ। थे मिन टिबाते किताबचेन लुई रीउते ईन।

छ्या स्‍ये च्‍युताते बात 17:8

खुई थोङाते दि जन्‍तु गोमा पालोई ओतान, थाल्‍ला मेत। थे था तिरी खापान खापान तीङ ओताते डालुममेकी थेन्‍ला ओङगो। तर थेन्‍गीन वानामेकी थे सजाय ङेत्‍ला नरककुण्‍डमा ड्वा फाप्‍क्‍यो। दि सा नाम ज्‍वा भन्‍दा गोमामेकीराङ नोमुङ मिसिन्‍च्‍येते जुनी ङेत्‍कान्‍ते मिओन मिन टिबा ओताते किताबला खोपरोङ मिन टिबा मेताते मिबरीचेन थे जन्‍तुला थोङजीन छक्‍क परे खिओ। च्‍यिला सासीन थे जन्‍तु गोमा ओतान, थाल्‍ला मेत थेमे था ङीमाई याङराङ थे दुरू ओङगो।

छ्या स्‍ये च्‍युताते बात 20:12

थेमे ङे छ्ये टेक्‍टे स्‍याप्‍ते मिबरी गाङेला थे सिंहासन दोन्‍दु लाकीन देता ओताते थोङसुङ। थेरू किताबओन खोले खासुङ। थे तिरी ज्‍येनज्‍यीक किताब खोले खासुङ। दि तिरी किताबचेन नोमुङ मिसिन्‍च्‍येते जुनी ङेत्‍कान्‍ते मिओन मिन टिबाते किताब ओतान। मिओनगी खोपरोङ जुनी खाङ खाबाते लेमु मेलेबा गाङे काम थे किताबओनला टिबा ओतान। थेबेकी खाबाते काम ताकीनराङ थेबा गाङेते न्‍याय खासुङ।

छ्या स्‍ये च्‍युताते बात 20:15

नोमुङ मिसिन्‍च्‍येते जुनी ङेत्‍कान्‍ते मिओन मिन टिबा ओताते किताब नाङ मिन मेताते मिलाचेन गाङेला थे मे धुनीमा क्‍युरसुङ।

छ्या स्‍ये च्‍युताते बात 21:27

परमेश्‍वरला मन परे मिक्‍किच्‍येते सिराते थे सारगी नाङ छ्याःङ मेङगो। खिता मेङच्‍येते ङोचा लाङच्‍येते काम खित्‍कान्‍ते थेमे ढाँर खित्‍कान्‍तेबाचेन बान्‍दा थे सारगी नाङ स्‍यूक्‍पा मेङेदो। खालि नोमुङ मिसिन्‍च्‍येते जुनी ङेत्‍कान्‍ते मिओन मिन टिबा ओताते किताब नाङ खोपरोङ मिन ओताते मिओनकामा थे सारगी नाङ स्‍यूक्‍पा ङेत्‍क्‍यो। थे मिन टिबाते किताबचेन लुई रीउते ईन।

छ्या स्‍ये च्‍युताते बात 3:5

शैतान शक्तिला ग्‍याल्‍कान्‍ते मिला ङा होदोक खाला कार्मुते खोलाक कोन्‍ला तेरग्‍यो। थेमे नोमुङ मिसिन्‍च्‍येते जुनी ङेत्‍कान्‍ते मिओन मिन टिबाते किताब नाङदुकी ङा थे मि मिन मेटे मिक्‍किओ। थोकराङ खाला ङे आबाताङ थे दूतओन दोन्‍दु ङा थेला ङाराङ मि ईन सिन सिओ।