फिलिप्‍पी 4:21 - जिरेल

²¹ येशू ख्रीष्‍टताङ जीउज्‍यीकराङ ओङाते परमेश्‍वर सन्‍तान ख्‍योकोन गाङेला ङेते नमस्‍ते ओत। दुरू ङात्ताङ ओताते न्‍वाओनते ख्‍योकोनला नमस्‍ते ओत्‍लो।

फिलिप्‍पी 4:21 Iomraidhean Croise

मत्ती 5:47

ख्‍योकोनगी दाक्‍पोन मिलाकामा मान खाईन लेमु बात खासीन थे च्‍यि अचम्‍बते बात ईन्‍देरो? दाक्‍पोन मिलाकामा ङिङज्‍ये खित्‍च्‍येतेनी परमेश्‍वरला छ्या मेस्‍येकान्‍ते मिओनगीङ खिओ।

१ कोरिन्‍थी 1:2

ङा दि चिट्ठी कोरिन्‍थ सारदु जम्‍मा ओङकान्‍ते परमेश्‍वर मिओन ख्‍योकोनला टिगीन ओत। येशू ख्रीष्‍टकी खित्‍सादु परमेश्‍वरगी ख्‍योकोन सेम खुदुक जोकीन थे खोरोङ सन्‍तान ईन सिन छाने खाबा ओत। दुरू टिबाते बातचेन ख्‍योकोन च्‍योकराङ प्रभु येशू ख्रीष्‍टला प्रभु सिन सिरकान्‍ते गाङेपे मिलाङ ईन। येशू ख्रीष्‍टचेन थेबेतेङ ङुरूङतेङ मालिक ईन।

गलाती 1:2

गलातिये अञ्‍चलदु ठाउँ ठाउँला जम्‍मा ओङकान्‍ते येशू ख्रीष्‍ट मि ख्‍योकोन गाङेला ङा दि चिट्ठी टिगीन ओत। दुरू ङात्ताङ ओताते आज्‍यो न्‍वाओनतेङ ख्‍योकोनला नमस्‍ते ओत्‍लो।

गलाती 2:3

दि गाङे बात सानामेकीङ ङे ङ्योम्‍बुराङ खेराते तीतस ग्रीक ईन्‍सीनोङ परमेश्‍वरगी यहूदीओनला बिन्‍दाते नियमला साबाच्‍योक खाला तीतसकीङ जीउला खतकी चिनु ज्‍वा फाप्‍क्‍यो सिन थेबा सुङगीङ मासासुङ।

एफिसी 1:1

दि चिट्ठी टिक्‍कान्‍ते ङा पावल ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत। ङा दि चिट्ठी एफिसस सारदु ओताते परमेश्‍वर सन्‍तान ख्‍योकोनला टिगीन ओत। ख्‍योकोन येशू ख्रीष्‍टला विश्‍वास खित्‍कान्‍ते थेमे थेत्ताङ जीउज्‍यीकराङ ओङाते मि ईन।

फिलिप्‍पी 1:1

दि चिट्ठी टिक्‍कान्‍ते ङा पावल थेमे तिमोथी ईन। ङ्योकोन येशू ख्रीष्‍ट काम खित्‍कान्‍ते मि ईन। ङ्योकोन दि चिट्ठी फिलिप्‍पी सारदु ओताते परमेश्‍वर सन्‍तानओनला ताकान्‍तेबे नाङ छ्येते मिओन थेमे थेबाला थोक खिताला मद्धत तेरकान्‍ते मिओनला टिगीन ओत। थेबालाकामा मेन्‍देकी दि चिट्ठी येशू ख्रीष्‍टताङ जीउज्‍यीकराङ ओङाते परमेश्‍वर सन्‍तान ख्‍योकोन गाङेला टिगीन ओत।

फिलिप्‍पी 4:7

थोक थोक खासीन ख्‍योकोनगी जति बुद्धि खिये खासीनोङ खोबा मुथुप्‍च्‍या खाला परमेश्‍वरगी अचम्‍ब खाला ख्‍योकोन सेमला ढुक्‍क लोङगो। थेकी थोक खानामेई येशू ख्रीष्‍टताङ जीउज्‍यीकराङ ओङा ओतेकी ख्‍योकोन सेमला पीरताङ ताप माफाबो, फाप्‍सीनोङ थेतेराङ विचार खिन देता माफाबो।