फिलिप्‍पी 4:17 - जिरेल

¹⁷ दि बात खित्‍जीन ङाराङला पैसा बिन्‍दाते बातलाकामा मेन, ख्‍योकोनगी ङाला दोक खाबेकी परमेश्‍वरगी ख्‍योकोनला आशी बिन्‍ला लेमु खिओ सिन ङाला झन गा लाबा ओत।

फिलिप्‍पी 4:17 Iomraidhean Croise

यूहन्‍ना 15:16

ख्‍योकोनगी ङाला छाने खाबाते मेन। ख्‍योकोनगी लेमु लेमु काम खिता थुप्‍स्‍यीत थेमे ख्‍योकोनगी खाबाते दोक्‍ते काम नोमुङ खेरो मोन्‍डोस्‍यीत सिन ङेका ख्‍योकोनला छाने खाबाते ईन। ख्‍योकोनगी ङे खित ज्‍युता चाला च्‍योकराङ खानामेई ङे मिन लाकीन आबाताङ जे नाङ खासीनोङ थेकी ख्‍योकोनला तेरग्‍यो।

यूहन्‍ना 15:8

अंगूर काल्‍बेई गोन्‍दाच्‍योक खाला ख्‍योकोनगी लेमु लेमु कामकामा खानामेई ङे आबाताङ चुक छ्येज्‍यीक शक्ति ओता ईन्‍दाका सिन मिओनगी छ्या स्‍येक्‍यो। दोस्‍यिककामा मेन, ख्‍योकोनगी थोक लेमु खाबा थोङजीन ख्‍योकोन ङे चेला दुका सिन गाङेकी छ्या स्‍येक्‍यो।

रोमी 15:28

था यरूशलेमपा गाल्‍ला थेबाला तेरा फाप्‍च्‍येते पैसा थेबे लाःक्‍तु बिन्‍गीन सिन्‍नामेईचेन ङा ख्‍योकोन ओत्‍सापा खाला स्‍पेनपा डुइओ।

२ कोरिन्‍थी 11:16

थेमे दि बात ङा याङराङ सिरामीन। च्‍यि सासीन ख्‍योकोन सुङगीङ ङाला थेकी चुकस्‍यिक लेम्‍बे बात खासुङा सिराच्‍योक माकेत। ख्‍योकोन थोक खिओतराङ सासीनका ङा होथोक्‍ते मिकी च्‍योकराङ खाला बात खितामीनना ओना। थेमे ज्‍येन च्‍योकराङ ङाङ ङा दोक्‍ते मि ईन, ङे दोक खिता थुप्‍क्‍यो सिन बात खितामीन।

२ कोरिन्‍थी 9:5

थोक मेङस्‍यीत सिनराङ ङाराङ ओङा भन्‍दा गोमाराङ दि न्‍वाओनला ख्‍योकोन ओत्‍सापा तोङा फाप्‍क्‍यो सिराच्‍योक लाबेकी ङा दिबाला थेपा ग्‍युक सिन तोङगीन ओत। था वाला दिबेकी ख्‍योकोनगी तेरग्‍यो साबाते थे पैसा गाङे जम्‍मा खाला ज्‍य्‌वाबा थुप्‍क्‍यो। दोक ओङनामेई ख्‍योकोन सुङगीङ करला फाप्‍कीन बिन्‍दाते मेन्‍देकी खेराङ राजी खुशीकी बिन्‍दाते दुका सिन ज्‍येनगी छ्या स्‍येक्‍यो।

फिलिप्‍पी 1:11

थेमे परमेश्‍वरगी खि साबाच्‍योक खाला लेमुते कामकामा खित्‍कान्‍ते मि ओङगो। परमेश्‍वरगी मान ङेत्‍स्‍यीत थेमे थेते जय जय ओङस्‍यीत सिनराङ येशू ख्रीष्‍टकी खित्‍सादु ख्‍योकोन थोक्‍ते मि ओङच्‍येते ईन।

फिलिप्‍पी 4:11

ङाला दुक्‍पा ओत, ख्‍योकोनगी ता फाप्‍सुङ सिन ङे दि बात खाबाते मेन। ङेनी जस्‍तो ओङजीनोङ जहिलेङ सन्‍तो खाईन देता स्‍येबा ओत।

१ थिस्‍सलोनिकी 2:5

ख्‍योकोनताङ ओत्‍जीनोङ ङ्योकोनगी खोलु सिराते बान्‍दा माक्‍या। थोकराङ खाईन सेमदुचेन ख्‍योकोनगी खइँदा तेरगीता सिन लोभ खाईनोङ थे बात मालाप। दि बात ख्‍योकोनला सिरा माफाप्‍तासीन। ङ्योकोनगी साबाते बात ढाँर खाबाते मेन सिन परमेश्‍वरला छ्या ओत।

१ तिमोथी 3:3

थे छ्याङ रक्‍सी काल्‍बा मुथुङकानज्‍यीक, मिला लाःक मोतोङकानज्‍यीक, गाङेताङ खा छ्येत लेमु खित्‍कानज्‍यीक, थोम्‍मु जीङगा मिक्‍किकानज्‍यीक थेमे पैसे लोभ मिक्‍किकानज्‍यीक ओङा फाप्‍क्‍यो।

१ तिमोथी 6:10

च्‍यिला सासीन पैसे लोभकी खित्‍सादुराङ मिकी जेसुकै मेलेबा काम खित्‍च्‍येते ईन। पैसे लोभला स्‍यूकीन कोई कोईकी येशू ख्रीष्‍टला विश्‍वास खाईन ङेन्‍दाते बात ङेन्‍दा ताङला दुक। थोक खाबेकी खित्‍सादु थेबा हत्तेरिका ङे च्‍यिला थोक खाताका सिराच्‍योक गाल्‍गीन थेबे सेम पीरताङ तापकी छोला दुक।

तीतस 1:7

दोक खाला येशू ख्रीष्‍ट मिओनला ताकान्‍ते छ्येते मिकीचेन परमेश्‍वरगी खि साबाते काम खित्‍च्‍येते ईन्‍देकी सुङगीङ दिकी दि दि गल्‍ती खाबा ओत सिन साबा मेताज्‍यीक ओङा फाप्‍क्‍यो। थोक्‍ते मि दाक्‍पोन बातलाकामा जिद्धी मिक्‍किकानज्‍यीक, होत्ता स्‍येदाङ मिक्‍किकानज्‍यीक, छ्याङ रक्‍सी काल्‍बा मुथुङकानज्‍यीक, मिला लाःक मोतोङकानज्‍यीक थेमे सम्‍पत्ति ज्‍वाप सिन पैसे लोभला मुस्‍यूक्‍कानज्‍यीक ओङा फाप्‍क्‍यो।

तीतस 3:14

दोक खाला सुङगीङ दाक्‍पोनला छ्याःङ काम लै मिक्‍किच्‍येते मि मिसिरस्‍यीत सिन येशू ख्रीष्‍ट मिओनगीचेन सुइँदाला खाँचो परे खाबे बेलाला खइँदा तेरा फाप्‍सीन थोक खिता फाप्‍च्‍याक्‍वा सिन गाङेकी लोप्‍स्‍यीत।

हिब्रू 6:10

ख्‍योकोनगी परमेश्‍वरला थोई ङिङज्‍ये खिते सिन परमेश्‍वर सन्‍तान ज्‍येनतेबाला ङिङज्‍ये खाईन लेमु खाबाते थेमे थोरूमोङ थोकराङ खिन ओताते बातकी छ्य्‌वापेई लेमु खाला छ्या स्‍येबा थुप्‍कीदुक। ख्‍योकोनगी थोक खाबाते परमेश्‍वरला गाङे छ्या ओत। थेकी दि बात थाराङ टोक मेज्‍येदो।

१ पत्रुस 5:2

चुक सासीन लुई गोठालेकी लुक ताप च्‍योकराङ खाला लेमु खाला तो सिन परमेश्‍वरगी खेराङ जिम्‍माला बिन्‍दाते परमेश्‍वर मिओनला लेमु खाला तो। परमेश्‍वरगी ङाला दोक खि साबेकी ङे दोक खिता करराङ लै खासुङ सिराच्‍योक माकेत, बरू गा खिन दाक्‍पोन राजी खुशीकी दि काम खाबाते ईन सिराच्‍योक खाला थेबाला लेमु खाला तो। थेमे दि काम खित्‍जीन पैसा थोई ङेत्‍कीका सिन पैसे लोभ खाला मेन्‍देकी दि काम खिता आउदी सेम ओताच्‍योक खाला काम खि।

२ पत्रुस 2:15

थेबा लेमु काम खिता ताङगीन खोपरोङ लामला ख्‍याम्‍ला दुक। थेबाचेन थाङबो बओर फुज्‍युङ बालामगी खाबा च्‍योकराङ खिन दुक। पैसे लोभ खाईन बालामचेन मेलेबा काम खिताला अघि सरे खाबा ओतान।

२ पत्रुस 2:3

पैसे लोभकी खित्‍सादु थेबेकी ख्‍योकोनला मेन्‍दा मेन्‍दे बात जोला लाप्‍ला ठगे खिओ। दोक खित्‍कान्‍तेबाला परमेश्‍वरगी सजाय बिन्‍ला नरककुण्‍डमा लुक्‍यो सिन गोमाका साबा ओत। थेकी दि बात टोक ज्‍येता मेत। था थेकी होत्ताराङ थेबाला सजाय तेरग्‍यो।

यहूदा 1:11

था थेबाला आउदी मेलेबा ओङगो। च्‍यिला सासीन थेबेकी कयिनगी खाबा च्‍योकराङ खिदुक। पैसे लोभ खाईन बालामगी खाबा च्‍योकराङ मेलेबा काम खिदुक। थेमे कोरहेकी च्‍योक खाला छ्ये छ्ये मि विरोध खिदुक। दोक खाबेकी थेबाङ कोरह च्‍योकराङ सजाय ङेत्‍ला स्‍यिइओ।