फिलिप्‍पी 3:9 - जिरेल

⁹ थेमे परमेश्‍वरगी ङाला ख्रीष्‍टताङ लेमु खाईन डिगीन देताते थोङस्‍यीत सिनराङ ङे होथे गोमे बाततेबा विचारराङ खिता ताङाते ईन। परमेश्‍वर नियम ङेन्‍गीन धर्म कर्म खाबेकी खित्‍सादु मेन, बरू ङा ख्रीष्‍टला विश्‍वास खित्‍कान्‍ते मि ईन सिन थाचेन परमेश्‍वरगी ङाला दोषी मेन सिन सिओ। च्‍यिला सासीन परमेश्‍वरगी मिकी खाबाते काम ताला मेन्‍देकी ख्रीष्‍टकी खाबाते काम ताला थेला विश्‍वास खित्‍कान्‍ते मिओनला दोषी मेन सिन सिओ।

फिलिप्‍पी 3:9 Iomraidhean Croise

मत्ती 9:13

ख्‍योकोनगी परमेश्‍वर बात लेमु खाला पढे खाला च्‍याला थेरू परमेश्‍वरगी ‘ङाला सिन भोग बिन्‍ला जेसुकै चढे खाला खिता भन्‍दा बरू ख्‍योकोनगी ज्‍येनला ङिङज्‍ये खि,’ सिन साबाते बात खोबा खि। थोगी ङाङ पापीओनला परमेश्‍वर छ्य्‌वापा लै खि सिराला वाबाते ईन। धर्मतीतेबाला दोक खि सिराला वाबाते मेन,” सिन सिदुक।

रोमी 1:17

च्‍यिला सासीन परमेश्‍वरगी चुक खाला मिओनला दोषी मेन सिते थेमे येशूला विश्‍वास खित्‍कान्‍ते मिलाचेन विश्‍वास खाबेकी खित्‍सादु परमेश्‍वरगी दोषी मेन सिओ सिन गा लाङच्‍येते बातलाराङ साबा ओत। बात दोकराङ ईन सिन परमेश्‍वर बातला “थे खोरोङला विश्‍वास खित्‍कान्‍ते मिला परमेश्‍वरगी दोषी मेन सिओ। थेमे थोक्‍ते मिकी नोमुङ मिसिन्‍च्‍येते जुनी ङेत्‍क्‍यो,” सिन साबा ओत।

रोमी 10:10

च्‍यिला सासीन थेला पक्‍काराङ विश्‍वास खित्‍कान्‍ते मिओनला थेकी दोषी मेन सिओ। थेमे ज्‍येनगी दोन्‍दु प्रभु येशूराङ छ्ये ईन सिन सिरकान्‍तेबाला परमेश्‍वरगी पापकी सजाय मेतेरो।

रोमी 16:7

थेमे ङे मि फाप्‍च्‍येते गोमा ङात्ताङराङ जेलदु देताते एन्‍ड्रोनिकसताङ युनियसलाङ ङेते नमस्‍ते ओत सि। थेबाचेन येशू ख्रीष्‍टकी खटे खाबाते मिओन नाङ मिन चले खाबाते मि ईन। थेबेकी ङे भन्‍दा गोमामेकीराङ ख्रीष्‍टला विश्‍वास खिताला स्‍यूबाते ईन।

रोमी 5:21

थोगी पाप खाबेकी खित्‍सादु पापकी सजाय भोगे खाला मि गाङे स्‍या फाप्‍च्‍या ओङा ओतान। तर थाचेन परमेश्‍वरगी दया खाला थेबाला दोषी मेन साला थेबेकी नोमुङ मिसिन्‍च्‍येते जुनी ङेत्‍क्‍यो। ङुरूङ प्रभु येशू ख्रीष्‍टकी खित्‍सादुराङ दोक ओङाते ईन।

रोमी 8:1

जो जो येशू ख्रीष्‍टताङ जीउज्‍यीकराङ ओङला दुक था थेबेकी परमेश्‍वर सजाय ङेतराङ मेङेदो।

रोमी 8:3

ङुरूङ परमेश्‍वरगी खि साबाच्‍योक खिता मुथुप्‍कान्‍ते मि ईन्‍देकी ङुरूङला पापदुकी डेल्‍च्‍येते थेमे स्‍यिसादुकी जोए खित्‍च्‍येते काम परमेश्‍वर नियम छ्य्‌वापेकी ओङा थुपा मेतान। थोगी दि काम खिताला मि जुनीराङ लाला केला च्‍याला स्‍याप्‍ला परमेश्‍वरगी थे खोरोङ फुज्‍युङराङ देमा ताङसुङ। मि जुनी लासीनोङ थेकी नोमुङ छ्याङ पाप खाबा मेतान। थेमे पापकी सजाय जति परमेश्‍वरगी थेलाराङ भोगे खित च्‍युत्‍सुङ। थे थोक खाईन स्‍याप्‍की खित्‍सादु परमेश्‍वरगी मिओनला पाप खित्‍च्‍येते बानीदुकी टाल्‍गीन बिन्‍सुङ।

१ कोरिन्‍थी 1:30

परमेश्‍वरगी खित्‍सादुकामा ख्‍योकोन येशू ख्रीष्‍टताङ जीउज्‍यीकराङ ओङाते ईन। येशू ख्रीष्‍टला ताला परमेश्‍वर चुक बुद्धि पुरे खाला काम खित्‍कान्‍ते ईन्‍दे सिन छ्या स्‍येक्‍यो। च्‍यि सासीन ख्रीष्‍टकी खित्‍सादु परमेश्‍वरगी ङुरूङला दोषी मेन सिओ, थेकी ङुरूङ सेम खुदुक जोबा ओत थेमे ङुरूङला पापकी सजायदुकी टाला ओत।

२ कोरिन्‍थी 5:17

च्‍यिला सासीन ख्रीष्‍टताङ जीउज्‍यीकराङ ओङाते मिचेन साम्‍बाते जुनी ङेताते मि ईन। थोगी गोमे बात तोरगीन था थे मिकी गोमा च्‍योक दाक्‍पोन खुशी मिक्‍किता खाला परमेश्‍वरगी खि साबा साबाच्‍योक खिओ।

२ कोरिन्‍थी 5:21

ख्रीष्‍टकी खाबाते कामगी खित्‍सादु ङुरूङला दोषी मेन सिन सिरा थुप्‍स्‍यीत सिन ङुरूङ पापकी सजाय जति परमेश्‍वरगी गाङे पाप सिराते नोमुङ छ्याःङ खाबा मेताते ख्रीष्‍टला भोगे खित च्‍युत्‍सुङ।

गलाती 2:16

यहूदी ईन्‍सीनोङ परमेश्‍वर नियमला खि साबाते ङेन्‍ला सुङलाङ परमेश्‍वरगी दोषी मेन सिरच्‍येते मेन, खालि येशू ख्रीष्‍टला विश्‍वास खित्‍कान्‍ते मिओनलाकामा थेकी दोषी मेन सिओ सिन ङुरूङगी लेमु खाईन छ्या स्‍येबा ओत। थोगी ङुरूङोङ परमेश्‍वर नियम ङेन्‍नामेई थेकी दाक्‍पोनला दोषी मेन सिओ सिन मिसिरो। बरू येशू ख्रीष्‍टकी खाबाते कामगी खित्‍सादुका थेकी ङुरूङला दोषी मेन सिओ सिन ङुरूङगी येशू ख्रीष्‍टला विश्‍वास खाबाते ईन। च्‍यिला सासीन परमेश्‍वर नियमला खि साबाते ङेन्‍लानी सुङ परमेश्‍वर दोन्‍दु गल्‍ती मिक्‍किकान्‍ते मि ओङाराङ मुथुबो।

फिलिप्‍पी 3:6

थोकराङ खाईन येशू ख्रीष्‍ट मिओनला मासेताला मेङगो सिन ङे खोक्‍पो खाईन थेबे खेदापानी खाबाप। थेमे परमेश्‍वर नियम ङेन्‍च्‍ये बात तासीन ङाला सुङगीङ दिकी दि दि गल्‍ती खासुङ सिन सिरा थुप्‍च्‍या मेतान।

२ तिमोथी 1:9

थेकीराङ ङुरूङला पापकी सजायदुकी टाल्‍गीन बिन्‍दा ओत। थेमे ङुरूङ सेम खुदुक गाल्‍ला मेलेबाते कामताङ बात सिराते छ्याःङ मिक्‍किस्‍यीत सिन थे खोरोङ दोन्‍दु स्‍योक सिन काताङा ओत। थेकी थोक खाबाते ङुरूङगी थेकी खि साबा साबाच्‍योक खाईन लेमु काम खाबेकी खित्‍सादु मेन, बरू थे खोरोङ दयेकी ङुरूङला थोक खिता चालेकी खित्‍सादुकामा ईन। येशू ख्रीष्‍ट छ्य्‌वापेकी ङुरूङ लाईदु दोक खिओ सिन थेकी दि सा नाम ज्‍वा भन्‍दा गोमाकाराङ टुङ्गो खाबा ओतान।

तीतस 3:5

ङुरूङला पापकी सजायदुकी टाल्‍सुङ। थेकी थोक खाबाते ङुरूङगी थेकी खि साबा साबाच्‍योक खाबेकी खित्‍सादु मेन। ङुरूङला आउदी खाला ङिङज्‍ये खितेकी खित्‍सादुकामा थेकी थोक खाबाते ईन। थेकी ङुरूङला ठु खाईन चोके खाबाच्‍योक खाईन परमेश्‍वर आत्‍मे छ्य्‌वापेकी लोईन केर च्‍युताच्‍योक खाईन साम्‍बाते जुनी बिन्‍गीन खुदुक जोसुङ।

हिब्रू 6:18

परमेश्‍वरगी पालोई खाबाते बात बान्‍दा फरक परे मिक्‍किओ सिन छ्या स्‍येबाला बात ङि ओत। बातज्‍यीकचेन परमेश्‍वरगी मिओनला ङा दोक दोक खिओ सिन जमान खाबा ओतान। थेमे ज्‍येनतेचेन खाबाते जमान पक्‍काराङ पूरो खिओ सिन ना क्‍याला ओतान। दि बात ङि नोमुङ खुदुक ड्वा मुथुबो। परमेश्‍वरगी नोमुङ ढाँर मिक्‍किओ। दोक ईन्‍देकी थेकी खिओ साबाच्‍योक पक्‍काराङ खिओ सिन दाक्‍पोनगी आश खाईन देताते बातला ङुरूङ छ्याःङ शंका मिक्‍किता खाला देता थुप्‍क्‍यो।

याकूब 3:2

ङुरूङ गाङेकी थोकज्‍यीक मेन्‍सीनोङ थोकज्‍यीक दाक गल्‍ती खिओ। दाक्‍पोन खा थाताला ज्‍याक्‍ला बात खित्‍कान्‍ते मिकीचेन गल्‍ती मिक्‍किओ। थोक्‍ते मिकी दाक्‍पोनला पूरो खाला काबूला ज्‍य्‌वाबा थुप्‍क्‍यो।

२ पत्रुस 1:1

दि चिट्ठी टिक्‍कान्‍ते ङा शिमोन पत्रुस ईन। ङा येशू ख्रीष्‍ट काम खित्‍कान्‍ते थेकी खटे खाबाते मि ईन। ङा दि चिट्ठी जे खित्‍जीनोङ ठीक खाला खित्‍कान्‍ते ङुरूङला पापदुकी डेल्‍कान्‍ते येशू ख्रीष्‍टकी खित्‍सादु ङेराङ च्‍योकराङ पक्‍का खाला थेला विश्‍वास खिता ङेताते मिओनला टिगीन ओत। येशू ख्रीष्‍टराङ ङुरूङ परमेश्‍वर ईन।

१ यूहन्‍ना 3:4

पाप खित्‍कान्‍ते मिकी परमेश्‍वरगी खि साबाते माङेन्‍दाते ईन। सिइ सासीन परमेश्‍वरगी खि साबाते मेङेन्‍च्‍येतेराङ पाप खित्‍च्‍येते ईन।