फिलिप्‍पी 3:7 - जिरेल

⁷ तर ख्रीष्‍ट सु ईन्‍दे सिन छ्या स्‍येनामेकीचेन ङे ङाराङ थोक्‍ते मि ओता ईन्‍सीनोङ थेमे परमेश्‍वर नियम लेमु खाईन ङेन्‍दा ओता ईन्‍सीनोङ छ्याःङ काम लै मिक्‍किच्‍याक्‍वा सिन छ्या स्‍येसुङ।

फिलिप्‍पी 3:7 Iomraidhean Croise

मत्ती 16:26

सुइँदेकी दि जुनीला दि सा लुङबादु ओतातेबरी जेसुकै ङेता ओत्‍सीनोङ स्‍यिनामेई थे मिते च्‍यि आश ओङगीतेरो? थोक्‍ते मिकी च्‍यि खाला याङराङ थे खोरोङ जुनी ङेत्‍कीतेरो? छ्याःङ खालाङ थेकी थे जुनी मेङेदो।

मर्कूस 10:50

थे खोरोङगी खोन्‍दाते गाङ क्‍युरगीन थे खोक लाकीन येशू ओत्‍सापा गाल्‍सुङ।

लूका 14:26

“ङात्ताङ ख्‍याम्‍बा सेम खित्‍कान्‍ते मिकीचेन तोङा फाप्‍सीन दाक्‍पोन आबा आमालाङ तोङा फाप्‍क्‍यो। दाक्‍पोन फेम्‍मेताङ फुज्‍युङ फुमु थेमे आज्‍यो न्‍वा आज्‍यी नुमुला तोङा फाप्‍सीन थोगोङ खिता फाप्‍क्‍यो। दोस्‍यिककामा मेन, थोक्‍ते मिकीनी दाक्‍पोन ज्‍यानगी मायाङ मारे खिता फाप्‍क्‍यो। दोक माक्‍यासुङ सासीन सुङ ङे चेला ओङाराङ मुथुबो।

लूका 14:33

थाल्‍ला ङे साबाते मिओनगी गोमा विचार खिता फापा च्‍योकराङ ख्‍योकोन सुइँदेते ङात्ताङ ख्‍याम्‍च्‍ये सेम ओत्‍सीन ख्‍योकोनगीङ लेमु खाला विचार खि। च्‍यिला सासीन ख्‍योकोनगी खेराङते ओताते जति माया मारे खासीनकामा ङे चेला ओङा थुप्‍क्‍यो, मेन सासीन ङे चेला ओङा मुथुबो।

लूका 16:8

थेकी चुक चुक खाका सिरच्‍येते दि बात गाङे थाहा छ्येत्‍नामेकी धनीतेकी थेला ‘बिई, खुई चुक च्‍याङबो खाका। ङा ओत्‍सादुई थेन्‍नामेई खोल्‍ला था थे मिओनगीराङ सोइओ,’ सिन सादुक्‍लो। दि जुनी विचारकामा खित्‍कान्‍ते मिओनगी खोपरोङ काम आउदी च्‍याङबो खाला खिओ। बरू परमेश्‍वर बात ङेन्‍कान्‍ते मिओनगीङ दोक च्‍याङबो खाला काम खिता मेस्‍येओ।

शक्ति काम 27:38

मि गाङेकी सुबा रेरे सोसुङ। सोकीन सिन्‍नामेकी जहाज चले खित्‍कान्‍ते मिओनगी जहाज येङगे ज्‍वाप्‍ला लोईन थे नाङ ओताते ठातेबा समुन्‍द्रमाराङ पोत्‍कीन ताङसुङ।

हिब्रू 11:26

मिश्रे लुङबे सम्‍पत्ति धनी ओङनामेई ङेत्‍च्‍येते मान भन्‍दा ख्रीष्‍टला विश्‍वास खानामेई ज्‍येनगी मिगी थोङसार्मु खित्‍च्‍येते बातराङ थेला लेमु लासुङ। च्‍यिला सासीन ज्‍येनतोक्‍ते मेन्‍देकी थेकी परमेश्‍वरगी तिरी थे खोरोङला तेरच्‍येते मानगी विचारकामा खाबा ओतान।