फिलिप्‍पी 3:17 - जिरेल

¹⁷ आज्‍यो न्‍वावे, ङाला ताला ख्‍योकोनगीङ ङे च्‍योकराङ खि। ङालाकामा ता माफाबो, ङात्ताङ ङे र्‍वाओनगी च्‍योकराङ खित्‍कान्‍ते सु सु दुका ताला थेबेकी खिता च्‍योकराङ खि।

फिलिप्‍पी 3:17 Iomraidhean Croise

रोमी 16:17

आज्‍यो न्‍वावे, था थोरूम बातज्‍यीक च्‍यि सासीन ओर्च्‍ये ख्‍योकोनगी खेराङ नाङ फाटो ओङ ज्‍युत्‍कान्‍ते थेमे खेराङला गोमाका लाप्‍कीन बिन्‍दाते गा लाङच्‍येते बातताङ मिडिक्‍च्‍येते बात लाप्‍ला अलमल्‍ल लोङकान्‍ते मिओन सु सु ईन्‍दाका सिन छ्या स्‍येला थेबाताङ च्‍याङबो खि। थोक्‍ते मिओनताङचेन ख्‍योकोनगी साङराङ माकेत।

१ कोरिन्‍थी 10:32

ख्‍योकोनगी खाबाते कामगी खित्‍सादु ज्‍येनला पाप खित माज्‍युत। यहूदीओनला ईन्‍सीनोङ, ग्रीकओनला ईन्‍सीनोङ कि परमेश्‍वर मिओनलाराङ ईन्‍सीनोङ सुङलाङ ख्‍योकोनगी खाबाते कामगी खित्‍सादु पाप खित माज्‍युत।

१ कोरिन्‍थी 11:1

ङा ख्रीष्‍टला ताला थेकी खाबा खाबाच्‍योक खिओ। ख्‍योकोनगीङ ङे खाबाते ताला ङे खाबा च्‍योकराङ खि।

१ कोरिन्‍थी 4:16

थोक ईन्‍देकी ङा ख्‍योकोनला च्‍यि सिते सासीन ङे चुक खिका, च्‍यि सिका थे ताला ख्‍योकोनगीङ ङे खाबा च्‍योकराङ खि।

फिलिप्‍पी 4:9

गा लाङच्‍येते बात लोप्‍जीन ङे खेराङला लापाते खेराङगी थोबाते बात ङेन्‍गीन देत। ङे चुक चुक खाबा ओताने ख्‍योकोनगीङ ङे च्‍योकराङ खि। थेमे सेमला ढुक्‍क लोङकान्‍ते परमेश्‍वर ख्‍योकोनताङ ङ्योम्‍बुराङ देत्‍क्‍यो।

१ थिस्‍सलोनिकी 1:6

थेजीन ङ्योकोनला ताकीन ख्‍योकोनगीङ ङ्योकोनगी खाबा खाबा च्‍योकराङ खाबा ओतान। ङ्योकोनगी खाबा च्‍योककामा मेन्‍देकी ख्‍योकोनगी प्रभु येशू ख्रीष्‍टकी च्‍योगोङ खाबा ओतान। चुक खाईन सासीन ज्‍येनगी आउदी खाला दुक्‍पा तेरजीनोङ परमेश्‍वर आत्‍मेकी खित्‍सादु गा खिन ख्‍योकोनगी गा लाङच्‍येते बात ङेन्‍दा ओतान।

२ थिस्‍सलोनिकी 3:14

ख्‍योकोन नाङ सुइँदेकी ङ्योकोनगी दि चिट्ठीला खि सिन टिबाते बात माङेन्‍सुङ सासीन थोक्‍ते मि सु सु ईन्‍दे सिन ख्‍योकोन गाङेकी लेमु खाला ङो स्‍येबा खाला थेला ङोचा लाङस्‍यीत सिन थोक्‍ते मित्ताङ साङराङ माकेत।

२ थिस्‍सलोनिकी 3:7

ख्‍योकोनताङ ङ्योम्‍बुराङ देत्‍जीन ङ्योकोनगी चुक चुक खाबा ओताने थे थोङगीन खेराङगी चुक खिता फाप्‍च्‍या ईन्‍दाका सिन ख्‍योकोनगी छ्या स्‍येकीन सिन्‍दा ओत। थेजीन ङ्योकोनगी अल्‍छी खाईन थाराङ लाक्‍पा किकीन मादेत।

२ थिस्‍सलोनिकी 3:9

ङ्योकोनगी ख्‍योकोनगीराङ ङेल्‍ला साप थुङा तेरा फाप्‍क्‍यो सिरा थुप्‍च्‍या ओतान। ईन्‍सीनोङ ख्‍योकोनगी चुक खिता फाप्‍च्‍या ईन्‍दाका सिन लोप्‍स्‍यीत सिन ङ्योकोनगी थोक दुक्‍पा खाईन काम खाबा ओतान।

१ तिमोथी 4:12

खो थोरूमोङ स्‍याराराङ ओत्‍सीनोङ थोक खाला लोप्‍जीन कोत्‍जीन दि भर्खरगी फिजेकी साबाते बादोङ च्‍यि ङेन्‍च्‍ये, दिलाङ च्‍यि छ्या ओते सिन सिरच्‍येते लाम थेबा सुङलाङ मातेर। खो स्‍याराराङ दुक सिन हेपे मिक्‍किस्‍यीत सिन खोरोङगी खाबाते ताला येशू ख्रीष्‍टला विश्‍वास खित्‍कान्‍ते मिओनगी चुक चुक खिता फाप्‍च्‍या ईन्‍दाका सिन लोप्‍स्‍यीत सिन खुई दोक दोक खि। चुक सासीन खुई काम बात जे खासीनोङ लेमु खाला खि, ज्‍येनला ङिङज्‍ये खि, जे ओङसीनोङ येशू ख्रीष्‍टला विश्‍वास खिन देत, सेमला छ्याःङ पाप मोज्‍योबा खाला काम खि,

हिब्रू 13:7

खेराङला ताकान्‍ते छ्ये छ्ये मि बात ठेम्‍बा खि। थेबेकी ख्‍योकोनला परमेश्‍वर बात लापा ओतान। दुक्‍पा किम्‍मु जस्‍तो ओङजीनोङ स्‍यि स्‍यिसाकराङ थेबेकी चुक खाईन परमेश्‍वरला विश्‍वास खाबा ओताने थे ताला ख्‍योकोनगीङ थेबेकी खाबा च्‍योकराङ खि।

१ पत्रुस 5:3

ख्‍योकोन खेराङचेन थेबे मालिक ईन सिराच्‍योक खाला छ्ये खिता माछोल। थेबेकीङ खेराङगी च्‍योकराङ खिता लोप्‍स्‍यीत सिन लेमुते लुई गोठालेकी लुक लेमु खाईन ताबाच्‍योक खाला थेबाला लेमु खि।