फिलिप्‍पी 3:14 - जिरेल

¹⁴ दोक खाला ङा खालि ङाराङगी नाम इनाम ङेदोङा सिरच्‍ये छ्य्‌वापाकामा स्‍येत खिन देत्‍क्‍यो। ङे ङेत्‍च्‍येते इनामचेन स्‍वर्गने देता ङेत्‍च्‍येते ईन। येशू ख्रीष्‍टकी खाबाते कामगी खित्‍सादु परमेश्‍वरगी ङाला थेने देताला काताङाते ईन।

फिलिप्‍पी 3:14 Iomraidhean Croise

लूका 16:16

ज्‍येन बात च्‍यि सासीन गोमाचेन मोशेकी टिबाते परमेश्‍वर नियम थेमे परमेश्‍वर बात खित्‍कान्‍तेबेकी साबाते बातकामा ओतान। बप्‍तिस्‍मा तेरकान्‍ते यूहन्‍ने पालोसाकराङ दि बातओनकामा मिओनला लोप्‍कीन ओतान। यूहन्‍ने पालोमेईचेन परमेश्‍वर राज्‍य गा लाङच्‍येते बात मिओनला लोपाला स्‍यूबाते ईन। थेमे थे राज्‍यदु लेमु ओङगो सिन गाङेराङ जबरजस्‍ती थेने स्‍यूक्‍पा छोल्‍गीदुक।

रोमी 11:29

च्‍यिला सासीन परमेश्‍वरगी सुइँदाला आशी बिन्‍ला लेमु खिओ सिन छाने खानामेई खासुङ खासुङ थेकी थे बात नोमुङ खुदुक मोजोओ।

१ कोरिन्‍थी 9:24

थेमे दि बातनी ख्‍योकोनला छ्याराङ ओतासीन। बत्ते खित्‍जीन मेरा काल्‍बेई छ्य्‌वासीनोङ थेबे नाङ ग्‍याल्‍कान्‍तेकीकामा पुरूस्‍कार ङेत्‍क्‍यो मेन? थोगी ख्‍योकोनगीङ होथे बत्ते खित्‍जीन ग्‍याल्‍कान्‍तेकी पुरूस्‍कार ङेताच्‍योक खाला इनाम ङेत्‍स्‍यीत सिन थुपासम्‍म लेमु काम खि।

२ कोरिन्‍थी 4:17

थरिङोला टिक्‍पी दिन दोक्‍ते दुक्‍पा भोगे खिता फाप्‍सीनोङ दोक खाईन सिन्‍नामेईनी परमेश्‍वरगी ङेराङला सधैँभरि लाईदु मान बिन्‍ला थे खोरोङगी ज्‍वा चाला च्‍योकराङ लेमुका जोइओ। होथे बात सम्‍झे खित्‍जीन ङ्योकोनलानी थरिङोला टिक्‍पी दिन ङेराङगी भोगे खिन ओताते होदोक्‍ते पीरताङ दुक्‍पा छ्याःङ मेन सिराच्‍योक लाङगीदुक।

फिलिप्‍पी 3:3

ङुरूङका परमेश्‍वरगी छाने खाबाते जीउला खतकी चिनु जोबा ओताते मि च्‍योक्‍ते ईन। च्‍यिला सासीन परमेश्‍वरला चुक खाला माने खिता फाप्‍च्‍येते ईन्‍दे परमेश्‍वर आत्‍मे छ्य्‌वापेकी ङुरूङ थेला थोकराङ खाला माने खिओ। परमेश्‍वरला माने खिताला ङुरूङचेन दाक्‍पोन जीउला खतकी चिनु जोबा ओत थेमे ज्‍येन ज्‍येनोङ धर्म कर्म खाबा ओत सिन छ्ये मिक्‍किओ। बरू येशू ख्रीष्‍टताङ जीउज्‍यीकराङ ओङा ओतेकी गा खिओ।

कलस्‍सी 2:18

थेमे परमेश्‍वरला माने खिताला बर्त देत्‍च्‍येतेताङ दुक्‍पा खाला खाला होदोक्‍ते काम काल्‍बेई खिता फाप्‍क्‍यो, परमेश्‍वर दूतओनलाङ माने खिता फाप्‍क्‍यो सिन सिरकान्‍ते मि सुङगीङ बात माङेन। थोक्‍ते मि बात ङेन्‍सीन ख्‍योकोनगी परमेश्‍वरगी तेरच्‍येते इनाम मेङेदो। होथोक सिरकान्‍ते मिओनगीचेन परमेश्‍वरगी ङ्योकोनला मिलाम खित ज्‍युताच्‍योक खासुङ, थेजीन ङ्योकोनगी दोक दोक थोङसुङ सिन सिओ। थेबे सेम लेमु मेतेकी थेबा होदोक्‍ते बात खिन छ्ये खिन ख्‍याम्‍ग्‍यो।

१ थिस्‍सलोनिकी 2:12

थेमे परमेश्‍वर मिओनगी चुक चुक खिता फाप्‍कीते सिन लाप्‍कीन थोक खिन देत सिन लोप्‍कीन देताप। ख्‍योकोन थे खोरोङ राज्‍यदु देता ङेत्‍स्‍यीत थेमे थे खोरोङ चुक छ्ये ईन्‍दाका सिन लेमु खाला छ्या स्‍येस्‍यीत सिन थे खोरोङ दोन्‍दु स्‍योक सिन कातोङकान्‍ते परमेश्‍वरराङ ईन।

२ तिमोथी 1:9

थेकीराङ ङुरूङला पापकी सजायदुकी टाल्‍गीन बिन्‍दा ओत। थेमे ङुरूङ सेम खुदुक गाल्‍ला मेलेबाते कामताङ बात सिराते छ्याःङ मिक्‍किस्‍यीत सिन थे खोरोङ दोन्‍दु स्‍योक सिन काताङा ओत। थेकी थोक खाबाते ङुरूङगी थेकी खि साबा साबाच्‍योक खाईन लेमु काम खाबेकी खित्‍सादु मेन, बरू थे खोरोङ दयेकी ङुरूङला थोक खिता चालेकी खित्‍सादुकामा ईन। येशू ख्रीष्‍ट छ्य्‌वापेकी ङुरूङ लाईदु दोक खिओ सिन थेकी दि सा नाम ज्‍वा भन्‍दा गोमाकाराङ टुङ्गो खाबा ओतान।

हिब्रू 3:1

बात दोक दोक ईन्‍देकी आज्‍यो न्‍वावे, ख्‍योकोनचेन स्‍वर्गने देताला परमेश्‍वरगी थे खोरोङ दोन्‍दु स्‍योक सिन काताङाते मि ईन्‍देकी येशू चुक छ्ये ईन्‍दे सिरच्‍येते बातकीतेकामा ध्‍यान खिन देत। थेचेन परमेश्‍वरगीराङ खटे खाईन ताङाते थेमे गाङे भन्‍दा छ्येते पूजारी ईन। थे पक्‍काराङ होदोक छ्ये ईन सिन ङुरूङ थेला विश्‍वास खिओ।

हिब्रू 6:1

बात दोक ईन्‍देकी था ङुरूङगी ख्रीष्‍ट सु ईन्‍दे, थेकी च्‍यि खासुङा सिन शुरू शुरूला लोपा फाप्‍च्‍येते बातओनकामा लोप्‍कीन मेदेता खाला होदोक्‍ते बात लेमु खाला खोबा थुप्‍कान्‍ते पाकोते मि च्‍योक ओङा फाप्‍क्‍यो। च्‍यि सासीन थाचेन ङुरूङगी नरककुण्‍डमा स्‍यूक्‍च्‍येते काम खिता ताङला परमेश्‍वर छ्य्‌वापा लै खाला थेला विश्‍वास खित्‍च्‍येते,

१ पत्रुस 1:13

परमेश्‍वरगी ख्‍योकोनला दोक लेमु खाबा ओतेकी था ख्‍योकोनगी थेकी खि साबाते काम खित्‍च्‍ये छ्य्‌वापाकामा स्‍येत खि। दाक्‍पोन सेम काबूला स्‍योक। थेमे येशू ख्रीष्‍ट ग्‍युरला ओङे छोमु परमेश्‍वरगी ख्‍योकोनला दया खाला पूरो खाला पापदुकी टाल्‍ला लेमु खिओ साबाते पक्‍काराङ खिओ सिन खेराङगी आश खाईन देता च्‍योकराङ ओङगो सिन टोक माज्‍येत।

१ पत्रुस 5:10

टिक्‍पी दिन ख्‍योकोनगी दोक्‍ते दुक्‍पा खपे खिता फाप्‍सीनोङ ख्रीष्‍टकी खाबाते कामगी खित्‍सादु खितासम्‍म दया खित्‍कान्‍ते परमेश्‍वरगी ख्‍योकोनला सधैँभरि लाईदु मान तेराला थे खोरोङ दोन्‍दु स्‍योक सिन काताङा ओत। थेकीराङ ख्‍योकोनला सेम सेता ओत्‍सादुई लोक्‍ला आँट तेरग्‍यो, जस्‍तो ओङजीनोङ मेलेबा खित्‍सादुई जोए खाला ज्‍य्‌वाक्‍यो थेमे ख्रीष्‍टला विश्‍वास खिन देताला शक्ति तेरग्‍यो।

२ पत्रुस 1:3

दाक्‍पोनगी ङेताते साम्‍बाते जुनीला खिता फापाच्‍योक खिताला थेमे थेला माने खिताला खिता फाप्‍च्‍येते कामताङ बात खिताला गोच्‍येते जति गाङे परमेश्‍वरगी थे खोरोङताङ ओताते छ्येज्‍यीक शक्ति छ्य्‌वापेकी ङुरूङला बिन्‍दा ओत। थे सु ईन्‍दे, चुक्‍ते ईन्‍दे सिन थेला छ्या स्‍येबेकी खित्‍सादु थेकी ङुरूङला दोक खाईन गोच्‍येते जति बिन्‍दाते ईन। थे खोरोङताङ छ्येज्‍यीक शक्ति ओतेकी थेमे जे खित्‍जीनोङ लेमु खित्‍कान्‍ते ईन्‍देकी थेकी ङुरूङला थे खोरोङ दोन्‍दु स्‍योक सिन काताङा ओत।

छ्या स्‍ये च्‍युताते बात 3:21

शैतान शक्तिला ग्‍याल्‍कान्‍ते मिला ङा ङाराङ सिंहासनदु ङाराङताङ देत ज्‍युत्‍क्‍यो। शैतानला ग्‍याल्‍गीन ङाङ ङे आबे सिंहासनदु थेत्ताङराङ देता ओत।