फिलिप्पी 3:10 - जिरेल10 थोगी ङानी ख्रीष्टला झन लेमु खाला छ्या स्येबा छोल्ग्यो। थेमे थे सोम्बो लोक्पा ओतेकी थेत्ताङ ओताते शक्ति ङेङ ङेत्स्यीत सिन सेम खिओ। थेकी दुक्पा भोगे खाईन थे खोरोङ ज्यानोङ बिन्दा ओतान। थेकी खाबा च्योकराङ खिताप सिन ङाङ ङाराङ खुशी मिक्किता खाला दुक्पा भोगे खिन स्या फाप्सीनोङ नाइँ मिसिरो। Faic an caibideil |
फिलिप्पी 3:10
34 Iomraidhean Croise
थे फुज्युङ फुमु ओङनामेई थे खोरोङ फुज्युङ फुमुला तेरग्यो साबाते जेसुकै परमेश्वरगी ङुरूङला तेरग्यो। थोक खाला येशू ख्रीष्टकी ङेत्च्येते ङुरूङगीङ ङेत्क्यो। ईन्दालाचेन येशू ख्रीष्टकी खाबा च्योकराङ ङुरूङगीङ थरिङोला दुक्पा भोगे खिता फाप्क्यो। थेमे थेला छ्येज्यीक मान बिन्दा च्योकराङ परमेश्वरगी ङुरूङलाङ मान बिन्ला थे खोरोङगी ज्वा चाला च्योकराङ लेमु जोइओ।
ईन्दानी मिओनगी स्यिङगी थामला टाँए खाला सेत्जीन थे छ्याःङ खिता मुथुप्कान्ते च्योकराङ थोङा ओतान। थोक ईन्सीनोङ परमेश्वरगी थे खोरोङ शक्तिकी थेला सोम्बो लोक्पेकी थे सोम्बोराङ ओत। ख्रीष्टताङ जीउज्यीकराङ ओङाते मि ङ्योकोनलाङ मिओनगी छ्याःङ खिता मुथुप्कान्ते च्योकराङ थोङगो। ईन्सीनोङ ङ्योकोनगी ख्योकोन नाङ खित्च्येते गाङे काम ख्रीष्टताङ जीउज्यीकराङ ओङगीन परमेश्वर शक्ति छ्य्वापेकी खित्च्येते ईन।
चुक खाईन सासीन ख्रीष्टला स्यिङगी थामला टाँए खाला सेत्जीन ङाङ थेत्ताङराङ थे थामला टाँए खाईन स्याप्ते ईन। ङा थोक खाईन स्याप ईन्सीनोङ थोरूमसाक सोम्बोराङ ओत। ङाराङ सोम्बो ओत्सीनोङ थरिङोला ङे जे खिदुक थे ङे खित्च्येते मेन, ख्रीष्ट ङे सेमगी नाङ ओतेकी ङे च्यि च्यि खिका गाङे थेकीराङ खित ज्युत्च्येते ईन। मास्यिथुप था ङा परमेश्वर फुज्युङला विश्वास खिन देत्ला थेकी खित ज्युता चाला च्योककामा खिन देत्क्यो। थेकी ङाला ङिङज्ये खाईन ङे लाईदु थे खोरोङ ज्यानराङ बिन्गीन स्या ओतान।
ङुरूङ गाङेकी थोक खिन डोजीन थेला विश्वास खाईन ङेन्दाते बातला ङुरूङ झन डिगीन डुइओ थेमे परमेश्वर फुज्युङ चुक्ते ईन्दे, च्यि खिते सिन झन लेमु खाला छ्या स्येला ङुरूङ गाङेराङ सेमज्यीकराङ खाला काम खित्कान ओङगो। दोक खाला ख्रीष्टकी ङुरूङ नाङ खिता चालाते काम पूरो ओङला ङुरूङ थेकी ज्वा चाला च्योकराङ पाको ओङगो।
ईन्दाबोङ येशू ख्रीष्टला ङाराङ मालिक ईन सिन छ्या स्येच्येते छेत छ्येते बात ज्येनतोक छ्याःङ मेन्दाक्वा। थोगी ङाराङ चुक्ते ईन्दे, चुक चुक खिन ओताने सिरच्येते बात छ्याःङ काम लै मिक्किच्याक्वा सिन छ्या स्येकीन ङे था थोक्ते बात खिता गाङे ताङाप। ङाराङते होथे गोमे बाततेबा सम्झे खित्जीन ङालानी किक्टो लाङच्येते फोर मैलो च्योकराङ लाकीन था थेते विचारराङ खिता ताङा ओत। ख्रीष्टला पूरो खाला छ्या स्येबा थुप्स्यीत
ख्योकोन लाईदु दुक्पा भोगे खित्च्येतेनी ङाला गा लाङच्येते बातका ईन। ख्रीष्टकी खिता चालाते काम पूरो ओङस्यीत सिन ङाङ ङाराङला ङे जीउकी थोई दुक्पा भोगे खिता फाप्क्यो सिन ओताने थोस्यिकराङ दुक्पा भोगे खिन ओत। दि दुक्पाचेन ङे येशू ख्रीष्ट थे खोरोङ जीउ ईन्दाते मिओनला लेमु ओङाला भोगे खिता फाप्क्यो।
खेराङ सेम मेलेबा ओत्कीन गोमाबा ख्योकोन खेराङला चुक खिता सेम लाङगीका थोकराङ खिन पाप खिन देतेकी परमेश्वर लाईदु स्याप छेतराङ गाला ओतान। ख्योकोन थोक्ते मि ओता ईन्सीनोङ परमेश्वरगी ख्योकोनला ख्रीष्टताङराङ सोम्बो लोगीन थेला बिन्दा च्योक्ते साम्बाते जुनी बिन्सुङ। थेकी ङुरूङगी खाबाते पाप गाङे माफ बिन्दा ओत।
Sanasan