फिलिप्‍पी 3:1 - जिरेल

¹ थेमे ज्‍येन बात च्‍यि सासीन आज्‍यो न्‍वावे, ख्‍योकोन प्रभु ख्रीष्‍टताङ जीउज्‍यीकराङ ओङा ओताते मि ईन्‍देकी गा खि। ङा ख्‍योकोनला ङे गोमामेई याङ याङ सिन वाबाते बातराङ टिगीन ओत। बातज्‍यीकराङ याङ याङ टिक्‍पा फाप्‍सीनोङ ङाला छ्याःङ दिक्‍क लाबा मेत। ङे टिबाते बात पढे खाला ख्‍योकोनगी चुक खिता फाप्‍च्‍या ईन्‍दाका सिन लेमु खाला छ्या स्‍येक्‍यो।

फिलिप्‍पी 3:1 Iomraidhean Croise

मत्ती 5:12

थेबेकी थोक खित्‍जीन ख्‍योकोन आउदी खाला गा खि। च्‍यिला सासीन स्‍वर्गने ख्‍योकोनगी छ्येज्‍यीक इनाम ङेत्‍क्‍यो। थाङबोबा परमेश्‍वर बात खित्‍कान्‍ते मिओनलाङ थे बेले मिओनगी खेदापानीराङ खाबा ओतान।

लूका 1:47

पापताङ दुक्‍पादुकी डेल्‍कान्‍ते थेराङ ईन्‍देकी ङाला आउदी गा लाङगीदुक।

रोमी 5:11

दोस्‍यिककामा मेन, ङुरूङ प्रभु येशूकी ङुरूङला परमेश्‍वरताङ डिक्‍पा खाईन बिन्‍दा ओतेकी परमेश्‍वर ङुरूङला चुक लेमु खित्‍कान्‍ते ईन्‍दे सिन था ङुरूङ गा खिन देता थुप्‍क्‍यो।

२ कोरिन्‍थी 13:11

लो आज्‍यो न्‍वावे, था ज्‍येन बातका च्‍यि सिरच्‍ये, ख्‍योकोनगी परमेश्‍वरगी खेराङला ज्‍वा चाला च्‍योकराङ लेमु मि ओङस्‍यीत सिन थोक्‍ते मि ओङच्‍ये छ्य्‌वापा स्‍येत खि। ङे लाःपा कोताते ङेन्‍ला था चुक खिता फाप्‍कीका थोककामा खि, ख्‍योकोन गाङेराङ सेमज्‍यीकराङ खाला डिक्‍ला थुन्‍ला देत। थोक खासीन गाङेला ङिङज्‍ये खित्‍कान्‍ते थेमे डिक्‍ला थुन्‍ला देत ज्‍युत्‍कान्‍ते परमेश्‍वर ख्‍योकोनताङ ङ्योम्‍बुराङ देत्‍क्‍यो।

एफिसी 6:10

थोरूमोङ बातज्‍यीक च्‍यि सासीन प्रभु ख्रीष्‍टताङ जीउज्‍यीकराङ ओङेकी थेकी ख्‍योकोनला थे खोरोङ छ्येज्‍यीक शक्ति बिन्‍दा ओत सिन टोक मेज्‍येता खाला छ्याःङ ज्‍यीबा मिक्‍किता खाला देत।

फिलिप्‍पी 3:3

ङुरूङका परमेश्‍वरगी छाने खाबाते जीउला खतकी चिनु जोबा ओताते मि च्‍योक्‍ते ईन। च्‍यिला सासीन परमेश्‍वरला चुक खाला माने खिता फाप्‍च्‍येते ईन्‍दे परमेश्‍वर आत्‍मे छ्य्‌वापेकी ङुरूङ थेला थोकराङ खाला माने खिओ। परमेश्‍वरला माने खिताला ङुरूङचेन दाक्‍पोन जीउला खतकी चिनु जोबा ओत थेमे ज्‍येन ज्‍येनोङ धर्म कर्म खाबा ओत सिन छ्ये मिक्‍किओ। बरू येशू ख्रीष्‍टताङ जीउज्‍यीकराङ ओङा ओतेकी गा खिओ।

फिलिप्‍पी 4:4

थेमे प्रभु येशूताङ जीउज्‍यीकराङ ओङाते मि ईन्‍देकी दुक्‍पा किम्‍मु जस्‍तो ओङजीनोङ ख्‍योकोन जहिलेङ गा खि। ख्‍योकोन गा खि सिन ङा याङराङ सिओ।

फिलिप्‍पी 4:8

थोगी बात चुक सासीन आज्‍यो न्‍वावे, ख्‍योकोनगी लेमुते थेमे खिता ओङच्‍येते कामताङ बातकीतेकामा विचार खि। चुक सासीन ख्‍योकोनगी साँचोते बातकामा खित्‍च्‍येते, लेमुते कामताङ बातकामा खित्‍च्‍येते, अन्‍याय मिक्‍किच्‍येते, मेलेबाते कामताङ बात छ्याःङ मिक्‍किच्‍येते, लेमु लाङच्‍येते थेमे मि सेमला डोच्‍येते कामताङ बातकीतेकामा विचार खि।

१ थिस्‍सलोनिकी 4:1

आज्‍यो न्‍वावे, था ज्‍येन बात च्‍यि सासीन परमेश्‍वरला चुक्‍ते काम मन परे खिते, ख्‍योकोनगी चुक खाला देता फाप्‍कीते सिन ङ्योकोनगी ख्‍योकोनला लाप्‍कीन बिन्‍दा ओत। ङ्योकोनगी लापाच्‍योक खाला ख्‍योकोन कामोङ खिनराङ दुक। प्रभु येशूताङ जीउज्‍यीकराङ ओङाते मि ईन्‍देकी ङ्योकोन ख्‍योकोनला थोरूमसाक खिन ओताच्‍योक खिन देता मातोङ, झन लेमु खाला दोक खिनराङ देत सिन सिओ।

१ थिस्‍सलोनिकी 5:16

थेमे जहिलेङ गा खिन देत,

याकूब 1:2

आज्‍यो न्‍वावे, ख्‍योकोनला थरी थरी दुक्‍पा ओङजीन थोकनी लेमु ओङालाका ओङाते ईन सिन गा खि।

१ पत्रुस 3:8

था बात च्‍यि सासीन ख्‍योकोन गाङेराङ डिक्‍ला थुन्‍ला देत। पीर फापा ओतातेबाला पीर माकेत सिन सि। खेराङ गाङेराङ आज्‍यो न्‍वा आज्‍यी नुमु ईन सिन सम्‍झे खाला दोक्‍पोईकी ज्‍येनज्‍यीकला ङिङज्‍ये खि। दोक्‍पोईकी ज्‍येनज्‍यीक दुक्‍पाला तो। ङा ङाराङ ईन सिराच्‍योक मिक्‍किता खाला बरू ज्‍येनला मान खि।

१ पत्रुस 4:13

दोक्‍ते दुक्‍पा भोगे खिता फाप्‍जीन ख्‍योकोन गाका खि। च्‍यिला सासीन दोक ओङजीन ख्‍योकोनगी ख्रीष्‍टकी चुक दुक्‍पा भोगे खाबा ओता ईन्‍दाका सिन टिक्‍पी टिक्‍पी छ्या स्‍येक्‍यो। थेमे ख्रीष्‍ट था छ्येज्‍यीक शक्ति ङेत्‍ला दुरू ग्‍युरला ओङे छोमु ख्‍योकोनोङ आउदी खाला गा खिता ङेत्‍क्‍यो।

२ पत्रुस 3:1

ङिङज्‍येते आज्‍यो न्‍वावे, दित्ताङ ङे ख्‍योकोनला टिबाते चिट्ठी ङि छाङगो। गोमे चिट्ठी च्‍योकराङ ङे दि चिट्ठीङ खेराङगी छ्या स्‍येबाते बाततेबा टोक मेज्‍येता खाला देत सिराला टिबाते ईन।