फिलिप्पी 2:9 - जिरेल9 थेकी थोक थोक खाबेकी परमेश्वरगी थेला छ्येज्यीक मान बिन्गीन थे छेत छ्ये सुङ मेत छ्येतेचेन थेराङ ईन, थेकामा प्रभु ईन सासुङ। Faic an caibideil |
फिलिप्पी 2:9
46 Iomraidhean Croise
याङराङ थेकी “आबेकी ओताते जति गाङे ङे जिम्माला बिन्दा ओत। थेमे ङाला गाङे बात छ्या स्ये च्युता ओत। ङा चुक्ते ईन्दे सिन आबेकीकामा छ्या स्येक्यो। थोकराङ खाला आबा चुक्ते ईन्दे सिनोङ ङेकामा छ्या स्येक्यो। ङेकामा मेन, ङे छ्या स्ये ज्युता चालाते मिओनगीङ आबाला लेमु खाला छ्या स्येक्यो,” सिन सिदुक।
था ङा काल्बासाक दुरू मेदेदो। ङा खो ओत्साने ओङगीन ओत। दोक ईन्सीनोङ दिबाबरीनी दुरूराङ देत्क्यो। थोगी आबा खुई ङाला बिन्दाते खोरोङ शक्तिकीराङ दिबाला मेलेबा ओङसादुई जोए खाला स्योक। सेमला पाप सिराते छ्याःङ मेताते खोकामा ईन। खुई दिबाला जोए खाईन ज्याक्नामेई आबा खोत्ताङ ङा दोक्पोईराङ ईन्दा च्योकराङ खाला दिबाबरीङ सेमज्यीकराङ खाला डिक्ला देता थुप्क्यो।
थेमे थेकी थेला गाङेला राज्य खित्कान्ते गेल्बो जोबा ओत। मिओनला पापदुकी डेल्कान्तेङ थेराङ ईन सिन छ्येज्यीक मान बिन्गीन थेला थे खोरोङ सामे छ्य्वापा ज्याक्पा ओत। ङुरूङ इस्राएलीओन दाक्पोन पापी दुका सिन छ्या स्येला परमेश्वर छ्य्वापा लै खित्स्यीत थेमे ङुरूङगी खाबाते पाप माफ ओङस्यीत सिनराङ परमेश्वरगी येशूला थोक थोक खाबाते ईन।
थे खोरोङगी तोके खाबाते ठीक समय छाङनामेईचेन गोमामेईराङ येशू ख्रीष्ट छ्य्वापेकी खिओ सिन थे खोरोङगी खिता चालाते काम थेकी खासुङ। दि काम च्यि ईन्दे सासीन स्वर्गने ओताते ईन्स्यीत, पृथ्वीदु ओताते ईन्स्यीत, जो ईन्सीनोङ जे ईन्सीनोङ गाङेला येशू ख्रीष्ट छ्य्वापेकी डिक्पा खाला थे अधीनलाराङ ज्य्वाच्येते ईन।
दोस्यिककामा मेन, मि जीउकी गोः च्योकराङ थे खोरोङ मिओनते छ्येतेचेन ख्रीष्टराङ ईन। येशू ख्रीष्ट मिओनचेन थे जीउ च्योक ईन। थेचेन थे जीउकीते गोः च्योक ईन। मिओनला थे खोरोङ मि जोकान्ते थेमे स्याप्ते मिओन नाङ गाङे भन्दा गोमा नोमुङ मिस्यिच्या खाला सोम्बो लोक्कान्ते थेराङ ईन। सा नाम खाङ ओताते जोबाते जति जो ईन्स्यीत जे ईन्स्यीत, थे खोरोङ मि ईन्स्यीत होदिबा गाङेते जहिलेङ जे कुरोलाङ ख्रीष्टकामा छ्येते ओङा फाप्क्यो सिन परमेश्वरगी होदोक दोक ओङ च्युताते ईन।
दोक दोक खित्जीन येशूकी चुक चुक खासुङा सिन टोक मेज्येता खाला थेलाराङ तेइन देता फाप्क्यो। परमेश्वरला चुक खाला विश्वास खित्च्ये सिन तेन्ला तेरकान्ते थेराङ ईन। थेकी खित्सादुराङ ङुरूङ जुनी खाङराङ परमेश्वरला विश्वास खिन देता थुप्क्यो। स्यिङगी थामला टाँए खाला सेत्च्येते बात मि ङोन्ला आउदी मेलेबा ईन्सीनोङ तिरी आउदी गा खिता ङेत्क्यो सिरच्येते बात सेमला ज्यागीन मिओनगी दुक्पा बिन्दाते गाङे खपे खिन स्यिङगी थामला टाँए खाला स्याप्लाङ थेकी छ्याःङ ङोचा माक्यासुङ। थेमे थे गाल्गीन परमेश्वर देत्च्येते सिंहासन सामे छ्य्वापा देता ओत।
चुक सासीन बाजिई ङ्योकोन प्रभु येशूताङ बोमज्यीक्तु ङ्योम्बुराङ ओते बेलाला आबा परमेश्वरगी थेला आउदी छ्येज्यीक मान बिन्देकी खित्सादु ङ्योकोनगी थेला मिगी ताराङ मुथुप्च्या झिलिमिली नाम्दाकला देता ओता थोङा ओतान। थेमे थेजीनराङ परमेश्वरगी स्वर्गनेकी “दि ङे फुज्युङ ईन। ङा दिला आउदी ङिङज्ये खिओ। दित्ताङ ङा आउदी खुशी ओत,” सिन साबातेङ थोबा ओतान। परमेश्वरगी थेला थोक छ्ये जोइन साबाते दि बात ङ्योकोनगी ङेराङ नामज्योककीराङ थोबाते ईन।
Sanasan