फिलिप्‍पी 2:6 - जिरेल

⁶ चुक सासीन परमेश्‍वर जस्‍तो ईन येशू ख्रीष्‍टोङ गोमामेईराङ होथोकराङ ओतान, छ्याःङ खुदुक मेतान। परमेश्‍वरला ताला छ्याःङ खुदुक मेत्‍सीनोङ थोक्‍ते हक तोङाला थेकी दुक्‍पा माने माक्‍यासुङ।

फिलिप्‍पी 2:6 Iomraidhean Croise

मत्ती 1:23

थेकी चुक साबा ओताने सासीन “कर्नेते फेम्‍मे फिजाज्‍यीगी फुज्‍यीमा खुरला फुज्‍युङज्‍यीक केइओ। थे फिजाला इम्‍मानुएल सिन सिओ,” सिन साबा ओतान। इम्‍मानुएल साबाते परमेश्‍वर ङुरूङताङराङ देत्‍ला लेमु खिओ साबाते ईन।

यूहन्‍ना 1:18

परमेश्‍वर दोकस्‍यिकराङ दुक सिन सुङगीङ नोमुङ थोङा मेत। आबातेताङ ङ्योम्‍बुराङ देताते दोक्‍पोईकामा ओताते थे खोरोङ फुज्‍युङगीकामा परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍कीन बिन्‍दा ओत।

यूहन्‍ना 10:30

आबाताङ ङा दोक्‍पोईराङ ईन,” सिन सिदुक।

यूहन्‍ना 10:33

थोक सिरजीन थे यहूदीओनगीचेन “खुई खाबाते खाङ कामगी खित्‍सादुङ ङ्योकोनगी खोल्‍ला दोई ग्‍याप्‍ला सेता चालाते मेन। खुई परमेश्‍वर विरोध खाबेकी खित्‍सादुका खोल्‍ला दोक खिता चालाते ईन। च्‍यिला सासीन मि ईनलाङ खोचेन खोरोङला परमेश्‍वरराङ ईन खिदुक,” सिन सिदुक।

यूहन्‍ना 10:38

तर ङेङ आबेकी खित्‍च्‍येते च्‍योक्‍ते काम खित्‍जीनोङ ङा थेराङ दुका सिन ख्‍योकोन पत्ते मिक्‍किओ सासीन ङे खाबाते कामतेबा ताला आबाताङ ङा दोक्‍पोईराङ दुका सिन छ्या स्‍येबा खि,” सिन सिदुक।

यूहन्‍ना 14:28

‘ङा ख्‍योकोनला ताङला डुइन ओत। थेमे लोक्‍ला ख्‍योकोन ओत्‍सादु ग्‍युरला ओङगो,’ सिन ङे ख्‍योकोनला साबाते ख्‍योकोनगी थोबाराङ ओत। ख्‍योकोनगी ङाला ङिङज्‍ये खाबा ओता ईन्‍सीन ङा आबा ओत्‍साने ग्‍युरला डोजीन ख्‍योकोन गा खित्‍च्‍या ओतान। ङा भन्‍दाचेन थेराङ छ्ये ईन।

यूहन्‍ना 14:9

थेरूई येशूकी “ङा ख्‍योकोनताङ दोक काल्‍बासाक ङ्योम्‍बु देत्‍सीनोङ च्‍यि खुई ङाला छ्या स्‍येबा मेतरो फिलिप? ङाला थोङकान्‍ते मिकी आबालाङ थोङाते ईन। थेमे चुक खाला खो ‘आबा चुकस्‍यिक ओते सिन तेन्‍ला नाङ,’ सिते?

यूहन्‍ना 17:5

दि सा लुङबा ज्‍वा भन्‍दा गोमा ङा आबा खोत्ताङराङ छ्येज्‍यीक मान ङेत्‍कीन देता ओतान। आबा खोरोङ दोन्‍दु ङा होथोक छ्येज्‍यीक मान ङेत्‍कीन देताते बात था मिओनला खुई छ्या स्‍ये छ्युत।

यूहन्‍ना 20:28

थेमे थोमेकी “प्रभु, खोराङ ङे मालिक ईन, खो ङे परमेश्‍वर ईन,” सिन सिदुक।

यूहन्‍ना 5:18

थेकी थोक सानामेईनी थेबेकी झन थेला सेताराङ चाल्‍सुङ। च्‍यिला सासीन थेकी परमेश्‍वर नियमला सन्‍चारी छोमु काम खिता मेङगो साबाते बात माङेन्‍दातेकामा मेन्‍देकी परमेश्‍वरला थे खोरोङ आबा ईन साकीन थे खोरोङोङ परमेश्‍वर छेतराङ ईन सिन साबा ओतान।

यूहन्‍ना 5:23

आबेकी थोक खाबातेचेन मिओनगी जस्‍तो खाला थे खोरोङला मान खिदुक, थोकराङ खाला थे फुज्‍युङलाङ मान खित्‍स्‍यीत सिनराङ ईन। थोक ईन्‍देकी थे फुज्‍युङला मान मिक्‍किकान्‍ते मिकीचेन थेला दुरू तोङकान्‍तेलाङ मान माक्‍याबाते ईन।

रोमी 9:5

दोस्‍यिककामा मेन, थेबाचेन अब्राहाम, इसहाक थेमे याकूब सन्‍तानराङ ईन। थेमे परमेश्‍वरगी तोङगो साबाते ख्रीष्‍टोङ मि जुनी लाला दुरू ओङजीन थेबे जातकी नाङराङ केबा ओतान। थेचेन सा नाम खाङ गाङेपा गाङेला राज्‍य खित्‍कान्‍ते परमेश्‍वर ईन। थेते सधैँभरि जय जय ओङस्‍यीत। आमेन।

२ कोरिन्‍थी 4:4

येशूला विश्‍वास खाबा मेताते होदि मिओनगी ख्रीष्‍टताङ चुक छ्येज्‍यीक शक्ति ओते सिन छ्या स्‍येच्‍येते गा लाङच्‍येते बात छ्याःङ मोखोस्‍यीत सिन दि कलि जुगी गेल्‍बो शैतानगी थेबाला लेम्‍बा जोबा ओत। परमेश्‍वरताङ ख्रीष्‍टला छ्याःङ फरक मेत, परमेश्‍वर जस्‍तो ईन ख्रीष्‍टोङ थोजोराङ ईन।

२ कोरिन्‍थी 8:9

ङुरूङ प्रभु येशू ख्रीष्‍टकी ङुरूङला चुक आउदी दया खासुङा सिरच्‍येते बातनी ख्‍योकोनला छ्याराङ ओत। ख्‍योकोनला थे खोरोङगी तेरच्‍येते आशी जति गाङे बिन्‍ला लेमु खितालाराङ थे स्‍वर्गनेकी थे खोरोङ मान थेमे अधिकार गाङे ताङगीन छ्याःङ मेताते च्‍योक खाईन देमा वाबाते ईन।

१ तिमोथी 1:17

परमेश्‍वर सधैँभरि राज्‍य खिन देत्‍कान्‍ते गेल्‍बो ईन। थे नोमुङ मिस्‍यिओ। थेला मिगी थोङा मुथुबो। थे बाई ज्‍येन परमेश्‍वर ओतराङ मेत। थेला सधैँभरि मान खाला थेते जय जय ओङस्‍यीत सिन सिइ। आमेन।

१ तिमोथी 3:16

परमेश्‍वरगी गोमा सुङलाङ छ्या स्‍ये च्‍युता मेताते थे खोरोङला चुक खाला माने खिता फाप्‍कीते सिरच्‍येते बात आउदी अचम्‍ब लाङच्‍याज्‍यीक दुक। दि बात मेन सिन सुङगीङ सिरा मुथुबो। दि बात च्‍यि ईन्‍दे सासीन ख्रीष्‍टचेन मि जुनी लाकीन पृथ्‍वीदु केसुङ। थे छ्याःङ गल्‍ती मेताते ईन सिन परमेश्‍वर आत्‍मेकी छ्या स्‍ये च्‍युता ओत। थेला परमेश्‍वर दूतओनगी थोङा ओत। जात जातकी मिला थे बात लाप्‍कीन बिन्‍दा ओत। सा लुङबा खाङ मिओनगी थेला विश्‍वास खाबा ओत। थेला परमेश्‍वरगी छ्येज्‍यीक मान बिन्‍गीन स्‍वर्गने खेरा ओत।

तीतस 2:13

थेमे ङुरूङला पापदुकी डेल्‍कान्‍ते छ्येज्‍यीक शक्ति ओताते परमेश्‍वर येशू ख्रीष्‍ट था तिरी स्‍वर्गनेकी मिगी तापराङ मुथुप्‍च्‍या झिलिमिली नाम्‍दाकला देत्‍ला देमा ग्‍युरला ओङगो सिन ङुरूङ आश खाला गुला देत्‍क्‍यो। दिराङ ङुरूङ लाईदु आउदी गा लाङच्‍येते बात ईन।

हिब्रू 1:3

परमेश्‍वर फुज्‍युङला ताला परमेश्‍वरताङ चुक छ्येज्‍यीक शक्ति ओता ईन्‍दा सिन छ्या स्‍येक्‍यो। परमेश्‍वरताङ थेला छ्याःङ फरक मेत, परमेश्‍वर जस्‍तो दुक थेङ उस्‍तोराङ ओत। दि सा नाम थेमे सा नाम खाङ ओताते जति गाङेला तेइन दि दोक ओङस्‍यीत, थे थोक ओङस्‍यीत साला ओताते जति गाङे चुक चुक ओङा फाप्‍च्‍येते ईन्‍दे थोकराङ ओङ ज्‍युत्‍कान्‍ते थेराङ ईन। मि पापदुकी ठाल्‍च्‍येते लाम जोकीन थे स्‍वर्गने छ्येज्‍यीक शक्ति ओताते परमेश्‍वर सामे छ्य्‌वापा देता ओत।

हिब्रू 1:6

थे खोरोङ छ्येते फुज्‍युङतेला दि सा लुङबामा तोङजीन याङराङ परमेश्‍वरगी “ङे दूत गाङेकी थेते जय जय खित्‍स्‍यीत,” सिन साला दुक।

हिब्रू 1:8

परमेश्‍वरगी थे खोरोङ फुज्‍युङ चुक्‍ते ईन्‍दे सिन साबाते बातचेन परमेश्‍वर बातला “परमेश्‍वर, खो सधैँभरि राज्‍य खिनराङ देत्‍क्‍यो। खुई सुङलाङ थिचोमिचो मिक्‍किता खाला लेमु खाला राज्‍य खिओ।

हिब्रू 13:8

येशू ख्रीष्‍टचेन थोङला जस्‍तो ओतान थरिङोलाङ थोकराङ ओत। थेमे सधैँभरि थोकराङ देत्‍क्‍यो, थे नोमुङ खुदुक मोन्‍डोओ।

छ्या स्‍ये च्‍युताते बात 21:6

लोईन थेकी “जे ओङा फाप्‍च्‍या ओतान थे था गाङे ओङगीन सिन्‍सुङ। ङा अल्‍फा थेमे ओमेगा शुरूलाराङ ओताते थेमे तिरी तिरीसाकराङ देत्‍कान्‍ते ईन। कोम्‍बा खाला ओङकान्‍ते मिला ङा छ्याःङ मिलिन्‍दा खाला छ्यु थुङा तेरग्‍यो। दि मोनगी छ्यु थुङकान्‍ते मिकी नोमुङ मिसिन्‍च्‍येते जुनी ङेत्‍क्‍यो।